مطعم توينا جدة، مطعم مأكولات بحرية علي كيفك كل على راحتك خدمة مميزة اجواء جميلة جلسات مغلقة وخارجية مريحة طعم السمك يشهي يوجد جسر لمحبي التمشية وعربات جلف لتوصيل لكبار السن المكان حلو ومناسب لاكثر من عائلة
الأسم: مطعم توينا
التصنيف: عوائل – أفراد
النوع: مطعم ماكولات بحريه
الاسعار: مرتفعة
الاطفال:مسموح
بارتشن: يوجد
الموسيقى:لا يوجد
أوقات العمل:8am–1am
خرائط جوجل:للدخول الى المطعم عبر خرائط جوجل اضغط هنا
طلبنا مقلي وطاجن باشميل كل واحد احلى من الثاني والسمك المقلي كان ناشف شوي يمكن أخطأنا بإختيار السمك يمكن هالنوع ماينفع للقلي ، لكن ككل الأكل لذيييذ والمكان مررره حلو وينفع تغيير جو للعيله كلها وفيه غرف خاصه بالطلب لو وصل طلبكم ل١٥٠٠ بس ماتتقارن بالقعده عالبحر
منيو مطعم توينا
مطعم جميل ورايق وهادي لازم تطلب من المطعم ب٣٠٠ ريال عشان تدخل جوا وفيه طلبات خارجية وموجود غرف خاصة للعشاء ب١٥٠٠ ريال تصلح للعرسان او للعزيمة وللضيوف اذا تبي تغير من جو البيت او الاستراحة ويحتوي على مسبح تذكرة الدخول للاطفال ٥٥ ريال والكبار ٧٧ ريال والمسبح يقفل الساعة ٩ عشاء وبامكانك السباحة بالشاطىء لكن يقفل قبل اذان المغرب عشان كذا لازم تجي بالنهار وتستمتع بالليل جو عشاء وقهوة ساخنة ولازم تلبس ثقيل اذا بالشتاء مثل هالايام لانك عالشاطي والهواء بارد وبالنسبة للعشاء صينية سمك بالخضار مو قد كذا والسمك المشوي لذيذ والرز والطحينة واحلى حاجة صراحة طاجن القمبري لكن غالي ومايجي الا خمس حبات قابلة للنقص اذا ما انتبهت لهم بالمختصر تجربة مش بطالة وجهز ٥٠٠ حق العشاء اذا انتم اثنين الى اربعة اشخاص وسلامتكم
اراء المتابعين
التقرير الأول
السلام عليكم ورحمة الله وبركاته ، التجربة كانت مع ثلاثة من الأصدقاء، المكان جميل ورايق ومرتّب ويفتح النفس لجلسة أهل أو أصدقاء والنهار يكون أحلى بس أزحم الطلب : سمك ناجل، شعور ، حريد، ربيان مقلي ، وفيليه بشاميل وكاري الرز صيادية الطعم ١٠/١٠ الخدمة ١٠/١٠ السعر ٨/١٠ شغل طيب ونظيف وطازج بس السعر مبالغ فيه وخصوصًا أنها مدينة ساحلية وفرة السمك وكثرة العرض ما أثرت على المطاعم عمومًا تجربة رائعة وتستحق التكرار ولكن للمناسبات المهمة والناس الطيبة شكرًا جزيلًا على شغلكم الطيب
التقرير الثاني
مطعم ماكولات بحرية يمتاز بموقعه الجميل على البحر لذلك انصح بزيارته في النهار اول ما توصل تدخل غرفة تختار الاسماك الي تبغاها و طريقة طبخها مع اي اصناف اخرى بعدين تدخل فيه عدة خيارات للجلوس : ١- غرف خاصة تصلح للي يحبون الخصوصية او الي عازمين احد لكن ما جربتها ٢- جلسات داخلية ٣- جلسات خارجية بعضها قريب من شاطئ البحر و بعضها في السقالة داخل البحر و هي الي جربتها فيه العاب اطفال متفرقة بين الغرف و فيه منطقة صغيرة للسباحة تناسب الاطفال بس كانت جدا مزدحمة طلباتنا كلها سمك مشوي و كان لذيذ و نظيف لكن الطلب اخذ وقت طويل من الانتظار لان الزيارة كانت وقت اجازة و كان المكان جدا مزدحم الاسعار تعتبر مرتفعة
التقرير الثالث
مكان رائع ومميزه ديكورات مميزه اكل لذيذ اهم شي حاولو انكم تعرفو طلبكم قبل لاتجو بناء على اسعار المنيو .. ملاحظه سلبيه وهي سعر الببسي الواحد (٢٥) ريال فعلا شي يزعل يجبر اننا نهرب ببسي المره الجايه
التقرير الرابع
مطعم مميز بإطلالة جميلة و اكل لذيذ ،، لكن ما تقدر تدخل الا اقل شيء تطلب ب 300 ريال و تدخل جوا المطعم طلبت سمك هامور مقلي و جمبري مقلي وكان مره لذيذ وتقدر تاكل جوا اذا تبغى ع البحر و لا جلسات داخلية و يوجد غرف خاصه ب 1500 ريال تنفع للعرسان ويوجد عندهم ألعاب للأطفال مكان روعه مره بس لو يخفضوا السعر شويه 300 ريال اقل طلب مره كثير ع شخص ولا شخصين بس مكان و اكل و إطلاله مره حلوو وفنان و انصح فيه و يوجد دي جي عندهم ف الليل كمان نسيت ما اذكره من اول انصحكم فيه
التقرير الخامس
مكان رائع ومتميز، تقريبا ٤٠ دقيقة شمال جدة، الاكل لذيذ جدا، الجلسة رائعة والخدمة ممتازة..هناك شاطئ صغير بإمكان الأطفال اللعب فيه، نظيف جدا ومنظر الغروب رائع، هناك قارب البجعة بدالات ب٥٠ ريال…انصح به وبشدة
التقرير السادس
حلوة مرة مرة مرة .. الاكل لذيذ والاطلالة جميلة كنت اتمنى اعطيهم خمسة نجوم .. لكن عندهم شيئين ما عجبتني ، انه الطلب لازم يكون 250-200 عشان يقبلون طلبك ( شخصين كذا ما يمديهم ، او ممكن يطلبون اشياء زيادة ما يبغونها عشان يدخلون ) ثانيا .. مع ان الطلب 200- 250 ( الشطة ام ريال .. لازم تشريها عشان يوفرونها لك !!!! ) والصوصات ببلاش / على الاقل كملوها مع الصوصات وحطوها كاملة بالطاولة بدون اي مقابل دام ان العميل دفع مبلغ محترم. افضل وقت تجيه ، وقت غروب الشمس او قبل الغروب بساعة او ساعة ونص
التقرير السابع
هو منتجع له أماكن جميلة جدا للتسلية والاسترخاء المكان نظيف الاكل المعتمد اكلات بحرية بعضها لذيذ وبعضها طعمها عادي سؤالي لماذ هذه الأسعار المرتفعة . الموظفين متعاونين جدا خدمتهم تدل على تمكن من عمله بمهاره ، يوجد أماكن ترفيه جميلة للشباب مثل ملعب كرة سلة مسبح زوارق للتسلية توجد شاليهات بعدد ساعات محدوده وهيا 4 ساعات على ان يكون طلبك للاكل بحدود 1500 ريال حتى تستطيع حجز الغرفة اوالشاليه يوجد لديهم عروض بالنسبة للاكل لمعرفتها الاتصال على الرقم الموحد الخاص بهم لمعرفة العروض، لديهم أماكن جميلة تساعد على الاسترخاء بوجود جلسات على شاطى البحر مايزعج في المنتجع ارتفاع الأسعار مرتفعة جدا خاصة الاكل وكل شى تريد استخدامه برسوم ماديه اخاف القي التحية على ااي موظف يطلب مني رسوم و بالتوفيق
