مطعم فطور فارس حي المروة جدة، واحد من المطاعم المميزة اللي تقدم أطباق الإفطار، فطور بنكهات مميزة وخدمة ممتازة واسعار مرتفعة نوعاما لكن في رأيي ..يستاهل مقابل الخدمة والطعم والجودة.
الأسم: مطعم فطور فارس @f6or_faris
التصنيف: عوائل – أفراد
النوع: مطعم
الاسعار:مرتفعة
الاطفال:مسموح
بارتشن: لا يوجد
الموسيقى: يوجد
أوقات العمل: 6am–11:30pm
خرائط جوجل: للدخول الى المطعم عبر خرائط جوجل اضغط هنا
طلبت من عندهم ١- طبق كبدة ٢- معصوب خاص ٣- شاي مثلج بالرمان في الحقيقة مطعم فطور فارس واحد من المطاعم المميزة اللي تقدم أطباق الإفطار، طبق الكبدة والمعصوب الخاص اعتبرهم اطباق اكثر من رائعة والنكهة فيهم موزونة أما الشاي المثلج بالرمان واحد من المشروبات المبتكرة اللي يتميز بيها المطعم وانصحكم تجربوه
منيو مطعم فطور فارس حي المروة
طلباتنا كانت شكشوكه ومعصوب خاص وكبدة و ٢ مويا الحساب كان ٨٣ تقريبا الاكل كان لذيييذ وشغل نظيف المره اللي راحت طلبت معصوب ابويا وكان مميز ومختلف عن باقي المحلات انصحكم تجربوه الاسعار مرتفعة طبعا ولكن يستاهل التجربة
اراء المتابعين
التقرير الأول
الاكل جدا لذيذ خاصه الشكشوكه م تشبع منها و الفول كذلك لذيذ ، معصوب ابويا حلو لكن ثقييل يشبع بالنسبه للإسعار انا اخذ فطور سعودي سفري و ابدل الجبن لمعصوب ابويا يصير حول 53 ريال ثلاثة اطباق تكفي 2-3 اشخاص و معها شاهي
التقرير الثاني
تجربة جدا ممتازة ومميزة الاكل طعمة لذيذ جدا وغير عن اي مكان بصراحه ، الاجواء جدا جميلة واللي محلي المكان بصراحه الstuff من بداية الاستقبال والكاشيرات ومقدمين الطعام جدا ممتازين ومريحين ولنا زيارات اكتر ان شاء الله
التقرير الثالث
خدمات ممتازة ومكان لطيف ومكان مناسب للأفطار وحسن تعامل الموظفين وإهتمامهم بنظافة المكان وأصناف الطعام جميل وذوق رائع
التقرير الرابع
فطور فارس من أشهر أماكن الإفطار عندنا .. المكان هادئ ومرتب.. الخدمة كويسة .. والأوراق الرهيبة اللي عالطاولة تفيد في إشغال الأطفال مو بس الكبار في وقت الانتظار .. طلباتنا كانت : معصوب أبويا : لزيز وكرنشي لكن طعم السمنة كان واضح .. وأنا مو مرة صحبة مع السمنة ! فطور شرقي .. ممتاز ومميز الصراحة .. العسل فعلًا عسل واضح انه أصلي ولذيذ جدًا والنواشف كلها لذيذة .. والبيض كمان لكن شوية دسم .. الكرك كمان ممتاز .. تجربة رائعة .. تخلينا نقول نبغا نكررها كتير
التقرير الخامس
المكان مريح والخدمة ممتازة والعاملين جميعهم بلا استثناء بشوشين ومتعاونين جدا وأصناف الطعام والمشروبات متنوعة وتلائم معظم الأذواق
التقرير السادس
الاكل كان حلو وطازج بس مافيه شي مميز المكان جداً عادي والاكل حلو الحمص كان حلو والفلافل كان طازج مقرمش من برع وهش من الداخل وطعمه حلو ، الشكشوكة ماحبيتها اقل من العادية والكبدة حلوة
التقرير السابع
الاكل لذيذ جدا والمكان راقي حبيت المكان ، الفول خيال وعريكة ابويا ياربي وانت ربي والشكوشة لذيذة مكان يستحق الزيارة ، تعامل الموظفين لطيف وراقي كان بالأستقبال الموظف والوجه البشوش ( فيصل ) مثال يتحذى به في أستقبال الزبائن خدمة فوق الممتازة أتمنى لك دوام النجاح والتوفيق شكرا فطور فارس
