مطعم عريكة الطاهي جدة (الأسعار + المنيو + الموقع )

 1) فول قلابة: بصراحة أطعم قلابة دقتها في جدة وأنصحكم تجربوها ، وأعطيها (5/5). 2) تميس سمن: خطيير مرة فيه قرمشة من برة وطرواة من جوة غير عادية لازم تطلبوه سواء مع الفول أوالقلابة أو الكبدة واحسن من التميس العادي، وأعطيه (5/5). 3) معصوب فاخر: من أطعم المعصوبات اللي دقتها في جدة، العريكة طرية وفيها طعم غريب ولزيز في نفس الوقت (أنصحكم تجربوه) واعطيه (5/5). 4) كبدة: لزيزة جدا وأعطيها (4/5). 5) كبدة باللحم: برضها حلوة وأعطيها (4/5). 6) الجلسات: الجلسات حلوة ونظيفة فيه قسم للشباب وقسم للعوائل (فيه بارتشن) مناسب جداً تاخد عائلتك وتروح تفطر أو تتعشى عندهم. واعطيها (5/5). 7) الخدمة: ممتازة وراقية بالذات من العامل (إسلام) واللي ياخد الطلبات ومعاه جهاز الايباد (والله ما أعرف إسمه)، بس بشكل عام كلهم ممتازين وخدمتهم سريعة ومتجاوبين مع الجميع. وأعطيها (5/5). 8) الأسعار: أشوفها مناسبة جداً ومعقولة مقابل المنيو الجميل حقهم والخدمة اللي بيقدموها للزبائن. أعطيها (5/5). هادا تقييمي بشكل في مطعم عريكة الطاهي في شارع حراء. وبالتوفيق للجميع