مطعم ڤيكولي الخبر كوفي و مطعم جميل جداً و ديكوراته جداً جميلة ، جيته عشان الحلا و بجيه أكثر من مره زيادة عشان أجرب كل أنواع الحلا عندهم لأن واضح ان كل شي عندهم لذيذ .. المكان جميل و الجلسات مريحة و جميلة ، فيه جلسات خارجية فوق ممنوع فيها التدخين و هذا أفضل شي صراحة ، و زيادة على كذا المكان مافيه أي ازعاج مريح جداً و تقدر تروق فيه و تاخذ راحتك ، بالنسبة للأسعار تعتبر متوسطة لكن يستاهل للأمانة
شارع الأمير تركي، الكورنيش، الخبر، المملكة العربية السعودية
966530631009+
مع صوص ابيض وموزاريلا ممكن ارجع مره تانيه بس علشان الطبق دا. والمشروب إيمي باشن منعش والطبق الرئيسي روزوتو مشروم حلو و طلبنا حلا فيكولي بوبس المكان يشرح والأطباق لذيذة جدا جدا.
كل شي عنده مميز بصراحه المكان من برا صغير لكن تدخله شي من الاخر وعندهم المنيو متنوع جداً وفيه خيارات متعددة المطعم والكفي طبعاً وكلهم مميزين للامانه. عندهم جلسات خارجية تحت وخارجية فوق مطله والجلسات الداخلية ارضية وفوق بعد. انا احب اجيه باليل ديكور هادئ واضاءة جميلة ومريحه
وفي الشتا الجلسات اللي فوق جنااااان. انا احب اكلهم لانه لذيذ لذيذ وبالذات البيتزا والروزيتو والبرقر لذيذ بعد ولا ننسى السلطات يعني زبدة اطباقهم تجنن. وفيه ميزه تحسب لهم الطلبات ما تطول ابد يعني سريعين في تحضير الطلبات.
مطعم ايطالي يستحق التجربه و الاطباق فريش و لذيذة الايجابيات : – جميل ديكور المطعم رايق – الجلسات كثيرة – سرعه في الخدمة – المنيو متنوع – تجربتنا كانت لثلاث اطباق سلطة الفورسلان 10/9 ديناميت دجاج 10/10 باستا مخبوزة بالفرن 10/8 – لذيذة لكن تعتبر ثقيله
شوي السلبيات : – كان في انتظار ولا كان فيه كراسي مجهزه للانتظار الافضل تروحون بحجز – الاسعار تعتبر مرتفعه يستحق التجربه لنا عودة لهم لتجربة المقهى
المكان والجو العام ممتازين الخدمة ممتازة الطلبات كانت عبارة عن طبق بولو ريزوتو تقييمي له 3/10 ، مافيه اي ابداع والطعم طعم الريزوتو العادي سلطة فورسلان تقييمي لها 6/10
بسبب قلة الاضافات عليها طبق فيكولي سالمون تقييمي له 3/10 ايضا ما كان فيه ابداع في الطعم او الشكل الكابتشينو رائع ، القهوة الفرنسية ايضا رائعة الحلا لطيف كان عبارة عن فيكولي قاليتاس ممكن اكرر الزيارة لتجربة اصناف اخرى الاسعار نوعا ما مرتفعة قائمة الاطباق الرئيسية خياراتها محدودة.
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
