مطعم يمي يمي جدة اللي يدورو مطاعم ببارتشن وبدون موسيقى وأكله لذيذ وفيه مساحة لعب للأطفال هذا المطعم يناسبكم مطعم يمي يقدم مأكولات صينية و سوشي و المنيو عندهم فيه تنوع كبير ماشاء الله المطعم مرتب و كبير ماشاء الله دورين أفراد وعوائل
المطعم نظيف ومرتب ومريح يوجد لديهم غرف خاص ومقاعد خاصه للاطفال وغرفة العاب خاص للاطفال والاسعار معقولة جربنا السوشي وتبناكي دجاج وارز بالخضار وشربة توم يوم جدا لذيذ انصح بتجربته
منيو مطعم يمي يمي
🍴الطلبات شوربة تم يم | ٢٦ ريال سلطة اللحم التايلندية | ٥٤ ريال كرات الجمبري | ٢١ ريال داينامايت جمبري | ٥٣ ريال جمبري واسابي | ٥٦ ريال أرز أبيض | ١٦ ريال شريمبي فولكينو ٤ قطع | ٤٩ ريال ديكسي تتش ٤ قطع | ٥٩ ريال ساموراي اورا ٤ قطع ٣٩ ريال نودلز خضار | ٢٧ ريال سيشوان لحم | ٥٥ ريال موهيتو توت بري | ٢٥ ريال بينا كولادا | ٢٢ ريال بشكل عام تجربة لذيذة حبيت أغلب الاطباق خصوصاً الداينمايت شرمب و شوربه تم يم و نودلز الخضار والسيشوان والموهيتو عندهم كمان ممتاز منعششش
اراء المتابعين
التقرير الأول
مطعم ممتاز من كل النواحي خدمة ونظافة وضيافة ولذاذة الاكل وكميته كله تمام المكان كبير وواسع ومنطقة لعب الاطفال ممتع كل اللي طلبناه كان لذيذ والذ طبق كان شوربة النودلز بالخضار والمأكولات البحرية لا تفوتكم
التقرير الثاني
اول مرة ازور. المكان وكنت متخوفه بس فاجئني كل طبق احلى من الثاني مره لذيذه وفيه بارتشن للي يحب المطعم دورين اكيد حكرر الزياره والستاف متعاون وسريع يعطيهم العافيه انصح الكل يجرب اطباقهم المنيو جداً متنوع
التقرير الثالث
مطعم يمي يمي بجدة الاكل لذيذ ورائع .. ونظيف والتعامل راقي والخدمة ممتازة المكان صار اجمل بعد تغيير الديكورات والالوان … وكمان الشباب السعودي تعاملهم راقي ومحترم … الأسم : مطعم يمي يمي – Yummy Yummy التصنيف : عوائل – أفراد النوع : مطعم ماكولات صينيه الاسعار : متوسطة الاطفال : مسموح ويوجد قسم ألعب جميل بارتشن: يوجد الموسيقى :لا يوجد
التقرير الرابع
اكلهم لذيذ و سعر متوسط الى غالي . وجبات الاطفال محدودة جدا . العصيرات تحتاج تنوع اكثر . وجود صالة الالعاب للاطفال ممتازة
التقرير الخامس
من المطاعم العائلية الجميلة ولمحبي الأكل شرق اسيا وجباتنا شربة توم يوم المفضل جداً لدينا وسلطة كاني لذيذ ورز بالبيض و نبنياكي الجمبري الذ من اللحم المبوخ و اختيارنا السوشي كريز ماك جيد اما الكريم بورليه مو من الحلويات الاسيوية ولاباس به وافضل لو في حلويات اسيوية نجربها
التقرير السادس
مطعم يمي زرت المطعم واتغير الديكور ما شاء الله تبارك الرحمن المكان جمييييل وراقي ونظيف وكان عشاء طلبنا كل الاطباق الموجودة في الصور والاكل روووعة وطعمممم واهنيهم ع الضيافة بعد العشا ابريق شاي اخضر وحلى بالموز والايسكريم طعممممم نحنا من زباينهم زماااان وجيناهم الان وديكورات المطعم حلوووة والخدمة ممتازة شكراً للعاملين وبالتوفيق لهم
التقرير السابع
مطعم جميل وراقي وهادي الاسعار متوسطه في عروض ليوم الجمعه لي وجبات العائله ويوجد به صاله العاب للاطفال نظيف جداً وتعامل الموظفين ممتاز وتقديم ضيافه قبل الطعام
التقرير الثامن
مبروك على التجديد كذا صار المطعم شررررح ويفتح النفس انا عميل قديم عنده والأكل عنده لايعلى عليه بصراحة طلباتي المعتادة شوربة التوم يم والسي فود بالكريمة ، لحم السيشوان عنده من أفضل المطاعم اللي تقدمها ، النودلز درجة الاستواء دايم يضبطوها ، الجمبري التبنياكي من أطباقي المفضلة عنده ، الرز المقلي بالثوم كمان لذيذ أهنيه على التجديد لأنه فعلا هالشي المفروض يكون من زمان وشاركتكم ٢٠ صورة بالتجديدات ولازال التجديد مستمر لأنه ما انتهى من غرفة العاب الاطفال وقت زيارتي ، طبعا الحلو فيه إنه يخدم اللي حاب جلسات مفتوحة واللي حاب ببارتشن ، الموظفين تعاملهم كويس ولبق
التقرير التاسع
كانت تجربتي افطار رمضان المطعم يقدم بوفية متنوع وكمان ضايفين الفول وعصير التوت وشوربة العدس وسلطة الفتوش والسمبوسه وسبرنق رول بالجبنة فا حسيتهم مهتمين بالاصناف الرمضانية ويعطيهم العافية كله كان لذيذ وعجبني شفت المسول عن البوفية موجود كل ما صنف قرب يخلص يبلغهم يعملوا جديد والسعر كمان كويس 129 للشخص للحجز المبكر المدفوع
التقرير العاشر
يعتبر من المطاعم المميزة لتقديم الاطباق الآسيوية اللذيذة، اكل لذيذ، نظافة المكان، العاملين ممتازين، ملاحظة !! عزيزي القارى، أذكرك أن ما أكتبه هو رأيي الشخصي المحض، ولا يعبر إلا عن قناعاتي وحسب، وهو خلاصة تجربتي وفقط، وما ادونة هو خلاصة هذه التجربة اثناء تواجدي في هذا الموقع، فربما قد يرتقي بعد ذلك للأفضل مما كان عليه، وقد يرتد لأسوئ ما كان عليه. شكراً
