فطور في مطعم كابانا .مكان رايق وجلساته اجمل .يوجد جلسات داخليه وخارجيه كلها احلى من بعض . طلبي كان فطور كابانا لشخصين او ثلاثه.ب149ريال فقط منيو محدد (سيت منيو )تركي منوع وكمية كبيره 3انواع بيض (شكشوكه .وبيض عيون .وبيض تركي .) سجق تركي لذيذ وسلة خبز سميت قشطه .عسل،مربى ،نوتيلا،زيتون،وطبق اجبان مشكله طبق خضار شاي غير محدد الموقع حي الروضه.برج روفان،شارع سعود الفيصل،،
منيو مطعم كابانا سيتي ووك
مطعم وكافيه جميل وجلساته الخارجية رااااائعة مكيفة وفيها جلسات لها مكيف خاص وما راح تشعر بحرارة ورطوبة الجو شغل متعوب عليه والخدمة كانت ممتازة وسريعة رغم الزحمة ما شاء الله والاكل يتقدم حااار. وخدمة صف السيارات مجانية. الأسعار مرتفعة ولكن مقابلها خدمات ممتازة. طلباتنا كانت كباب بالجبنة ١٠/٩ مكس جريل لشخص واحد الكمية كانت كويسة وطعمة ١٠/١٠ سلطة جوافارديا اسمها كذا تقريبا كانت رائعة ١٠/١٠ موهيتو التوت ١٠/٨ الكاسة صغيرة ومختلفة عن اللي كانت بالصورة في المنيو. سبانيش لاتيه أقل من عادي ١٠/٦ كيكة ميلاد لشخصين ب ١٠٠ ريال واذا تبغى يقدموها بإحتفال ب ١٠٠ ريال للخدمة. التجربة كانت حلوة وممكن تتكرر
اراء المتابعين
التقرير الأول
الموقع شيء جميل والجلسات فيه متعددة داخلية وخارجية، الجلسات الداخلية متوفرة على قسمين للمدخنين والغير مدخنين فريق العمل مبتسم ومرحّب، واضحين في اخذ الطلب، يهتمون للخيارات اللي تطلبها سواءًا حذف أو إضافة بعض المكونات، ولو ما يقدرو يخبرونك بهالشيء. الفاتورة 141 ريال فطور لشخصين من المنيو
التقرير الثاني
المطعم راقي وشرح وجلساته الداخلية مرتبة والخارجية تجنن .. الجو العام مرة رائع رحته اكثر من مرة آخر مرة كانت يوم مباراة المغرب واسبانيا في كأس العالم كان المطعم فل والجووو فظيع وحماسي لآخر درجة قضيت يومها وقت مرة حلووو الويترز خدمتهم راقية وسريعة وبشوشين جربت أغلب اطباق المنيووو ماشاء الله كبير والأكل مرة لذيذ والاصناف كثيرة عجبني بالدرجة الاولى طبق الرز اللي اسمه لامب ديجي والريش والواقيوو وسلطة الفتوش يمي وبعدها ختمتها بالشاهي التركي وكان مقدم معاه كوكيز هششش وطعععععم أكيد راح اعيد التجربة لان المطعم فعلاً يستاهل
التقرير الثالث
لاونج كافي ومطعم يوجد جلسات داخليه وخارجيه يوجد معسلات واماكن تدخين يوجد خدمه ركن السيارات يوجد فرقة اغاني بالصاله الداخليه ايام ومواعيد محدده . طاقم العمل ممتاز سرعة تقديم الطلبات ممتاز جودة الاكل جيد جدا حرارة الاكل عند التقديم جيد توفر التكييف جيد واراه من الملاحظات خاصة بالصيف . دورات المياه وتوافرها اراها الاقل نظرا لقلة عددها مع مساحة المكان . الاسعار غالي جدا . وجود صاحب المكان شي يحسب ايجابا اهتمامه بالزبائن والمكان وادارة مميزه . يعمل المكان ٢٤ ساعه وهذه ميزه ممتازه . انصح بتجربة المشاوي والاكل البحري الفاكهه والخبز مميز . قوائم متنوعه في المشروبات والماكولات . سوف اكرر تجربتي مستقبلا لاتنسي الاعجاب فضلا
التقرير الرابع
أجواء صباحية مميزة في هذا الجو الجميل مع فطور خارجي وخدمة ممتازة .. طلبنا كان فطور لشخصين، ماشاء الله الكمية وفيرة.. كنا ٢ كبار و ٣ أطفال كفانا وزاد..كان فيه نوعين بيض، طبق أجبان ومكسرات وتين مجفف ومشمش مجفف. طبق عسل ومربيات، طبق خضار، وكايمك.. الشاهي كل ما خلص يجيبولك غيره .. +أحب اللفتات الصغيرة أحسها تعطي انطباع بالاهتمام البالغ بالتفاصيل : حبة الكوكيز الصغيرة مع كل كوب شاهي كانت حركة لطيفة الأجبان جودتها عالية، العسل والمربيات كلهم ممتازين.. العيوش ساخنة ولذيذة .. البيض لذيذ برضو .. خدمتهم ممتازة جدًا.. سريعين وخدومين وتلاقي طلبك عندك قبل ما تفكر انه متى ح يجي ! رغم انه كان المكان مليان بالزباين .. والڤيو مع الغيوم كان تحفة .. عندهم جلسات داخلية وخارجية. النظافة ممتازة .. حتى الحمامات اكرمكم الله كانت نظيفة ورائحتها عطرة ..يستاهلوا ٥ نجوم وان شاء الله يفضلوا على هذا المستوى وافضل
التقرير الخامس
مطعم وكفي مميز جدا يقدم ماكولات متنوعة مع كفي وشيشة. الاسعار غالية ولكن مقارنة بالمكان وجودة الطعام تعتبر مقبولة. والشبشة تعتبر مقبولة نسبيا. تم تجربة طبق الشرمب مع مشروب موهيتو توت. الاسعار تكون ١٠٠% زيادة في حال طلب المعسل مع الاكل بسبب ظريبة التبغ
التقرير السادس
المكان حلو والديكور جميل في معسلات دخولي الساعه 4 العصر فالمكان ما كان زحمه الموسيقى عاليه جداً الصراحه اما الاكل لذيذ لذيذ لذيذ جداً كل طبق اخترنا كان لذيذ جدا والاسعار مرتفعه مرره اكلنا كان ب 700 وشي بس يستاهل التجربه والكميه جاتنا بالعدد مثلا الريش جاتنا 4 والكباب 4 التبوله كانت صحن صغييير يعتبر كميه قليله للعائلات الكبيره
التقرير السابع
من اجمل المطاعم اللي رحتها حقيقي .. تقريباً زرتهم اكثر من ٤ مرات يستاااهل .. الفطور عندهم جبار ، اذا ودك تعزم احد يعز عليك تعال هنا من غير ما تتردد .. اهم شي سلة الخبز لاتفوووووووووووووتكم حقيقي تفوز .. الخدمة عندهم ممتازة و اخلاقهم وروحهم حلوة .. وبشوشين . بس عندي طلب من الناس .. اتركو المكان نظيف زي اول ما فتح .. انقهر لما اشوف مطاعم وكافيهات تعبانين على الديكور والناس تجي تكت و تخرب المكان .. حافظو على جمال المكان بليز .. شكراً كبانا من القلب
