كافيه مانويل المدينة المنورة ( الاسعار + المنيو +الموقع )

كافيه مانويل المدينة المنورة

• الأسم:كافيه مانويل المدينة المنورة
• التصنيف : مقهى
• النوع : عوائل وافراد
• الأسعار : معقول
• الأطفال : مناسب
• الموسيقى :  هادئه
• العنوان :طريق الملك عبدالله، المملكة العربية السعودية
• الموقع على خرائط جوجل : يمكنك معرفة موقع المطعم عبر خرائط جوجل من هنا
• رقم الهاتف :لا يوجد

كافيه مانويل المدينة المنورة

اراء زوار كافيه مانويل المدينة المنورة

التقييم الاول 

بالنور قدام اجمل // الجلسات كويسه ٨-١٠
صح مرتبه ونظيفه لكن عاديه جدا ك ديكور ،،

الحلويات روعه عندهم
والكوفي اجمل موكا بالبندق وفرنسي

بالبندق ممكن تجربها عندهم ،، وعصير البرتقال فريش

والحلا جديد

واسعارهم حلوه مره ((يستاهل الواحد يزوره كل مره يروح

تجربتي لكوفي مانويل بالنور مول
. الدور الأول
التجربه رائعة جدا والكوفي جدا جميل وراقي
.
طلبنا قهوة فرنسي وتراميسو وكيكه

شكولاته وكانت مره طعمه وكل شي عجبني
.
والسعر ماكلفنا فوق 60 ريال .
وراح أكرر كتير تجربتي له

تقيمي لكافي مانويل بالنور الدور الارضي .

الطلب كان:
تيراميسيو بصراحه انا احب

حقهم مرررا لزيز بارد ??? ممتاز
كيك الشوكليت بصراحه مكان مرا

حار والشوكليت مرا سايح طعمو

عادي زي بيتي كويكر اديه جيد جدا

كوفي توفي بصراحه مرررررررا لززززيز

حبيت مرا مرا مرا موو مرا

حالي ولا عادي اديه 1000من 10?✋?

كوفي بندق كمان جدا طعمممممه

جميل يحطو سكر وسط وفيه نكهة بندق اديه ممتاز

اوريو مع الكريمه صاحبه الطلب

تمدحو بس طعم الاوربو فيه خفيف وتديه جيد

التقييم الثاني

الخدمه : جدا سييييييئه جلسنا اكثر

من نص ساعه نتنظر طاوله بس متاخرو

بالطلب محبيت حركه الموظفين الي

يقولو عشر دقايق واخرجي يعني

كافي حق ترويقه متاخذي راحتك?

وطبعا حاكرر التجربه لانو اعشق قهوتهم??

السلام عليكم ورحمة الله وبركاته .. .
كل سنه وانتم طيبين ?

اليوم حابة أرسلكم هذي الصورة واللي

حقيقي هي بالنسبالي أهم بكثير من

إنو أقيم فيها مطعم أو مقهى ..

وهذا الشيء أبدًا مايقلل من فكرة التقييم … .

فجأة لقيت نفسي إنو أنا مو قادرة

أستمتع بقهوتي والسبب هو اللي خلاني

أتراجع عن فكرة التقييم وأحول لموضوع

ثاني بالنسبالي موضوع أهم من غيرة ..

كنت بطلب قهوتي أمس في النور ..

ولما دورت مكان أجلس فيه كل مادخلت

جوا تكون في ريحة مزعجة ..

ريحة دخان ..

والله ياجماعة الخير بدون مبالغه إنو الدخان

كان يفحفح وكأنو بخور خارج من هذي الجهة ..
.
والرجال اللي بالمقهى كان أكثر من مرة وهو.

يقرّب من هذا الركن ويقول لو سمحتي الدخان

ممنوع لو سمحتوا الدخان ممنوع

ياأختي مايصحش الدخان ممنوع ..

ياأخوات من فضلكم .. ولا أحد معبرة .. .

قام أخر شي قالهم الدخان ممنوع

تتفضلوا برا حضراتكم والا حنضطر نبلغ الهيئة ..

شويا كذا والا البنات لامين بعضهم وقاموا خارجين ..

حقيقي الوضع يكسف ويزعل ..

كلنا مش كاملين وعندنا اللي مكفينا من أخطائنا وذنوبنا ..
بس بمكان عام ! وبشهر رمضان !
والله شي يعور القلب . .

اممم ليش اخترت حسابكم ..

لأنو من أهم الحسابات لأهل المدينة

واحتمال كبير تكون وحده من البنات

حقون أمس اللي والله أتمنى من قلبي

ربي يغير حالهم ويصلحني ويصلحهم ..

أكيد وحده فيهم حتمر على هذي الصورة وحتقرأ الكلام ..

أو ممكن أحد غيرهم يمر ويشوف الموضوع ..

لا تنسوا إنو ربنا مايحب اللي يجاهر بالمعصية .. .

وبعدين صراحة صراحة أكثر شي استفزني

وأنا جالسه أطالع البنات بكل لقافة

إنهم باين بنات ناس مرتبين ومش بطالين

وكل اللي محتاجينه صداقة كويسه

وناس كويسين ينصحوهم ..

أتمنى انكم ماتتجاهلوا هذي الصورة

ونعتبرها دعوة منكم و انو نحاول نحد من

موضوع التدخين خاصة بالأماكن العامة عشان

مايتحول لظاهرة منتشرة بمدينة

رسول الله عليه أفضل الصلاة والسلام .. .

وبالاخير أنصحكم بكيكة الجزر ب18ريال

بمقهى مانويل لأنها لذيذة ?? . .
وكيكة سنكرز القطعة ب ١٨
.
وقهوة فرنسي الكوب إذا مانسيت ب١٤

وعصير برتقال مش فاكرة سعره والله .

تجربتي اليوم عن كوفي مانويل ف النور مول .
طلباتنا :
١ كابتشينو ، ١ قهوة فرنسي بندق ، ١ تراميسو
١ براونيز ، ١ مويه .
كلها كانت لذيذه ماعدا التراميسو اعطيه جيد .
جلسات رايقه وحلوه .
الحساب ٦٣ ريال

ان شاء الله اكرر التجربه بس بجيب

ثلاجة القهوه العربيه معايا مره ثانيه عشان المخمخه..