مطعم باستا روما المدينة المنورة
فوتشيني بالجمبري من
باستا روما فرع #الراشد_مول
عدد الأشخاص : واحد
السعر : الصحن بثلاثين ريال يجي معاه موية أبو نص
الكمية كبيررررة جدًا ما أبغى
أبالغ و أقول تكفي شخصين
لكن نقول أنها تكفي شخص
بالغ مع طفل كبير
الطعم :
المفروض تسمى فوتشيني
بالزيتون مليااااانة زيتون أسود
مع كل ملعقة لازم كم شريحة زيتون معاها.
لك عليه مو ممتاز مو سيئ هو
باين أنه الراجل فاهم في الفوتشيني
لكن ما له نفس في الأكل و لا عليه رقابة .
المكونات ما تم اختيارها بعناية فيه
جمبري ممتاز و البعض تحسه مو قد كده
المشروم ما تدري آيش محله من
الأعراب بعضها أشك أنها مشروم
جمال التقديم : شوفة عينكم
وسط يعتبر زيه زي غيره من المطاعم
مرمي رمي في الصحن و بس.
اذا أحد يعرف صاحب المطعم يبلغه
بأنه لازم يوقف بنفسه على المطعم هو
تعاملهم ممتاز بس طبخهم عادي
الزبدة المطعم فيه منه أمل
لو أشرف عليه صاحب المطعم بنفسه
و أعتقد أنه ممكن لو جيته مرة ثانية بأحصل شغله
ممتاز و ممكن لأ يعتمد على مزاج العامل وقتها
يا أخي الواحد ما بده يقسى في
التقييم ما أبغى أثر على رأي الناس ?
كمان أهل المدينة فيهم حديث يحذر من
معاداتهم أو أذيتهم ? شئ يخوف صراحة .
و يا ما الوالد ينصحني أوقف التقييمات دي
علشان لا سمح الله أظلم أحد من أهل
المدينة بالغلط ? أرجو أنكم تقدروا النعمة اللي
أنتم فيها و تحافظوا على سمعة أهل المدينة
لو تشوفوا الأجانب كيف يطيروا لما يعرفوا أني
بس ساكن في المدينة و هذا أنا أصلًا
ما أقول دي المعلومة لكنهم يعرفوها من أصحابي
للأسف عندي واحد من العمال في أحد المحلات
في جدة عليه خصمية بسبب أنه باع بضاعة لواحد
يدعي أنه من أهل المدينة و الله أعلم لمجرد
أنه عارف أنه جاي من المدينة و عنوانه في المدينة
و المبلغ للأسف ما يسوى كلها ثلاثمائة ريال!
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
