آيس كريم لذيذ للغاية ، طبيعي ، قليل السكر ، جربت نكهات الأناناس والليمون ولديهم أيضًا التوت والفانيليا والشوكولاتة ، ولديهم أيضًا مخفوق الحليب والمشروبات الساخنة والباردة. بالطبع سوف نعود مرة أخرى
منيو مطعم ايس كريم البطريق
سعر وجودة وخدمة ماشاء الله تبارك الله ، الله يبارك لأصحاب المكان واللي كانو يشتغلو كلهم متعاونين كان زحمة لكن فتحو شباك ثالث عشان مايكون في تزاحم وطبعا الاسعار جدا رائعة والجودة ممتازة والطَعم لذييذ طلباتنا كانت قهوة وشوكولاتة بالبسكوت حيكون طلبي المفضضل وتوت وليمون كاسة وقهوة بالبسكوت ماقدرت اصور غير طلبي لان الكل كان يبغى ياكلو طلبو على طول كلها ب٣٠ ريال
اراء المتابعين
التقرير الأول
النكهات مررة لذيذة و طعمها مميز ، مكس التوت و اللوتس رووعة ، و القهوة والشوكلت يجنن ، النكهات نفسهاا مميزة مو زي اي مكان تاني ، مدري لو اقدر اكل ايسكريم غيرهم بعد ما جربتهم
التقرير الثاني
تجربتي مع الأهل جدا رائعة خدمة سريعة جودة الٱيسكريم ممتازة أنصحكم تجربوا نكهة الموز مع الشوكولاته أو الأناناس والفانيليا الأجواء العامة رايقة والموظفين جدا متعاونين وبشوشين يستاهلون ٥ نجمات يعيب المكان فقط المواقف لكن يستحق الانتظار
التقرير الثالث
الصراحه من ألذ الاسكريمات الي بجده ويستاهل كل ريال ادفعه .. جايه من الطايف عشانو وطبعاً نكهتي المفضله ليمون وتوت لذيييييذذ جداً اتعب وانا اقول لذيذ والليمون حموضته موزونه الي يحب الحامض مع الحالي يجرب الليمون والتوت بيدعي لي
التقرير الرابع
اولاً طحت في غرام الديكور تحسوه حقيقي مكان ايس كريم غير عن الامكان التانيه اخذنا ايس كريم شوكليت ، الايس كريم لزيز وثقيل واحس واحد يكفي شخصين (شبعانين طبعاً)
التقرير الخامس
نكهات ايس كريم جديده ورهيييبه ويمديكم تمكسو اي نوع انتو تبغوه والموظفين رهيبين في التعامل والخدمه ممتاااازه وفوق الممتازه كمان حقيقي اعطيتهم خمسه نجوم لحسن تعامل وخدمة الموظفين
التقرير السادس
مرينا فجاه من عند المحل واللى خلانا نوقف الزحمه اللي عنده ماشاء الله ربي يباركلهم .. سالنا اذا اول مره لنا واعطانا عينات لجميع الانواع نجربها .. صراحتن ككل الانواع حلوه واعجبتنا .. عندهم نوعين بسكوت العادي والشكولاته ومرهه حلو البسكوت .. اهنيه على اختياره للموظفين يجنن تعاملهم وطول الوقت مبتسم ويضحك واسلوبه جمييل
التقرير السابع
المعتاد ومنذ الازل ……ان بائع الايس كريم سواء كان في محل او كشك او ترك…….لابد ان يحمل ابتسامة عريضة يوزعها طول اليوم عالزباين ….ولان رؤية الايس كريم تيعث البهجة والفرحة للاطفال…… والهروب من موووود الحر للكبار ……ناهيكم عن الالوان والروائح ……والاضافات من السبرينكلز والاوريو واللوتس والنوتيلا …..بسم الله ماشاء الله …..طابورين الى ثلاثة في الزحمه ولا يوقف…..قبل كل شي الشكر الكبير لراعي المشروع لفكرته والاهم لاختياره من العاملين ….الابتسامة والضحكة والمزحة منهم غير ….ولانك متوجه لهم عشان تبرد ….لا تشيل هم حيدلعوك لابعد حد ……بس انتم اتدللوا…..النكهات لذيذة ….لايفوتكم مكس (الجريب فروت مع التوت والشوكلاته ) وكمان (الليمون مع التوت )……اما انا بصراحة (الموز مع اللوتس ) تعببببببببببببني واو واو الطعم رهيب بااااااااارد في قلبك وخفيف ….جربوه والاسعار مره معقوله ……اتمنى يفتح فرع تاني بأبحر …..مافي مقارنه مع ايسكريم المهند او الاخطبوط …..البطريق الافضل للان …….يقدموا مشروبات حاره وبارده وميلك شيك …بالتوفيق لهم .والاستمرار للافضل والتميز
التقرير الثامن
كنت مشتهي ايس كريم خفيف لطيف وصديقي الثرثار قالي خلينا نجرب المكان ده وبصراحة طلع اختيار ممتاز . طعمه ذكرني بطفولتي ايام ما كنا نجلس عالبحر وايام بحيرة القطار والسنابل . الطعم موزون والقوام ممتاز ، والبسكوت اللي مستخدمينه كان عشرة على عشرة
التقرير التاسع
اطعم ايسكريم نكهاته لذيذه التنوع محدود .. نكهه التوت لذيذه وممكن تحطونها مع اي نوع ثاني للامانه زرتهم اكثر من مره خلال اسبوع وجربت كل النكهات توت وشوكلاته ،، توت ليمون ،، توت لوتس شوكلاته بسكوت الايسكريم لذيذ بشكل ومقرمش لآخر لحظه يستحق التجربه والتكرار
التقرير العاشر
ايسكريم لذيذ ورائع والسكر معقول جدا أنواع مختلفة اخذنا بالشوكولاتة والفانيليا وافضل شي يعطيك عينات للتجربة وكانت لذيذة جدا العينات كانت بالكاراميل والفواكه تحية طيبة لأصحاب المحل والموظفين كانوا محترمين وسريعين في خدمة الناس انصح به لمحبي الايس كريم
