إذا تبحث عن أفضل 8 مطاعم فطور رمضان في الظهران فهنا جمعنا لك أفضل خياراتنا اللي ننصح بها زوار موقعنا الكرام، المطاعم في القائمة مجربة، ولكم اراء الزوار عنها
يستحق عشر نجوم اكل على الاصول ووجبات مشبعة اسعار الاكل جدا معقولة ونهاية الاكل قدمو لنا ايس كريم وقهوة سوداء ، تعامل لطيف من قبل الطاقم نظافة المكان جلساته جميلة واجواء جميلة يستحق الزيارة
تقرير متابع :
اوت باك من المطاعم المفضله عندي فجده ودي كانت اول تجربه ليا فالشرقيه صراحه كان الفرع جميل ورايق والخدمه سريعه وعدد الجلسات كبير وفيه داخل المحل وفيه خارج المحل…
عرض الغداء جدا ممتاز واطباقه حلوه ومتنوعه من افضل عروض الغداء اللي مرت عليا
جربت قطع اللحم البقري بالماشروم مع الرز كان ممتاز والمرات الجيه لو عدت الزياره راح اعيد الطلب
شربه الخضار ما ناسبتني صراحه لكن شربه البطاطس ممتازه ثقيله ومعاها جبنه
والعيش حقهم مجاني انصحكم فيه ممتاز خصوصا لو كان جديد وحار
التقرير الكامل لمطعم اوت باك ستيك هاوس الظهران
المطعم يقدم المخبوزات والمقبلات الباردة والحارة والبيتزا والفخاريات كما يوجد معجنات صحية كما يقدم سلطات منوعة ولفائف الدجاج واللحم ومايميزه وجود عدة فروع متتشرة في داخل المنطقة وفي المملكة كذلك والمطعم يهتم بالنظافة وتقديم افضل الاصناف
تقرير متابع :
المعجنات عنده لذيذة اذا تأكلها في نفس الوقت داخل المحل
بصراحة الْيَوْمَ زرته وكان على استلام الطلبات شاب سعودي صراحة كان مرحب بالعملاء مؤدب في أخذ الطلب ، سبق لي ان زرته سابقا لم ارى مثل هذا التعامل
مطعم متوسط الحجم مواصفات الاكل دي جيده جدا يوجد لديه انواع كثيره من الفطائر وسندوتشات والعصيرات بالاضافه الى كثير من السلطات وبعض الاكلات المتنوعه لذيذ ونظيف وخدماتهم ممتازه
التقرير الكامل لمطعم منؤشة الريف الظهران
المطعم نظيف والاسعار حلوة والاكل لذيذ، جربت بيتزا رانش وسلطة سيزار الدجاج الخس طازج والصوص لذيييذ والبيتزا اخترته صغير بس طلعت كبيرة ما شاءالله تكفي لشخصين لو طلبت الكبيرة كيف بيكون حجمه
تقرير متابع :
البيتزا لذيذه والاطباق الرئيسيه ،،
سبيشل بيتزا يممممي بشكل والروزيتو من اطباقي المفضله
خدمة التوصيل سريعه جدا وخدمة الطلب مريحه وسهله
ارشحه كثيييير لكل احد يبي بيتزا خفيفه ونظيفه ولذيذه
التقرير الكامل لمطعم أوليفا الظهران
اكل نظيف ومرتب ماشاء الله. المشاوي فعلاً مختلفة وكأني أكلها بمصر .. جميلة جداً جربت المطعم مرتين اول مرة الباشميل كانت باردة لكن مو قضية كبيرة تتضبط .. الممبار اول مرة كنت اذوقه عندهم فما اعرف اقيمه كثير .. المرة الثانيه كان الطلب شيش كباب مع رز وملوخية ماشاء الله تبارك الله الطلب 100% انصح فيه جداً ..
تقرير متابع :
ما شاء الله تعشيت منه واكلت ملوخيه وشيش طاووق ومعكرونه بالبشاميل و متبل وسلطه خضراء…. الملوخيه رهيبه جدا بالطعم الاصيل لكن ملحه زايد شوي، الباقي جيد جدا مضبوط ماعليه ملاحظات والي يميز المطعم عن البقيه ان النفس طيبه بالمطع بشوشين محترمين والي ميزه اكثر (القرآن) الله يجزاهم خير القرآن صوته املئ المكان والاضاءات جميله موزعه صح. ، ان شاء الله مو اخر مره ازوره يستحق الزيارة وبجداره
التقرير الكامل لمطعم شوك الظهران
من المطاعم الآسيويه الحقيقية اجواء ومنيو واطباق تقدم بوصفاتها الاصليه وكما يجب. وانت تتناول اطباقك وحولك. سيقان البامبو والاضاءة الخافته جربت النودلز وسلطة مميزه والدجاج بالكاجو. جميع اطباقهم لذيذة وكمية مشبعه يستحق التجربة والزيارة ولاتنسون تحلون بايس كريم الموتشي
تقرير متابع :
مطعم شرق اسيوس اطباقه كورية و تايلندية ، اطباقهم نودلز و سزلنج و رز و ايدامات و لحوم و اسماك و زي كذا ، بالعربي ترى ما في سوشي في المنيو انتبهوا ، المطعم مميز و انصح به و بشدة ، شوربة تام يام عندهم كويسة و يسوونها بحليب جوز الهند و ما حسيت ان هالشي معطيها نكهة حالية بالعكس حموضتها موزونة ، لكن ممكن تطلبونها شفافة من غيره لو حبيتم ، عندهم شي اسمه KFC ، دجاج مقلي بمنتهى اللذاذة ، و الديناميت عندهم بعد جداً لذيذ و مختلف و مميز لان نكهته تختلف عن الاماكن الثانية و صراحة حبيت النكهة اظن مزودين عليه يا اما سمسم يا اما زبدة فول سوداني النتيجة طلعت مجنونة و مختلفة و لذيذة حتى الخس اللي تحته استلذيت بطعمه ، اوكي للحين يضل بي اف تشانق في القمة بالنسبة لي لكن حتى هذا قريب منه و التغيير حلو ، جربت بعد دمبلنق الدجاج و طلع حليو بس يمكن ما يعجب اي احد
التقرير الكامل لمطعم بامبو كيتشن الظهران
مطعم متميز مره في الخدمه والنظافة والاكل اعطيه والاصناف المقدمه مميزه طاقم العمل ايضا جدا متعاون وبشوش ومضياف اتمنى لهم التقدم واشكر جميع الموظفين والإدارة ايضا
تقرير متابع :
مطعم و كافيه ..
ديكورات و تفاصيل عثمانيه رائعه جدا .
منيو عشا و حلى و قهوه و مشروبات ممتازه و متنوعه .
حجم الاطباق مقابل السعر جدا جدا ممتاز .
من وجهاتي الدائمه ب الكويت و دبي ..
و ايضا بالظهران باذن الله .
ستاف العمل بشوش جدا .
الكوفي و الكنافه و البقلاوه رائعه ..
بجرب العشا باذن الله و اطرح ما يستجد .
التقرير الكامل لمطعم مادو الظهران
من اجمل مطاعم الشاورما احب اللحم عندهم نظيف و مافيه ريحه انصحكم فيه حتى الدجاج حلوه
تقرير متابع :
صراحه اول مره اجربه ممتاز شاورما الدجاج لذيذه واللحم الذ واللي يميزه يكثر لحم اكيد بكون افضل والذ من باقي مطاعم الشاورما اللي رافع السعر واللي حاط لحم قليل من قوه البخل فيهم حتى تحس بطعم الخبز اكثر من اللحم
التقرير الكامل لمطعم أوشه الظهران
من المطاعم القديمة و المشهورة ومن اشهر مطاعم الشاورما في الظهران بالدوحة ع الشارع التجاري .
منيو منوع وأسعاره حلوه بين شاورما ، مشويات ، معجنات ، فلافل و عصيرات
تقرير متابع :
المطعم معروف جدا بالشورما. بس حاب ألفت النظر لوجبات ثانية. الجبن و الفلافل المشكل، مع بيض مسلوق، لذيذة جدا وأسعارها كويسة. عجينة الجبن خفيفة وطرية، اشوفها أفضل من الناعورة. باقي المنيو جيد بس مهو نفس مستوى الثلاث وجبات اللي ذكرتها. أحيانا لما تطلب بالتلفون يجيبون العيد بالطلب خصوصا اذا كان الطلب طويل. جلسات المطعم غير مريحة فالأفضل انك تاخذ أكلك سفري. وقت الظهر وبعد العشاء يصير المطعم زحمة وممكن يأخذ الطلب أكثر من نص ساعة خصوصا طلبات الشاورما.
التقرير الكامل لمطعم مزون الظهران
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
