مطعم سان كارلو شيكتي جدة، مطعم ايطالي عالمي فخم يحتاج حجز مسبق ، ديكور المطعم وأجواءه اول فرع كان في لندن ومن لندن الى الرياض وحالياً فرعهم بجده يقدم ألذ وأجمل المأكولات الايطاليه الفاخره أجواء المكان والديكور رائعه ،، الخدمه راقيه جداً .. طاقم العمل ايطالي محترف وفي منتهى اللباقه
الأسم: مطعم سان كارلو شيكتي
التصنيف:عوائل – أفراد
النوع:مطعم ايطالي
الاسعار:مرتفعة
الاطفال:مسموح
بارتشن: لا يوجد
الموسيقى: يوجد
أوقات العمل: 1PM–12 AM
خرائط جوجل: للدخول الى المطعم عبر خرائط جوجل اضغط هنا
عشوة مساء الثلاثاء كانت في هالمطعم الجميل ، وماشالله رغم جينا بدري ٧ ونص لكن مليان المطعم ، الديكور والأثاث جمييييل ، المساحة وسط ، يعني فيه شعور بالتزاحم أثناء الجلوس عالطاولات ، الخدمة ممتازة وسريعة بالذات فقرة القهوة والحلا بسرعة وصل الطلب ، العشاء كان روزيتو بالمشروم ١٠ من ١٠ و البطاطس حقتهم حقيقي ماذقت زيها بأي مطعم بالعالم ، طازة وطرية ولذيذة والبيزا بوراتا ٩ من ١٠ . الحلا والقهاوي عندهم واضح مش مختصة ، طلبت فلات وايت ٦ من ١٠ مرارة تجارية ، ف بدلته لاتيه حار صراحه لذيذ ١٠ من ١٠ ، و اثنين كابوتشينو قالوا صاحباتي ٨ من ١٠ ، والحلا مونتي كريستالو يجنننن ١٠ من ١٠ طري لذيذ فيه نكهة البرولي كريم كراميل ، يعني اطلبوه يفوووز صراحة بالنسبة للأسعار كل هالطلبات ب ٣٧٦ لكن الأكل يستاهل يعني أكرر الزيارة بحول الله في النهار بعيداً عن الضوضاء و أطلب أكلهم وماشاءالله كل شوي احتفال ميلاد ، واحنا اخترنا هالمكان احتفاءاً بمناسبة عند صديقتنا
منيو مطعم سان كارلو شيكتي
الطلبات كابتشينو ٢٢ كابتشينو ٢٢ الطعم ممتاز وسعره ايضا. بالنسبة للمطعم ايس شكولات طعم متوسط ولكن طريقة التقديم جداً رائعة ومنظره مغري وسعره مرتفع ايضاً الجلسة الخارجيه هادئه وجميله
اراء المتابعين
التقرير الأول
من افخم وارقى المطاعم الايطاليه الاسعار مرتفعه مقارنة بكمية الاكل الاكل لذييييييذ يلزم الحجز قبل الذهاب للمطعم انصح به راااقي جدااا
طلباتنا كانت متنوعة، البداية مع راڤيولي البوراتا، الطبق كان جدا لذيذ، كون الباستا طازة والطبخ كان الدينتي للراڤيولي وابدا ماكانت سميكة مرة وصوص الطماطم كان جدا جدا ممتاز نكته تكسر نكهة الجبنة القوية. وطلبنا بارميجانا دي ملانتزاني. كان طبق ممتاز ونكهة الباذنجان في رهيبة. وكمان طلبنا مارجريتا ودياڤولا. مافي بعد البيتزا الكلاسيكية بيتزا، كانت جداً لذيذة والعجينة كانت هشة وباين فيها طعم التعتيق، النكهات كانت متناغمة بشكل مو طبيعي الريحان والموتزاريلا وصلصة الطماطم. الدياڤولا كانت تغيير جميل ونكهة الإضافات كانت لذيذة خصوصاً السلامي ولكن كانت حارة شوية. وأخيراً موهيتو التوت وكان لايقل عن الطلبات البلقية. أكثر شي لفت انتباهي بالمكان هو جودة المكونات المستخدمة، حقيقي جودتها عالية جداً جداً، جربت مطاعم ايطالية مختلفة بس شتان بين الثرى والثريا. هل ممكن أزور المطعم ثاني؟ أكيد حزوره لسى في أطباق كثير تنتظر التجربة ولكن لو رحت ثاني ححاول انوع بالصوصات لانه اغلب طلباتنا كانت بصوص الطماطم ونوعا حسيت بالتكرار لانه اساس الصوصات واحد
التقرير الثاني
مطعم ايطالي جداااً لذيذ والمنيو متنوع واسعاره من متوسطه الى مرتفعه بس يستاهل بصراحه اكلهم مرررره لذيذ وديكورات المكان تفتح النفس ما شاء الله مره زحمة والخدمة سريعه يستحق التجربه
التقرير الثالث
مطعم ايطالي جدا فخم طلبنا بيتزا مارجريتا لذيذه ونوعين باستا الفيوتشيني لذيذة والبيستو وسط وطلبنا سمك اللوبستر سعره ١٦٥ يكفي شخص واحد فقط وما كان لذيذ ابدا حلانا كان ايس كريم لذيذ جدا اجواء المطعم والديكور راقيه وجميله جدا والتعامل ارقى واجمل
التقرير الرابع
الاطباق من ممتازه الى تاخذ العقل كل طبق متميز لوحده -الثلاث الكرات ذي اتمنى انكم تاخذونها وانتم مغمضين بطاطس الترافل بيتزا فيها قرنبيط نسيت اسمها لذيذه لذيذه بس ملاحظتي جودة العجين ماعرف وش فيها الموهيتو بالباشن فروت لوحه فنيه تحطها في بيتكم ماتشربها والطعم لذيذ مره الخدمه الموظفين شي فاخر الصراحه الاجواء كنك مسافر الحلا كان السيقنتشر الصراحه عادي جدا جدا حلا رمضان كثير عليه الاسعار من المتوسط للمرتفعه بالتوفيق
التقرير الخامس
الحجز المسبق إلزامي في بعض الأوقات فلابد أخذ ذلك بالحسبان، الاستقبال vip، الطاولات والمقاعد رائعة، الهدوء يعم المكان، خدمة الموظفين متميزة، وسرعة تقديم الطلب ممتازة، كمية الأطباق تكفي نفر فقط، الفوتوتشيني لذيذة بمعنى الكلمة، والمارجريتا جميلة .. يستحق التكرار مرات عديدة
التقرير السادس
السلام عليكم المطعم ايطالي، ويفضل الحجز قبل الذهاب إليه، ويشترط أن يكون اللبس رسمي (ممنوع الشورت)، ومدة الجلوس ساعة ونصف، ديكور المطعم من الداخل جميل، واكلهم لذيذ، قائمة الطعام عن طريق الباركود ويتضمن الاكل الايطالي مثل البيتزا والباستا والرزيتو والسلطات وبعض الانواع الاخرى، السعر مرتفع نوعاً ما. عموماً المطعم يستحق التجربة
التقرير السابع
حيكون وصف التجربة اليوم بالعربي ليستفيد اكبر عدد ممكن وخصوصا ان اغلب التقييمات للمطعم انجليزي. كنا في عزيمة عمل لزوار من الخارج. فهو مناسب جدا لمثل هذه المناسبات ولكن المطعم دائما مزدحم ماشاءالله وغير هادئ.
المقبلات: الكليماري لم يكن مثل المتوقع قاسي وغير سهل الاكل، لكن الصوص الخاص به لذيذ جدا. كرات الكماء لذيذة جدا ومميزة لمن يحب طعم الترفل.
البيتزا والفوكاشي لذيذة جدا والعجين جدا مميز والخلطات والجبن من اعلى المستويات.
طلبت مشروب الزنجبيل طعمه جدا لذيذ لكن الثلج اكثر بكثير من المشروب ولم اتمكن من الاستمتاع بالطعم لفترة طويلة. البطاطس بالكماء نكهته لذيذة بس مُشرب بالزيت بشكل كبير جدا. ضلوع اللحم لذيذة جدا ومطهية بالطريقة الصحيحة جدا. الضلع الكبير المغطى بالبقسمات ومقلي بالزيت الزيتون سيء بدون طعم وغير لذيذ. ايسكريم الشوكلاته العرض بتجهيزة جميل الطعم ٢ من ٥. وهنا نتكلم عن بطل الجلسه كلها وهو حلى الميرانغ الايطالي وهو الذي جعل العشاء لذيذ جدا ويبعث السعادة داخل القلب. اتمنى ان يكون التقييم مفيد للجميع.
