مقهى و محمصة آش جدة، من افضل الاماكن و احسنها في حال عندك مذاكرة او اجتماع عمل او عمل تؤديه ؛ الدور الثاني شرح ومتسع و هادئ وفي خيارات كثيرة للجلسات وفي موسيقى و جو يساعدك على التركيز تلاقي كل واحد في حاله باللابتوب حقه و تجلس قد ما تجلس.
الأسم: مقهى و محمصة آش @ashcafes
التصنيف: عوائل – أفراد
النوع: كافيه
الاسعار: متوسطة الي مرتفعة
الاطفال:مسموح
بارتشن:لا يوجد
الموسيقى: يوجد
أوقات العمل: 7am–12am/ الجمعة 10am–2am
خرائط جوجل:للدخول الى الكافيه عبر خرائط جوجل اضغط هنا
المكان ١٠/١٠ مريح للمذاكرة و الجلسة و الموظفين جدا متعاونين الاسعار ١٠/١٠ طلبت براونيز و فلات وايت و مويا ب ٤١ ريال تقريبا الاكل ٧/١٠ البراونيز كان كويس بس صاحبتي طلبت شي ثاني ما كان مره طعم ( ما ادري ايش هوا … نسيت) القهوة ١٠/١٠ جدا ممتازة
منيو مقهى و محمصة آش
كافيه و محمصة جميلة كانت أول زيارة لي و ما شاء الله المكان جميل جدا للي حابب يجلس يشرب قهوة في مكان رايق و مافيه ازعاج كثير.. القهوة طلبت فلات وايت و قهوة مقطرة كانت لذيذة ما شاء الله و الخدمة سريعة ايضا .. جميع الموظفين بشوشين و التعامل جدا رائع .. راح ارجع اكيد في اقرب فرصة ان شاء الله
اراء المتابعين
التقرير الأول
تجربة جديدة مع كافية اش بصراحة الكافية جميل و الخدمة عندهم يبغالها شوية تضبيط الموظفين بشوشين وكل ما قلت شيء قالو ابشر واحلى شيء لو عندك ملاحظة يسحبوا المشروب منك ويعدلوه ويرجعوا لك هو وما راح يطمئنوا الا و انت راضي خدمة في منتهى الجمال وكثير من المطاعم والكافيهات تفتقر لها اهنئ ادارة الكافي على طاقم العمل اللي عندهم
التقرير الثاني
الأفضل للعمل وجلسات الأصدقاء، المكان عبارة عن دورين متعدد الجلسات خاصة وعامة، فيه غرفة اجتماعات بالحجز. عندهم منيو فطور رهيب، والقهوة ما احكي لك كيف جباره. المحمصة موجودة داخل المقهى. طلبي الدائم كورتادو بن اوغندي انصح بزيارته للعمل في الصباح، ولجلسات الأصدقاء في المساء
التقرير الثالث
اش كافيه – شارع الامير سلطان تفاصيل المكان والديكور جدًا جميلة يغلب عليه ديكور الخشب والشتلات. بالنسبة للقهوة مختصة ويحمصوا البن بنفس الفرع ، لذذذذيذذذه جدًا ومحبوكه ، تجربتي كانت مع الفلات وايت والكابتشينو ومحبين الحالي اخوي عجبه الاسبنش لاتيه برضو “يعني يناسب جميع الاذواق متذوقين البن ومحبين القهوة الحالية”. جربت من عندهم الفرنش توست ، من الذ الاماكن اللي توفره بجدة ، موزون الحلا ومايغث وحقيقي ماينمل منه . جربت كيكه الموز لذيذه لمحبين الموز . بشكل عام المخبوزات بالكافيه ممتازة في النهار هادي ورايق واشعه الشمس ماليه المكان في الليل مزدحم جدًا ويفضل تحجز قبل توصل لان ممكن يكون ساعه انتظار ، الموظفين
التقرير الرابع
كافي ومحمصة متميزة ومحترفه، الجو العام للمكان جدًا جميل وهادئ حتى الموسيقى الي مشغلينها رايقة. المكان مناسب للمذاكرة ، العمل ، او مقابلة الأصدقاء. متوفر قسم متجر صغير لطيف. جربت اللاتيه وكان ممتاز و ايضًا كيكة الشوكلاته جدًا لذيذة.
التقرير الخامس
امس زرتهم لأول مره من بعد مدح كثييير عن الكافي لكن بأمانه والله يستاهل كل مدح جاه واسلوب الموظفين لطيف جداً بالذات الكاشير والموظفة حقيقي مكان رايق وحق شغل او مذاكرة وبرضو ينفع للعوائل جربت من عندهم الفلات وايت وبصراحة موزووون تجربة تستحق التكرار مرة ومرتين وثلاثة
التقرير السادس
محمصة و قهوة وبرنش يقدم اطباق للفطور و ساندويشات لكل الاوقات و قهوة لذيذة ذات جودة عالية. استمتعت بطبق الفرنش توست مع الكمثرى المحمصة مع القرفة و ايضًا طبق البيض مع الاڤوكادو في خبز الساوردو.. تجربة رائعة سيتم تكرارها حتمًا
التقرير السابع
تقييمي للمكان من ناحيتين: اولا من ناحية المقهى: خيارات القهوة منوعة بشكل معقول لكن تجربتي كانت للقهَوة السودا الساخنة V60 وكانت رائعة كمحصول (كوستاريكا) وإعداد.. تمنيت أجرب عندهم القهوة السعودية لكن للأسف قالوا لي تاخذ وقت طويل في الإعداد.. أنواع الحلا المتوفرة جيدة لكن أفضلها بالنسبة لي وبشكل استثنائي الفرينش توست.. جربته مرتين وفي المرتين كان ممتاز ومرضي وما أبالغ لو قلت من أفضل الفرينش توست اللي ذقته في جدة.. الكيك متفاوت لكن بالمجمل لا يقل عن مستوى جيد.. الخدمة كانت متفاوتة باختلاف الزيارات.. بشكل عام ما في شي يذكر من ناحية الخدمة لا إيجابي ولا سلبي.. بالعكس يمكن حتى في مساحة لتحسن الخدمة ثانيا من ناحية المحمصة: اشتريت من عندهم 3 أنواع بن واحد منها للقهوة السعودية.. كلها بلا استثناء بجودة عالية جدا ونكهة مميزة وبالتأكيد حجرب أنواع أخرى ولو تحب تسوي قهوتك في البيت أنصح تجرب منتجاتهم باختصار المقهى جيد جدا لكن المحمصة متميزة
