مطعم مشربيه لاونج الرياض 💞 مكان جميل والاجمل الموظفين وحسن استقبالهم وتعاملهم واخلاقهم العالية تم افتتاحه مؤخراً مطعم من دورين يتميز بالديكورات المغربية او الاندلسية الدور العلوي للعوائل ويوجد جلسات مفتوحة وجلسات مغلقة الاكل عامةً لذيذ والجلسات مريحة الاسعار متوسطة 👍💜❤️
الرحمانية، التخصصي الفرعي ،، الرياض 12341، المملكة العربية السعودية
+966 55 384 7199
ماشاءالله تبارك الله من اجمل المطاعم نظيف ومرتب والاكل فرش ويجي حار ،، الاستاذ اسامه مدير المطعم قمة بالذوق والاستاذ جلال محترم وذوق ويساعدك حتى باختيار الاطباق
طلباتي : حمص مشكل صفيحه لحم فته باذنجان كبه ارمنيه وكباب بالكرز شوي الصوص زايد ولا الطعم جميل لكل الاكل المشروبات موهيتو مكس بيري موهيتو باشن فروت جميل جداً والسعر بالنسبه للكمية جداً مناسبه اتمنى يتم بهالمستوى دائماً واتمنى لهم التوفيق🌺
هادئ .. لايوجد موسيقى _ يوجد بارتشن .. أعجبني في المطعم الخصوصية التامه للعائلات أطباق محدودة لكن متقنة __ الأسعار متوسطه ..
الكمية قليلة نوعا ما بالأطباق الطلب كان فتة شاورما 8/10 ( الخبز المحمص اكثر من الدجاج ) كبة أرمينيه 10/10 روزيتو 10/10 فخار بطاطا 10/10 أكرر الزيارة ان شاء الله لهدوء المكان وخصوصيته
الملاحظة الاولى :- اتصلت على المطعم للحجز قالو مافيه حجز بالاتصال تجي وتجلس وتنتظر الى ان يجي دورك وبعد محاولات اقناع طويله طلب مني احضر خلال ربع ساعه وان عندهم زحمه واذا حضرت على الاقل انتظار ٤٥ دقيقه وعند الوصول تفاجات المطعم فاضي ولا فيه الا عائله او عائلتين فقط ولم انتظر لااكثر من ٥ دقايق .
الملاحظة الثانيه :- عند الطلب ابلغوني مده الطلب ٢٠ دقيقه وانتظرت بعد م انتهت ابلغني انه وقت الصلاه وطلبو انتظر اكثر انتهى وقت الصلاه لااكثر من ٢٠ دقيقه وبعدها بدء يجي الطلب بالقطاعي وبعض الطلبات م جت نهائياً وكل ٥ دقايق الموظف يسالك وش اللي باقي ماوصلك !!!
المفترض يكون هو اللي يعرف ايش اللي وصل وايش اللي ناقص
الملاحظة الثالثه : طلبت فته شاورما وللاسف فيها كل شي ماعدا الشاورما واغلب الاكل مطعم بالصوصات العاديه جداً ولا فيه اي فرق عن المطاعم الثانيه ماعدا الحمص للامانه والخبز عندهم لاحظت انه المميز عن المطاعم الاخرى
. الملاحظة الرابعه :- البارتشن المفترض يكون ستائر لو غامق او على الاقل ماتوضح من داخل الجلسه وللاسف الستائر شبه شفافه واللي خارج الجلسه يقدر يشوف من داخل الجلسه . تجربه ولن تتكرر باذن الله واتمنى ان يتحسن ويتطور شوي .
المطعم مرتب وديكوراته جميله في جلسات ببارتشن بدون موسيقى بس المطعم صغير وكان زحمه والخدمه بطييييئه جدا جدا
الطلبات تنزل بالدفعات حبه حبه والمشاوي طولت انتظرنا ساعه عشان تجي والاكل لذيذ لاكن قلييل على السعر يعني صحن الأوصال بس فيه ثلاث اسياخ !!! التبولة بالكينوا مميزه جدا ولذيذه والفريدو فوتشيني فيها زبده بشكل يغث .
وصلت للمطعم الساعة (١٠) وما دخلت إلا الساعة (١١:٢٠)، مع أني حاولت الحجز بالاتصال ورفضوا! كنا في آخر غرفة في الدور العلوي، الغرفة ضيقة جدًا، والديكور عادي في الغرفة، وإزعاج شديد، وبجانب الغرفة مكان تنظيف الصحون فكان إزعاج شديد لدرجة إني ما أستطيع أسمع صوت من كان معي في الغرفة
! الأكل قليل جدًا جدًا، والأسعار متوسطة، والطعم ممتاز؛ وكنت طلبت شيشطاوق فتأخروا علي نص ساعة تقريبًا ثم في النهاية قال لي بكل برود: تم إلغاء الطلب! طيب ليش؟! قال من المطبخ مو مني! كل هذا الانتظار آخر شي إلغاء للطبق بكل برود! الطاولة خالية من المناديل
والبهارات وما فيها إلا الصحون فقط. يحسب لهم عدم وجود الموسيقى، ووجود غرف بستائر. والتعامل سيء وبالكاد يكلمني الموظف، ويكفي إنه ما فيه زر استدعاء لموظف الخدمة من الغرفة، لازم تطلع من الغرفة وتنادي عليه! تجربة لن أعيدها أبدًا، ونشرت هذا الرأي عند جميع من سألني عن المطعم.
للاضافه السريعة : اضغط هنا
جميع الحقوق محفوظة لموقع كافيهات و مطاعم السعودية © 2025 - Privacy Policy - اعلن معنا
