مطعم بيت الجاوي سوشي ساكاي جدة، من أطعم وأفضل المطاعم اليابانية في جدة ،،، الأسعار في متناول الجميع،،، ديكورات المطعم هادئ والأجواء رائعة والمكان مرتب،،، مناسب للشباب والعوائل،،، يوجد العديد من المواقف الخارجية،،، بالتوفيق ان شاء الله وإلى الأمام دائماً وأبداً
الأسم: مطعم بيت الجاوي سوشي ساكاي
التصنيف:عوائل – أفراد
النوع:مطعم
الاسعار: مرتفعة
الاطفال:مسموح
بارتشن:لا يوجد
الموسيقى: يوجد
أوقات العمل: 1pm–12am
خرائط جوجل: للدخول الى المطعم عبر خرائط جوجل اضغط هنا
اطعم سوشي دقته شي طعممممم كل وحدة طعمها مميز ومختلف مرة عجبنا. طلبنا • سلطة كاني • سوشي: ١. ساموراي رول ٢. كريزي رول ٣. كاليفورنيا رول ٤. كرسبي رول ٥. فيلاديلفيا ٦. كريزي كالفيورنيا الي مو موجود بالمينيو ٧. بينك بانثر • طلبنا كمان الجمبري كوكتيل مقرررررمشششش لزيز • نودلز بالجمبري معرف طعمها شبعت قبل اوصلها
منيو مطعم بيت الجاوي سوشي ساكاي
مطعم ياباني تحت إشراف شيف مصري وأصل المطعم من مصر وهذا فرع له ف السعودية حسب إفادة النادل طلباتنا كالتالي؛ ميسو سوب 10 من 10 شوربة سينومو 9 من 10 ومرة مفلفلة أو مليانة بهارات ما قدرت أكملها بس إنها ممتازة إدامامي 9 من 10 طعمه أوكي ولكن يختلف عن بقية المطاعم ، في له طعم ليمون. يعيبه الكمية قليلة مقابل السعر. جمبري تمبورا 10 من 10 مكس تبنياكي 8 من 10 جيد جيدا ولكن اللحم اللي معاه لا بأس به وعيبه سعره جدا جدا عالي كرسبي رول ( صراحة أنا ما ذقته ) طلب خاص بالطرف الثاني. ايس تي ليمون ونعناع ممتاز فلوريدا كوكتيل ممتاز المطعم بشكل عام ممتاز ولكن يعيبه سعره الغالي شخصين ب 263 ريال
اراء المتابعين
التقرير الأول
بالرغم من كثرت مطاعم السوشي الموجودة في جدة الا انو دا المطعم الافضل بالنسبة ليا شخصياً من حيث الخدمة جودة الطعام وحتى جو المكان … اتفاجأت من تغير هوية المطعم الا انها اضافة اكتر من رائعة ف اشباع ذائقة العميل من نوعين اكل مختلفة تماماً .. انا زبونة دائمة منذ اكثر من عامين وما سبق واشتكيت من تغير سيء للمطعم دائماً ف جودة افضل زيارتي الاخيرة كانت قبل يومين تقريباً وشخص من طاقم العمل ساعدنا ع حمل عربية الاطفال وخدمته كانت اكثر من رائعة ولطيفة ف الاستقبال بحكم انو الاطفال مو دائمآ مرحب بيهم بشكل جيد ف المطاعم الباقية الا انو ف جاوي وياباني “سوشي ساكاي سابقاً ” كان ترحيبهم جداً مرضي لدرجة انهم غيرو اتجاه تكييف المطعم تجنباً لازعاج طفلتي .. خفت ف بداية الامر من تغير الجودة بسبب اختلاف الهوية لكن اقدر اقول انهم كسروا كل التوقعات وكانو افضل من سقف توقعاتي بمراحل شكراً لكل طاقم العمل في المطعم ودائما مطعمكم له ذكريات ف كل مناسباتي لانه المطعم المختار ف الاحتفال ب ايامي المهمة وماقد خذلت وفقتو ف اختيار طاقم الخدمة والشيف الاكثر من رائع كل التوفيق دائما وابداً زبونة المطعم من ٢٠١٦
التقرير الثاني
مكاني المفضل للسوشي دائما.. لكن عندي ملاحظة لكم انا اعشق سلطة كاني حقكم واكلها عندكم من سنين .. امس طلبتها وكانت حرارتها زاااايده لدرجة ماقدرت اكملها بالله رجعوها زي اول حرارتها متوسطة وخفيفة.. لانو كل شي عندكم يجننننن حرفيًا بس لاتغيرو شي في الكاني
التقرير الثالث
كان ولا يزال من أفضل المطاعم اليابانية في جدة اللي بتقدم السوشي يشرف عليه الشيف المصري الخلوق الشيف هاني .. بصراحة عندهم استقبال رائع وجوه بشوشة و مضيافة .. أجواء هادئة وحميمية .. تنوع واسع في قائمة الطعام وأنيق جدا وبأسعار جدا منافسة ومقبولة .. بالنسبة للي مايحبو السوشي يوجد لديهم خيارات من السوشي المطبوخ وغيرها من اطباق التبنياكي والترياكي الرائعة من لحوم و دجاج وسلمون .. العصائر والحلى عندهم أيضا جدا رائعة .. أنصح بزيارتهم وأتمنى لهم كل التوفيق • موقف .. مرة كنت عازم ضيف معايه عندهم وبعد ماتعشينا وطلبت الحلى كان متردد الضيف من الحلى وقال يمكن مايعجبه اللي هو الموز المقلي والآيسكريم المقلي فطلبت لي فقط لكن تفاجئت عند تقديم الحلى بأنهم عملو حساب الضيف وقالو هذا هدية من المطعم ونتمنى تجرب وينال اعجابك .. قليلون هم من يجيدون كسب قلوب واحترام الناس وهؤلاء منهم
التقرير الرابع
اول تجربة سوشي في حياتي كانت هنا ولله الحمد تجربة جميلة تستحق التكرار ، الاكل المطبوخ لذيذ والني مع الصوص مستساغ جدا عصيراته ممتازة والاجواء والجلسة مع الاضاءة والموسيقى روعة ، الاسعار معقولة رغم ارتفاعه يبرر ذلك جودة المكونات والديكورات، الخدمة من الطاقم ممتازة . اوصي بالمطعم لمن يحب تجربة جديدة ، لن تندم
التقرير الخامس
أفضل أفضل أفضل مطعم سوشي في جدة سلطة الكاني ممتازة و لذيذة الشرمب كوكتيل لذيذ كل الاصناف ممتازة و المكان عائلي لطيف
التقرير السادس
المطعم هادئ و مريح .. الأكل ممتاز .. السوشي حقهم نظيف ولذيذ وسعره معقول جدا.. والخدمة ممتازة ولازم تسألو عن الويتر عبدالجواد ماشاء الله في منتهى الأدب والأخلاق وفاهم المنيو صح.
التقرير السابع
مطعم ياباني يقدم أصناف يابانية من مدينة سكاي ..حبيت المكان ديكوره جميل نظيف الموظفين مبتسمين سريعين و في خدمتكم بأي لحظة ..عجبني المنيو بكل أنواع السوشي و الشوربات و الوجبات اليابانية لمنطقة سكاي ..بس النودلز يعني لا يمد صلة بالاكل ياباني غير وجود الصوص الصيني المالح و طعمه ما عجبني كثير …الحمدلله .. بس السوشي طعمه لذيذ حبيت السالمون بالليمون الحار اللي حاطته بالصورة لونه اصفر حبيت الاطباق غالبا بحرية و يعجبني أكثر شيء ربيان بالكنافة ..لذيذ جدا و لمن تغمسوها في الصوص الحار أووف طعمها رهيب لدرجة ممكن تطلب صحن تاني منه …حبيت الشوربة اللي لونها أبيض اسمها توم ..من ناحية دورات المياه جدا نظيفة و تتوفر فيها المناديل و الصابون .. و مسموح لكم تأخذوا تيك أوي لو تحبوا
