مطعم معصوب وعريكة جدة، مطعم نظيف وخدمة جيدة وكذلك أكل لذيذ ويوجد أطباق عديدة ومتنوعة، جميل جداً افضل مطبق خفيف ممكن تذوقه في جدة ومنافس لمعصوب جدة والهنداويه في المعصوب والعريكة
الأسم: مطعم معصوب وعريكة
التصنيف: عوائل – أفراد
النوع:مطعم
الاسعار: متوسطة
الاطفال:مسموح
بارتشن: لا يوجد
الموسيقى:لا يوجد
أوقات العمل: 6–10:30 AM
خرائط جوجل:للدخول الى المطعم عبر خرائط جوجل اضغط هنا
انا متأكد كل التأكيد ان العريكة تبعهم بالطريقة اللي بشرحها الان هي احلى عريكة على مستوى جدة شئ جميل ولذيذ وليست مجرد عريكة دخن ، الطلب عبارة عن عريكة بخبز الدخن البر وطبقتين يعني يبدأ يجيب الصحن الاي امامكم هذا ويحط فيه اول خطوة الفطيرة الدخن البر تنزل مفرومة وفي وسطها تمر لذيذ ويفردها عالصحن وبعدها علبة قشطة كاملة يفردها وبعدها يحط جبنة الشيدر وبعدها رشة العسل واخيراً رشة السمن كل هذا ولسا ماخلصت باقي اخر خطوة وهي عبارة عن تطبيق نفس الخطوات المذكورة فوق مرة ثانية فوقها فنفس الصحن وكل هذا ب 27 ريال فقط يستاهل التجربة و التكرار
اراء المتابعين
التقرير الأول
لذيذ معصوب دخن قمة اللذاذه محل بسيط والاسعار مقارنه بالغير جيده جداً من افضل محلات المعصوب بجدة سرعه في الخدمة وجميع العمال قمة في الاخلاق .. المطبق بكل صراحه ليس مميز عادي جداً
التقرير الثاني
شغلهم ممتاز عندهم المعصوب بالحليب روعه نجمه خسروها لان التكييف تحت المتوسط المحاسب يعتبر من واجهة المحل ويبيله اهتمام
التقرير الثالث
اذا وصلت هالمكان و مليت من المعصوب التقليدي ، عندي لك معصوب ثلاثي الابعاد !! تروح للكاشير ، تطلب التالي: معصوب (دخن +قشطه +حليب) دمااااار شامل وسم بالرحمن السعر:13ريال والكميه كافيه ومشبعه ، واذا قدرت تكمل الصحن فاعلم انك مجرم حرب هارب من محكمه الجنايات الدوليه بلاهاي
التقرير الرابع
تجربة ممتازة وسوف تتكرر بإذن الله.. المطبق من زمان ما اكلت زيه ممتاز جدا والمعصوب والعريكة كذلك والكميات والاسعار متناسبه والعاملين خدومين واخلاقهم طيبه.. يعيبهم ترتيب المكان
التقرير الخامس
موقع المحل ظالمة صراحة عندهم مطبق نظيف جدآ جدآ لحم طازج وخظار نظيف والعريكة بالدخن لا تفوتكم خطيرة وشي فاخر
التقرير السادس
الطعم ما شاء الله لذيييييذ خاصة معصوب الدخن وعريكة الدخن.. المطبق للآن ما جربته.. النظافة متوسطة الخدمة جيدة الأسعار مناسبة
التقرير السابع
أكل لذيذ بطريقة مريبة! إجابيات: 1- العريكة بالدخن لا يعلى عليها. (إدمان). 2- المعصوب بالقشطة ممتاز. (إدمان). 3- المطبق المالح جدًا طيب وكمية الحشوة ممتازة. سلبيات: 1- مستوى النظافة العام متدني قليلًا ( ولو إنه شعبي لكن تدني النظافة من الكبائر في مجال الغذاء ). 2- مغسلة واحدة ولا يوجد دورة مياه. 3- الفول والقلابة مستواها متقلب بشكل كبير لدرجة في مرات تكون الأفضل في جدة ومرات تكون الأسوأ. 4- المكان ضيق لحد ما والطاولات محدودة. 5- الإضاءة قوية بشكل مزعج. كلمة نهائية: المحل بإمكانه أن يكون من الوجهات المفضلة لمحبي المعصوب والعريكة وفي مجال كبير جدًا للتحسين وأتمنى مزيدًا من الاهتمام. ملاحظة: تقييمي هذا مبني على عدة زيارات
