مطعم إيريك قيصر بالرياض تجربة رائعة جدًا في مطعم ايريك فرع الرياض بارك ..الستاف جدًا رائع من ترتيب وترحيب ونظافة المكان ولباقة مدير الفرع . .الاكل لذيذ ..والمكان هاديء ومريح ..شكرًا لكم 💕
الطريق الدائري الشرقي الفرعي، العقيق، الرياض
لم يذكر
طلبت كروسان جبنه و سبنش لاتيه بارد ، الطعم عادي ☺️ كلّفني ٣٨ ريال. خدمتهم ممتازة 👏🏻 فيه جلسات خارجيه جميلة وداخليه لكن عيبها صغيرة
مستحيل ارجع “اتعامل” معاهم مهما كانت الجودة المقدمة للاكل او الشرب التعامل هو الاهم تواصلت معاهم عشان احجز كيكة لبيرثداي الوالدة قبلها باسبوع عشان اتأكد ان مافيه اي غلط بالموضوع وقبلها
بيوم رجعت واكدت عليهم بطلباتي بدايةً اننا اتفقنا الاستلام على وقت محدد من فرع محدد قبل وقت التسليم بعشر دقايق تتصل الموظفة تقول
لا تجون الحين بتتأخر الكيكة، قبلها بعشر دقايق اكيد اني طلعت بعدها وصل اخوي للمكان بس اكتشفنا انها حاطة استلام بفرع ثاني بيننا وبينه نص ساعة، عجيب واخيرًا الموظفة اعتذرت اكثر من مره على
هذا الغلط وقالت انا اسفة وهذا تمامًا غلطي لأني خربت عليكم احتفالكم وما الى ذلك والتعويض ان الوالدة تجي اي يوم بشهر البيرثداي حقها مع صاحباتها
وتختار الطاولة الي تبي وانا بدلعها وعندنا عازف وحركات اخترت يوم وتواصلت معها وقعدت تحوّر الكلام واخيرًا قالت ما اقدر الادارة ماترضى😂
مع ان كيكة سولتد كاراميل هي افضل سولتد كاراميل بالرياض وما نختلف عليها لكن الخدمة سيئة وماتنعاد ابدًا
روعة الجلسات رايقة ،، والويترز متعاونين خصوصا عمر يعطيه الف عافية خدوم وبشوش الى الامام يا سي عمر 🥰
اكل لذيذ واستقبال جميل ورائع من الاخ احمد عطيه اخلاق وادب وذوق وسمو ونبل وكريم ضيافه باختصار عربي اصيل 🌹🌹
المطعم مررره جميل والاكل يشهي والخدمه ممتازه انصح الكل بزيارته والاستمتاع ايضا بالحلى عندهم فيه اصناف لذيذه تستاهل التجربه وفيه شي ايضا اعجبني روح العاملين فيه الحلوه وبالاخص الويتر محمد مثل البلسم اللي في الرياض بارك
المكان بشكل عام مرتب 👌
الجلسات مفتوحه ما فيه بارتيشن
وفيه جلسات خارجيه برذاذ
الأسعار أشوفها جدا معقوله مقارنه بحجم الأكل راهي جدا
طلبت فطور كونتيننتال وهو عباره عن “أومليت خضار أو جبن، مربى، زبده، كيك مادلين، سلطه، مخبوزات، عصير وقهوه” ب٥٥
وفول وكان حجمه كبير مره مع سلة كبيره خبز ب٢٢
وعطونا صحن مجاني كخدمه فيه لبنه وزيت وزعتر وزبده ومربى وطلبنا إعادة تعبئة للبنه وما قصرو 💖
الفطور اللي طلبناه يكفي ٣_٤ أشخاص مقارنه بالسعر كويس مره
الآكل لذيذ لمحبي الأكل الفرنسي 👏
الخدمه جيده
أكرر الزياره لتجربة القهوه عندهم بإذن الله ✅
🔴 تحذير : يوجد موسيقي، الرجاء إنكاره وبإذن الله يسكرونه مره مع كثرة المنكرين 🌹
اسعارهم جدا ممتازة امس وتقهويت عندهم..حلاهم لذيذ اغلبه وكابتشينو 👍لكن كيكة التمر ماعجبتني وماانصح بها ..اذا عدلوا كيكة التمر اعطيهم ٥*
للاضافه السريعة: اضغط هنا
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
