سبورتس كافيه الرياض المكان ظلام وموسيقى عالي وجدار كامل شاشات عبارة عن دورين الارضي عائلات والاول افراد في نهاية الاسبوع غالبا يصير الدورين عائلات مافيه بارتشن ومسموح أطفال يفضل حجز 📝
أفضل كافيهات تنقل مباريات بالرياض
al tahlia، طريق الأمير محمد بن عبدالعزيز، العليا، الرياض
+966 9200 05707
جيته كثير ، حلو اجوائه شبابيه اكثر من انها عائليه بسبب الشاشات والاصوات العاليه ، رولات الكريب كانت لذيذه ، اكلهم بشكل عام حلو بس ما يصلح عشا مجرد قهوه واسعارهم متوسطه👌🏻
الخدمة سرريعة و الأسعاار رخيصة ، الجميع متعاون ويخدمونك بلطف صراحة ، و لكن تفاصيل المكان بائسة جدًا ، كل شي اسود في اسود وبالليل المكان يروع لو فيه زيادة إضاءة يمكن تكون فكرته افضل شوي ، واضح صاحب المكان له هدف من التصميم و التجهيز ولكن انصحه بتعديل الفكره لألوان مبهجة
التقييم بيكون على ثلاث اشياء الاكل، الخدمه، والمكان :- بالنسبه للمكان جميل حبيته واجواءه حلوه مره.. اما الخدمه فكانو شباب سعوديين مختبين راحين جايين على موضوع الطاولات والتباعد مره يقومون الناس ومره يجلسونهم..! هو حماسهم حلو بس يبي لهم يركدون شوي.. وآخر شي الأكل بعطيه ١٠/٦
طلبنا .. ١/ تشكن باستا وسلطة سيزر وكانو عبارة عن بارميزان، يعني مكثرينة لدرجة انه يصير يغث.. ٢/ سلايدر ميني برقر لحم كانت جيده.. ٣/ دايناميت شريمب كان عادي جدا.. بالنسبه للحلى طلبنا كويكز باللوتس يجي حار وفوقه ايسكريم كان لذيذ لو برجع عشانه.
للامانة المشروبات والحلا تمام ولاكن في نقطة احب اوضحها الموظف السعودي ابونظارات للامانة غير محترم لدرجة اني اجي اطلب مشروبات يقول مخلص مخلص يعني كل ذا وصاخه والاماكن يخليك تقعد بمكان ويقولك غير مكانك تباعد طيب
الكنبات بعيده عن بعض بمسافة شلون تخليني تقومني من محلي وتقولي كذا وشايف العالم كلها بالكنبات وكل ما اقوله وين المشرف يقول انا وش الحل يعني ؟ عزيزي صاحب المحل اتمنى تشوف تعليقي لانك حاط موظف يخلي الناس م عاد يكررون الزيارة للمحل
المكان رائع جدا ومتميز ولاكن خيارات الاكل ضعيفه جدا والمشروبات ممتازه السعر يعتبر نوعا مامرتفع قليلا
من احلى الكوفيهات من ناحية الديكور والإضاءة الشاشات كل شي في المنيو لذيذ ولا تغير طعمه من فتح الريش عندهم سوشي كرات دجاج البطاطس الرزيتو كل المقبلات والحلى الكوفي مدري وش امدح وش اخلي طريقة التقديم عندهم روعه ووناسه للمشروبات وينفع للحفلات وجوه حلو اللي يحب المباريات حماس ترى احبكم مره وشكرا علي السعاده اللي احسها عندكم❤️❤️❤️
طلبنا شوربة ماشروم لذيذة كاربتشيو ما انصح فيه بطاطا مع جبن عادي باو دجاج عادي ما اطلبه ثاني شرمب سناك حلو ارز بالماشروم لذيذ بس ناشف شوي تشكن بيستو ممتازة دامبلينق دجاج حلو بس مره سبايسي سلطة دوريتوس عادي ما اطلبها ثاني ريش لحم ممتازة للي يحب الحالي سعودي شمباين ممتاز يكفي ٣ أشخاص المطعم يتميز بطريقة التقديم الخدمة ممتازة من وجهة نظري المطعم غير مناسب للكبار مزعج لهم ويعتبر غالي للي بيطلب او مجموعة
للاضافه السريعة: اضغط هنا
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
