قهوة ميلك بارك الرياض مقهى ومحمصة للقهوة المختصة، يُقدم المقهى خيارات متعددة للمأكولات والحلويات. ديكورات المكان جميلة جداً ومميزة، تداخل الخشب مع النباتات أضاف جمال للمكان. 🧚🧚🎉
افضل كافيهات حي السويدي الرياض
الشيخ إسحاق بن عبد الرحمن بن حسن، الزهرة، الرياض
+966 55 603 0061
السلام عليكم
1/ البدايه في ديكور المحل بشكل عام جميل وهادي وبسيط واماكن الجلوس فيه كثيره متعدده
2/ طلبي الاول كان فيه فلات وايت وبصراحه ماكان قد التوقع لكن مش بطال جيد نوعاً ما لكن مهوب سئ
3/ طلبت حلا كان كيكة الزعفران وكيكة البستاشيو
كيكة الزعفران 10/10 كيكة البستاشيو 8/10
4/ كررت الزياره مره ثانيه لان أجواء المكان حلوه وهاديه
جربت الدريب (v60) التحضير ممتاز والتقديم ممتاز طبعاً كانت القهوه قوجي اثيوبيه لعشاق الطعم المايل للحموضه
بشكل عام المكان جميل ورائع الخدمة والاستقبال مميز جداً والتعامل مع الزباين مميز وراح اكرر الزياره لتجربة باقي الاصتاف
المكان جميل وبسيط روعة تصميمه في بساطته وعدم التكلف الزايد ، وتعجبني الامكان مثل هذا محدد فئة مستهدفه له وجاي في مكان قريب للسكان ، اخذت فلات وايت كان بطل كولومبيه ويلا التحميص من عنده ايضاً ،
البارستا مغربي اسلوبه جيد وتعامله ممتاز واعقتد انه لايجيد العربيه تماماً لانه كان في نوع من صعوبة توصيل المعلومه .
. خذت فرنش توست جمييل جداً جداً ولذيذ ومقرمش سعره مرتفع للامانه اخذه بالكريمه فيها زياده 8 ريال للامانه ما احسها فرقت معي ابد ممكن لو كان صحن تقديم محلي ممكن افضل ، المكان يوفر قهوه من تحميصهم للبيع يضاً ادوات القهوه .
بشكل عام تقيمي لهم 8/10
وباذن الله تكرر التجربه والزياره لهم . . . 👍
كوفي ☕️🍪🍩 ” الموقع 🧭.. الرياض حي السويدي التصميم 🎨.. جميل ورايق ☄️ لا يوجد عائلات 👨👩👧👦..عندهم محلي جلسات واجد وقت الزيارة ⏰.. بعد الظهر (الجمعة) المنيو 📃.. عندهم جميع انواع متعدده من القهوى والحلا .. تجربتي 🎐.
. قهوة اثيوبي جيدةجداً الموسيقى 🎺.. لا توجد . الموظف 🤠.. عامل تعامله ممتاز الفلبيني او اندلوسي جداً بطل مميز 😃
.. الجلسات كثيرة والخدمة سريعة ، مافيه زحمة والكوفي نظيف وقهوتهم جيدة جداً. سلبي ☹️..
الجلسة توجع يعني حق ابو نص ساعة وامش إضافة ❇️.. انواع متعددة من الحلا .
الأسعار 💴.. جداً متوسط تقيّيمي 📬.. ⭐⭐⭐⭐ اكرر التجربة🔁.. والله ما اخفيك جلساتهم ما ارتحت لها ولا الكوفي جميل .
طبعا ايش المهم في الكوفي شوب غير مذاق القهوة والديكورات؟
معياري في الحكم على شغلهم بالقهوة نو الكابوتشينو ، أي كوفي شوب أطلب كابوتشينو ومنها أقدر أعرف أفرق بينهم في بقية مايقدمونه
قهوة الكابوتشينو ولاغلطة ماشاء الله ..متعتها بدون سكر بتلاحظ حموضتها المعقولة وان القهوة المستخدمة عالية الجودة ..
في جلسات من شخصين لثلاثة للطاولة الوحدة وتقدر نزيد ، بس حلاتها ثلاثة بالكثير. مالك والزحمة وخذ راحتك بالسوالف
الديكور جامع الطابع المودرن والريفي بنفس الوقت .. وين ماتحرك عينك بتلقى اضافة ولمسة ديكورية .. اللي بيصور ماراح يتعب بالتصوير وزوايا الالتقاط ..
احتمالية الزيارة مرة ثانية؟
المرة الثانية أكيد أصحابي معي .. على فكرة يقدمون خصم 20% للمحصنين ..
ملاحظة : مالكم بالمسكوب من القهوة انه ماضبطها؟! انا كنت عنده واشغلته بالسوالف 😂 باريستا خلوق وماشاء الله متمكن
مقهى صغير لطيف وهادئ، هذه الفترة يقدم مشروبات وحلويات شتوية لذيذة!
جربت الفرنش توست بالكريم بروليه وكان لذيييذ أكيد برجع له مرة ثانية، بالإضافة لمشروب ميلكي ونتر اللذيذ (نيرفانا اسم آخر له) قدموه لنا في أكواب جميلة.
القهوة الباردة لذيذة لكن نكهة الكراميل المملح ما كانت واضحة للأسف..
ماشاء الله تبارك الرحمن الله يبارك لهم يارب ويرزقهم من واسع فضلة .. المكان رااائع ببساطته وعفويته .. القهوة رااائعة درجة حرارتها كانت باردة نوعا ما ولكن تضل لذيذة .. الكريم برولية خو-را-في فعليا خوراافي لذيييذ تبارك الرحمن 😋
تعامل الموظف أكثر من رائع واستقباله مهذب فعلا وجميل …. الأهم من جمييييع ماذكر مافيه موسيقى ( يمكن وقت وجودي فقط ماكانت مشغلة ماأدري )
لكن فعليا دعيت لهم من كل قلبي أن الله يكتب أجرهم ويوسع رزقهم على هالخطوة اللي صرنا نتمناها للأسف 😔 واتمنى تكون دااائما وليست صدفة ♥️ كل التوفيق يارب 👏🏻🌹
للاضافه السريعة: اضغط هنا
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
