مطعم عسقلان للمقلوبة جدة، المكان جدا رايق وحجمه صغير ولكن مريح نفسيا الديكور جدا راقي وبسيط في نفس الوقت الخدمة سريعه والاكل جدا لذيذ ومذاقه يرقى للسعر
الأسم: مطعم عسقلان للمقلوبة
التصنيف:عوائل – أفراد
النوع:مطعم
الاسعار: مرتفعة
الاطفال:مسموح
بارتشن: لا يوجد
الموسيقى:لا يوجد
أوقات العمل: 12pm–12am
خرائط جوجل: للدخول الى المطعم عبر خرائط جوجل اضغط هنا
الاكل لذيذ جدا بعد اكثر من تجربه .. مقلوبة اللحم اللحم طازج ولذيذ جدا .. الخضروات طازجة وفرش .. الطعم ولا غلطه .. وايضا الملوخية جدا لذيذة انصح فيها .. و الموظفين بشوشين ومرحبين دائما وبالاخص الاخت دالي
منيو مطعم عسقلان للمقلوبة
ماشاءالله المطعم مرتب وحلو والموظفات مهتمين بالعملاء برضه المشكلة لاني مو من اهل جدة عانيت عشان اوصل له قدام المطعم تحويلة فقعدت احوس لمن وصلت الجلسات كويسه بس للاسف المكان دور واحد وشويه ضيق الطاولات شبه ملصقه يعني طلبت سلطة فتوش ومقلوبه نص دجاجه وملوخية السلطة تجننن لذيذة وحامضه مره عجبتني وفكرة الخبز عليهة مبتكرة برضه بس الخبز كان شويه محروق بس شويه الملوخيه لذيذة المشكلة بس الي لازم ينتبهوا لها انه الثوم تقمر بزيادة وخرب مرة طعم الملوخيه الصراحه نكد عليه لانه الملوخيه لذيذة بس تقميرة الثوم خربتها المقلوبه ماشاءالله كميتها راهيه تجنن اتمنى اتمنى من كل قلبي يبقوا على نفس الكميات ما ينقصوها زي المطاعم الثانيه لذيذة المقلوبه فيها كل الخضار والدجاج لذيذ ويذوب بالفم مرة حلو اخذنا سلطة لبن مع المقلوبه لذيذة بس شويه قليله تكفي شخصين بس حسابي كان ١٥٠ حلو السعر بس تمنيته أقل شويه بس اراعيهم تكلفه المطعم والموظفين والموارد يعني تكلف اهم شيء يارب يستمروا يقدمون الطعام بنفس الكميات الحلوة ذي اكرر التجربة ان شاءالله
اراء المتابعين
التقرير الأول
للأمانه من اطيب وأفضل مطاعم المقلوبة اللي ذقتها في جده والله ياجماعه ماهو مجامله لو اقلكم اني أول مره اذوق رز بالخلطة الرائعه المطعمه بالقرع والبطاطا الحلوه وغيرها من حشوات باختصار ( شي فاخر من الآخر ) ولا يفوتني ان اشكر الاخت داليا على تعاملها الرائع والشكر لكل الطاقم بارك الله فيكم
التقرير الثاني
مشالله مطعم مرتب و بسيط و نظيف. الاكل ينزل سخن وهذا شي مهم عندي بالنسبة لهذا النوع التقليدي من الاطباق. مشالله كل شي باحجام كبيرة وفيرة و بيستخدموا زيت الزيتون في كل الاطباق و هوا شيء ملحوظ في الطعم. الحريرة كانت جيدة جداً. طلبت صحنين مقلوبة لشخصين و سلطة خضراء و كراميل كانت كلها تمام. مقدمة الخدمة كانت المتميزة دالي جداً ودودة و محترفة بهدوء. ومدير المطعم الاستاذ ثائر كان لطيف كذلك. انصح الجميع بالتجربة و هوا يستحق ذلك
التقرير الثالث
يمي يمي طعم ولا اروع الاكل لذيذ جدا و مقدمه الخدمه ممتازززززه ( حنان ) تستاهل خمس نجمات طلبي كان مقلوبه صغير مع بيبسي اول تجربه و كانت مممتاز وكمان شاي ضيافه مجانيه
التقرير الرابع
ماشاء الله تبارك الله مطعم جميل بكل معاني الكلمه من ديكورات واستقبال واخلاق عالية من الموظفين البشوشين وبالنسبة الاكل لذيذ جدا جربت مقلوبة دجاج ولحم حقيقه نحتاج مطاعم مثل هذي بجدة الف شكر لكم جميعا
التقرير الخامس
ماشاء الله تبارك الله الطعم جميل جدا وخدمة ممتازة واشكر كل من الأخت داليا والأخت حنان على حسن الاستقبال الطلب كان مقلوبة لحم وشوربة حريرة، مقلوبة خرافية.. اللحم والرز والخضار كلها لذيذة … حتى الملوخية كانت حلوة .. مع اني طالب عن طريق تطبيق الا ان الاكل وصلني يغلي كأنه مسوينه عندي في المطبخ .. السعر مرتفع حبتين لكن يستاهل كل ريال
التقرير السادس
الذ وافضل مقلوبة ذقتها بحياتي واظن بموت ومحد وصل للمستوى من الطبخ احس اني بكوكب ثاني ما اتوقع احد طبخ مثل هالمقلوبة من خلق الله الخليقة انجوي، ماشاءالله المكان جدآ هااادي تاخدو راحتكم بلاكل مررررا ويفوز حقيقي بأفضل مقلوبه بجدة حبيت انهم عملوا شي مميز عن باقي المطاعم انا من كثر ما حبيت الاكل انا وزوجي اخدنا محلي وسفري ودوبي مخلصه من الاكل وخدمتهم رائعه جدآ من الويتر الجميله حنان كانت تعاملنا بكل حب ولطاافةةة وجدآ خدومة البنت اسأل الله ان يباركلكم برزقكم
التقرير السابع
المقلوبة لذيذة جدا جربت مطاعم مقلوبة في جدة و الرياض، هذا أفضلها، اغلب المطاعم يقلي الخضار ثم يضاف على الرز و يقدم للعميل، بالشكل هذا ما صار اسمها مقلوبة بعكس عسقلان يطبخون الخضار مع الرز. جربت اللحم لذيذ و سألت الكاشير قالت لي انه لحم حري. السلبية في المطعم هي في أسعار وجبة الدجاج حيث انها نصف دجاجة ب ٤٠ ريال هذا سعر مبالغ فيه جدا انا لو حبيت اجي كل فترة اتغدى في عسقلان لن يكون خيار بالنسبة لي، ممكن اكل فيه في الشهر او الشهرين مره فقط، برضوا سعر الملوخية و سلطة الخيار لبن كلها اسعارها غالية جداً اتمنى يعيدون النظر فيها و شكراً
