إذا تبحث عن افضل مطاعم ايطالية في جدة فهنا جمعنا لك أفضل خياراتنا اللي ننصح بها زوار موقعنا الكرام، المطاعم في القائمة مجربة، انضم الينا
مطعم هادئ .. وجميل ✅ الايجابيات : هدوء المطعم ، تعامل الطاقم جميل جداً ، الاكل طازج يُعمل حسب الطلب ، الطعم لذيذ جداً للبيتزا وغالبية الطلبات رائعة •مواقف السيارات متوفرة
تقرير متابع
المطعم لذيذ خاصة الفيوتتشيني وبيتزا المارغريتا اول ماتدخل تشم ريحة الحطب تتذكر مطاعم ايطاليا .. بصراحه يستحق التجربه .. اخلاق العاملين ممتازه ..
مكان رائع في ويقومون الآن بتجديد الديكور لكامل المطعم الله يوفقكم و يرزقكم من واسع فضله
بالعادة ما أحب الأكل الأيطالي لكن بعد ماجربت هذا المطعم صراحة حبيت وإلى الأن زرته مرتين جداً لذيذ أكلهم والموظفين بشوشين وسريعين في تقديم الطلبات ، جلسات المطعم واسعه ومريحه شكراً لهم.
الخيار الاول لما يكون نفسي في اكل ايطالي
عندهم فيتوتشيني مو طبيعيه واصابع جبنه رهيييييييييببه من المطاعم المفضله عندي👏🏼
للمزيد عن مطعم ايسابيلاس اضغط هنا
المكان مرتب ونظيف الخدمة ممتازة وسريعة الطلب كان عبارة : تشكن رولز رايبز : جدا جدا لذيذة لاتتعدونها ابدا روزيتو دجاج بالليمون : كمان لذيذ وناطع بيتزا اكسترا مارجريتا : يعني طعمها وسط بشكل عام المطعم جيد جدا والاسعار ترى شوي جامدة
تقرير متابع
من المطاعم الايطالية المميزه والتي تقدم أطباق مميزه مثل الروزيتو الذي لم أذق أفضل منه في جدة وغيره من الاطباق المميزه لاننسى المكان جميل جداً من ناحية نظافته وجلساته وترتيب الجلسات وغيره تقييمير له بثلاث نجوم ليس لسوء فيه ولكن الاسعار مرتفعه نوعاً .. اتمنى لهم التوفيق والنجاح دائماً🌹
للمزيد عن مطعم نينو الإيطالي اضغط هنا
مطعم لالو الايطالي في جدة من أفضل المطاعم الإيطالية في جدة.. وبالذات فرع فندق الرمال في التحلية.. المطلوب المحافظة على المستوى المميز..
تقرير متابع
ممتاز جدا لعشاق الباستا خصوصا الباستا السوداء (اللي بحبر الاخطبوط) و الپيني ارابياتا … سلطة السيفود الدافئة شهية للغاية و كمان شوربة السيفود ممتازة .. مكان رهيب لتذوق الطعام الايطالي مرتفع الجودة و كمانً مرتفع الأسعار للاسف … الفاتورة رح تنكد عليك لذة الطعم فجهّز نفسك لكدة 😄
للمزيد عن مطعم لالو الايطالي اضغط هنا
مطعم بياتو في جدة المكان جميل جداً.. النظافة ممتازة كما تعودنا دائماً.. الأكل طبعاً لذيذ ومافيه أي كلام.. الخدمة ممتازة جداً كل شويه يجي يسألك عن جودة الطعام أو اي خدمة يقدر يقدمها.. حتى الشيف زارنا على الطاولة.. ممتاز وبالتوفيق.
تقرير متابع
مطعم قمة في الروعة ، تعامل جداً راقي ، خدمات VIP للكل ، مناسب للعوائل والأطفال ، جلسات مفتوحة للعوائل ، يوجد بعض الجلسات فالأطراف ببارتيشن جزئي ، مطعم مرتب ونظيف وفخم ، يقدم آيس كريم مجانا للأطفال بعد دفع فاتورة الطلب الرئيسي ( شبيه ب آيس كريم باسكن روبنز ) ، يوجد دورة مياه ، يوجد مواقف سيارات ، اغلب اصناف الأكل ممتازة ولذيذة خصوصاً السالمون .
سلبياته : السعر مرتفع شوي .
يستحق الزيارة اكثر من مرة .
للمزيد عن مطعم بياتو اضغط هنا
مطعم ايطالي قديم جداً وعريق يعاب علية الارتفاع الفاحش للأسعار طلبت فتوشيني خظراء اوصي بها بشدة اخطر طبق عندهم سعرها 103 ريال وطلبت باستا بني عادية بسعر 86 ريال وطلبت اضافة دجاج 34 ريال لا اوصي فيها وطلبت بيتزا نص خضار ونص ببروني لذيذة اوصي فيها وشوربة كريمة دجاج وشربة خضار رائعة الثنتين .. السيزر سالت عندهم نقطة ضعف وسيئة وفي الختام حبست بكريم برولية جمييييل جمييييل وتراميسو لذيذ كذلك .. يعاب على المطعم ارتفاع الاسعار بشكل كبير وكمية الاكل كثيرة في الاطباق ممكن تكفي اثنين شيرنق راح اكرر الزيارة اذا عدت لجدة بالسلامة .. بحبكن كتير
تقرير متابع
الأكل ممتاز لكن مافيه ترتيب المفروض البطاطس أول كمقبلات وبعدها باقي الأطباق .. جابوا البيتزا في البداية وبعدها بربع ساعه الباقي .. فوتشيني خضراء ممتازه بيتزا الأجبان الاربعه جيده لكن مالحه بسبب الأجبان ريزيتو الدجاج والمشروم عادي جدا التعامل عادي محتاجين يكونون ودودين أكثر .. الأسعار مرتفعه شوي .. محتاج تجديد في ديكوراته ..
للمزيد عن مطعم إلجبيانواضغط هنا
مطعم دافينتي في جدة مطعم متخصص في الأكل الإيطالي يقدم أنواع من البيتزا والمكرونه وغيرها من الأطباق.حبيييت بيتزا الفطر وبيتزا ميسيكانا كلها لذييذه. وحبيت الفيتوشيني لذيذه بس الصوص كان خفيف وأيضاً طبق الرافيولي كان لذيذ . الأسعار طيبه ويوجد جلسات عوائل وبارتشن يستاهل الزياره وتتكرر زيارتي له اكيد.
تقرير متابع
راح ابداء اول شي بديكور المطعم
بصراحة شي رائع وجميل
منظر الاشجار و صوت الماء وتناسق الالوان
تعطيك شعور حقيقي انك في ايطاليا
نجي للشي المهم و هو الاكل
حقيقي نكهة البهارات لذيذه فعلا اول مره اروح مطعم ايطالي واذوق جودة بهارات بهذا الطعم
طلباتنا كانت
سلطة بريما فيرا شي ما تتفوت لذيذه بشكل مو طبيعي
لازانيا فريتا شي من الاخر لذيذه لذيذه وتقديمها رائع
مكرونه كريما بولو بصراحة حلوه لكن عندي قناعه كل واحد ونوع المكرونه اللي يحبها ويفضلها لكن بصفه عامه جودة الطعم عندهم مميزه جداً
للمزيد عن مطعم دافينتي اضغط هنا
هو مطعم ايطالي فريد من نوعه وومميز بديكوره الإيطالي الهادي. اقيم اكل هنا فوق ٥من ٥. فعلا لذيذ. بدايه من المقبلات المقدمه وشوربه الطماطم.. انصح فيها بشده وكل مره بروح فيها لازم اخذ شوربه طماطم. والمقليات البحريه المشكله (حبار و قمبري وقطع سمك) مقرمشه ولذيذه. واخر شي ولذ شي باستا الدنتي (مكرونه بقصدير ومليانه اجبان وتذوب في الفم) بقي ما جربنا الروزتيو.
تقرير متابع
مطعم جدا راقي وفخم اطلاله مميزه والمناظر والشمس تطل عليه مكان جدا مبهج ويفتح النفس موظفين وجه حسن وخدمه ممتازه منيو مره لزيز واسعار جميله واللزانيا شي من الاخر خرافي والبيتزا مميزه العجين انا حبيت مره المكان
تقرير متابع
المكان رائع جداً جداً جداً و جميل من ناحية الديكور و الموقع و الجلسات سواءً الداخلية و الخارجية و كذلك الطعم و الكمية و السعر و الخدمة… الأكيد إن المطعم بيكون ضمن الوجهات المحببة لتناول وجبة الإفطار… يوجد عرضين للإفطار جميلة جداً شيء على طريقة عربية مع الفول و الطعمية و الحمص مع البيض و الأجبان بقيمة 49 و شيء على طريقة البان كيك و بيض بنديكت مع الأجبان بقيمة 59 و كذلك يوجد طلبات مستقلة للببض ب أنواعه و غيره
كذلك يوجد طلبات غداء و عشاء لم أجربه
كذلك يوجد لديهم أنواع قهوة ممتازة و حلا جيد إلى حد ما و يحتاج إلى شوية تعديل
بالتوفيق و إن شاء الله تتلافون الملاحظات البسيطة للبقاء في المقدمة
للمزيد عن مطعم لا دولتشي فيتااضغط هنا
مطعم جميل في طابق علوي على التراس مفتوح في الهواء الطلق مكيف جلسات خارجيه وبعضها مغطى
الطلبات لعشا خفيف لا باس بها لكن المشروبات رائعه
تقرير متابع
مقهى جميل في طابق علوي على التراس مفتوح في الهواء الطلق مكيف جلسات خارجيه وبعضها مغطى
الطلبات لعشا خفيف لا باس بها لكن المشروبات رائعه
يجب اعادة النظر في الأكل المقدم
للمزيد عن مطعم بلزميكو اضغط هنا
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
