مطعم عيش لحمة مكة المكرمة مطعم جديد متخصص في اللحوم المدخنة، عندهم قائمة متنوعة من سندوتشات اللحم، بالبريسكت، وأضلع مدخنة
البحيرات،، مكة المكرمة 24227، المملكة العربية السعودية
+966548675686
جربت مطعم عيش لحمة وكان جدا جدا لذيذ المكان جدا هادي والديكور جميل وتعامل الكاشير كان جدا رحب وجميل
المحل جدا مرتب وكويس
ا طلبت برجر عيش لحمة وبطاطس بريسكت
البرجر جداً لذيذ وطعم البريسكت كويس والخبز طري.
البطاطس لزيزة ومقرمشة وتتبيلها كويس.
وصراحة محل زي دا فالبحيرات بالنسبالي حاجة جميلة جداً انا صراحة فكرت انه فاتح فالبحيرات شفته انه بيكون بسيط وما كنت حاط توقعات عالية وقلت فنفسي لووو كان مستواه متوسط انا راضي لانه موقعه قريب مني لكن صراحة فاجئني بجودة الاكل والترتيب والمحاسب الله يعطيه العافية لطيف وتعامله راقي جداً.
ما حصل لي فرصة اجرب طبق البريسكت لحاله او الضلوع المدخنة واتوقع انه هذا اللي يهم اغلبكم لكن فالمرة الجاية ان شاءالله لكن من تجربة البرحر البريسكت اللي فيه كان طري ورائع.
اذا انت من البحيرات او اي مكان فالعمرة او النوارية اتمنى انك تروح وتجرب على الأقل لانه مطعم بالجودة هذه قريب مننا يستاهل الدعم صراحة على امل انه يكون محفز لمطاعم بنفس الجودة هذه ونفس المستوى تفكر تفتح فاماكن قريبة من العمرة وحواليها بدل تكدسها فالعوالي او الشوقية.
مطعم جديد في مكه المكرمه قادم و بقوه في عالم اللحوم المدخنة الأضلاع و البريسكت و البرجر اللحم و البرجر الدجاج بجوده عالية و اسعار في متناول الجميع و ينافس بقوة المطاعم اللي على نفس نهجه في الجوده و الأسعار اللي في مكه و في جده و اتوقع اتفوق على البعض منها من وجهت نظري الشخصية الأكل كان لذيذ و ممتاز ولا في اي زفره او اي زنخه في اللحم او الدجاج و الصوصات عنده مميزه تجربه جداً جداً رائعة اتمنى اتمنى يستمر بنفس المستوى و ان يتقدم اكثر و اكثر في المستوى و المنافسه في الاسعار كمان.. الله يوفقهم يا رب و اخص بالذكر الأخ أصيل صاحب المطعم و اشكره على اخلاقه العاليه و استقباله للملاحظات بصدر رحب يستحق التجربة و بقوة و الناس اذواق
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
