مطعم ومقهى سول الباحة، المكان جميل و هادئ و دافئ، مناسب للجميع سواء عائلة او افراد، و الموظفين محترمين و تعاملهم ممتاز. المطعم جيد جدا لأغلب الوجبات، المقهى ممتاز جدا، تشكيلة كبيره من الحلويات و كلها لذيذة، القهوه لذيذة و تستاهل قيمتها
الأسم : مطعم ومقهى سول – @soulalbaha
التصنيف : عوائل – أفراد
النوع : مطعم
الاسعار : متوسطة إلى مرتفعة
الاطفال : مسموح
بارتشن: لا يوجد
الموسيقى : يوجد
أوقات العمل : 7AM–2AM/ الجمعة 1PM–3AM
خرائط جوجل: للدخول الى المطعم عبر خرائط جوجل اضغط هنا
الاطباق: تيكا ماسالا: لذيذ. البرياني: لذيذ ولكنه وصل بارد. الستيك: طلبناه medium لكنه وصل well done، وتتبيلته ضعيفة. انقذه الـgravy. اللازانيا: رااااائعة. خبز النان: عادي ووصل بارد. الباييلا: لذيذة ووصلت حارة. الشوربات: لذيذة ووصلت حارة وبسرعة. العصيرات: حلوة وطبيعية. الريش: لذييييذة وتتبيلتها حلوة، لكنها ما وصلت حارة. المطعم مميز على مستوى المنطقة وانصح به.
منيو مطعم ومقهى سول
أنا بكتب وبقيم بشكل خاص جداً عن الباحة .. الباحة قبل فترة كانت تحتاج وينقصها المطاعم الفخمة الكوفيهات وان شاء الله تكون الى الافضل سول بصراحة جمع كل المحاسن الي المفروض تكون في الباحة من فترة سابقة سواءاً من ناحية الجودة في المنتج وتنوع المنتجات والديكورات والموقع والتصميم العام يحتوي سول على : أولاً وأهم شي مواقف سفلية تُعتبر كافية – كوفي ( الدور الارضى ) متكامل ومتنوع بشكل كبير جداً . الديكور فخم فخم جداً . المساحة والدخول والخروج مريح بشكل كبير . جودة القهوة الافضل في الباحة الى الآن . تنوع المنيو وكثرة أنواع الحلى الي تخليك تحتار ولو كانت في بعض الاحيان مو ميزة بس أنا أشوفها بحكم خبرتي في هذا الشي انها ميزة لان جميع أنواع الحلى الجودة فيها عالية . تناسق الالوان وراحتها في الديكور وكذلك صحون التقديم . فريق العمل الرائع ولو إني عندي ملاحظة بسيطة بس مهمة جداً راح أكتبها في النهاية لانها تتعلق بالكوفي والمطعم كذلك الكوفي بشكل عام أعطيه تقييم 9/10 ويستاهل الزيارة أكثر من مره – مطعم ( الدور الاول ) . منيو متنوع ومختلف ولو إن مسألة مافيه أرز ملاحظة تستحق الانتباه . مساحة المطعم كبيرة جداً وتوزيع الطاولات مريح جداً للعوائل ( متوفر جلسات مغلقة – جلسات مفتوحة داخلية – جلسات مفتوحة خارجية جميلة ) . الاهم جودة الاكل بصراحة مقبولة الى ممتازة والسبب اذكره لكم في اخر سطرين بشكل عام يستاهل تقييم 9/10 ويستحق الزيارة الملاحظات زي ما ذكرت لكم فوق – استغرب كثير كيف أكثر من 30 طاولة وعدد الي يسجلو الطلبات اثنين فقط وهذا شي ضايق أكثر الموجودين وأنا منهم ( أتمنى زيادة العدد لاستيعاب الكل ) وهذي نقطة سهل تلافيها – كذلك نفس المشكلة في الكوفي عددهم 2 الى 3 والطاولات عددها كبير – بحكم إن الباحة منطقة باردة يُفضل يكون تقديم الاشياء الساخنة في طبق بلاتين أو حديد لحفظ الحرارة لأكثر وقت – آخر نقطة كيف مافي ثلج في المطعم ؟ في النهاية شكراً لكل فريق العمل والله يقويكم والى الاحسن وتقبلو ملاحظاتنا
اراء المتابعين
التقرير الأول
كوفي ومطعم سول .. الموقع جميل مع اجواء الباحه ولا غلطه جلسات داخليه و خارجيه للكوفي ، المطعم جلسات خارجيه علويه الكوفي بشكل عام ممتاز طعم القهوه رائع الحلى كويس و عادي بس بودينج التمر أبدا مو بودينج ! كيك تمر .. انتقادي على المسميات لان العميل يتوقع شي وينصدم بشي آخر .. بشكل عام و كتجربه أوليه ممتاز وان شاء الله تتكرر التجربه
التقرير الثاني
ماشاء الله تبارك الله المكان كبير وتنوع في الجلسات داخليه وخارجيه ومطله موقعه مميز جدااا .. طلبي كان عن v60 نوع البن بنما 9/10 وكيكة العسل 8/10 .. الطاقم بشوش وخدوم جدا ولكن يعيبه تاخر الطلبات بسبب الزحمه والله يباركلهم .. متابعه مستمره واصحاب المكان متواجدين للاشراف على الملاحظات اول ب اول .. الباحه تستاهل اماكن زي كذا من زمان
التقرير الثالث
جميل المكان والاكل لذيذ ..اتمنى يحافظو على مستواهم.. المشكله فيه بعض الزباين يدخل باطفاله يخرب ام الجو الرايق والاستكنان ويفلتهم في المطعم انا لو من الادارة الي تشوفه كذا تنبه ولا ينقلع يجي غيره.بس فيه نقطه الحمامات اكرمكم الله سيئه جدا في النظافه..اتمنى ينتبهو شويه لها
التقرير الرابع
المكان جميل والتجربة ممتازه والاكل والجودة بشكل عام جيدة جداً والمشكله الوحيدة والعيب الي اشوفه من الممكن يكون بشكل أفضل استقبال الطلبات داخل المطعم انتظرت اكثر من 40 دقيقة ! ولا وصلني طلبي لين رحت ادوره وجبته وماقصر النادل السعودي يستاهل الاربع نجمات وكررت زيارتي له مرتين لان الاجواء جميله جداً
التقرير الخامس
من الرائع والجميل إنه تشوف مثل هذه المطاعم في منطقة الباحة ديكور المطعم جميل ومنظم ويوجد مصعد وجلسات انتظار رائعة طلبنا سلطة سول حلوة ١٠/٨ وطلبنا دجاج برياني صراحة ماعجبني فيه طعم غريب مو حلو ١٠/٢ وطلبنا تكا ماسالا دجاج حليوه ١٠/٧ وطلبنا بيتزا وكانت رائعة ١٠/٩ وطبعاً ماننسى الضيافة من عندهم خبز مثل الشابورة مع كرات زبدة لذيذة اتمنى لهم التوفيق و الأفضل
التقرير السادس
زيارة أولى لهذا الكوفي الجميل في مدينة الباحة تجربة كانت ممتازة بكل ما تعنيه الكلمة وزي ما يقولون شي فاخر من الآخر طلباتنا كانت كالتالي : ١- فلات وايت كوفي وسعره ١٨ ريال ويستحق ١٠/١٠ حرارة عالية وطعم قهوة موزون تلذذ بشربه ٢- موهيتو بلو بيري ويستحق ١٠/١٠ بناء على تقييم صاحب الطلب وسعره كان ٢٠ ريال ٣- فرنش توست لنا ابالغ إذا قلت الذ فرنش توست أكلته لذيذ وخفيف كانه قطن يستحق ١٠/١٠ بدون اي تفكير سعره ٣٤ ريال ٤- بان كيك الشوكولاته يستحق ١٠/١٠ وسعره ٣١ ريال السكر الجزيل لصاحب هذا الكوفي على هذا الشغل الفاخر ولكل من قابلته من العاملين هناك تجاوب سريع وكل ما تطلبه يجيك الله يرزقهم من واسع فضله وان شاء الله يواصلون على هذا التميز للمعلومية المكان مطعم وكوفي وزيارتي كانت للكوفي
التقرير السابع
مطعم ومقهى متميز وممتاز الأفضل الأفخم والأجود في الباحة عنده مواقف تحت المبنى شكر خاص للمتميز خالد الزهراني في الاستقبال وفي المتجر هناء الزهراني وفي الخدمة الجميل أحمد حسين الغامدي وفي المطعم ياسين وحسين و بقية زملائهم السلطة سلمون مدخن وممتازة جداً الشربة بروكلي وجيدة جداً الوجبة الرئيسية دجاج إيطالي وعيبه الدجاج ناشف واضطريت أضيف مشروم صوص عشان يلطف الطعم وتحية لخيرة تجار الباحةمن الشباب سامي غنيم وعبد الرحمن غنيم أصحاب المشروع؛ أتمنى لهم التوفيق والنجاح
