إذا تبحث عن افضل 10 مطاعم الظهران فهنا جمعنا لك أفضل خياراتنا اللي ننصح بها زوار موقعنا الكرام، المطاعم في القائمة مجربة، ولكم اراء الزوار عنها
المطعم نظيف والاسعار حلوة والاكل لذيذ، جربت بيتزا رانش وسلطة سيزار الدجاج الخس طازج والصوص لذيييذ والبيتزا اخترته صغير بس طلعت كبيرة ما شاءالله تكفي لشخصين لو طلبت الكبيرة كيف بيكون حجمه
تقرير متابع :
البيتزا لذيذه والاطباق الرئيسيه ،،
سبيشل بيتزا يممممي بشكل والروزيتو من اطباقي المفضله
خدمة التوصيل سريعه جدا وخدمة الطلب مريحه وسهله
ارشحه كثيييير لكل احد يبي بيتزا خفيفه ونظيفه ولذيذه
التقرير الكامل لمطعم أوليفا الظهران.
المطعم جميل.. وموقعة في الظهران.. المكان مميز .. تعشر بمكان مختلف عن بقية المطاعم .. رايق .. مريح .. راقي ونظيف،، يشعرك بالهدوووء.. يعيبه الموسيقى المزعجة.. الاكل مميز بكل صراحة الشوربة البروكلي .. والسلطة وكذلك الستيكات .. بالاضافة الى الفتوشيني مميزة جداً .. الخدمة اكثر من رائعة ومميزة الموظف الفلبيني عبدالحليم مؤدب وخلوق ومرح .. يتكلم اللغة العربية الفصحى .. انصح بالمطعم وتكرار الزيارة له … الاسعار مرتفعة نوعاً ما..
تقرير متابع :
وصلتني دعوة من المطعم الجميل شكرا صراحة للاستضافة الجميلة ايش اقولكم ع الطعم والا الشكل يجننننننن بشكل والله يستاهل المدح لانه فعلا رووووعة الاستيك والسالمون والسلطة والعصيرات مميزة وطعم جديد صدق فرق عن غيرهم يعطيكم الف عافيه ع الطبخ اللذيذ والشكل والهدوء والمكان الراقي
التقرير الكامل لمطعم تشيلينج مومنت الظهران
احد اروع المطاعم اللبنانية اللي ممكن تروح تطلب اي شي من المنيو و انت متطمن ان الاكل لذيذ ومتأكد انك راح تطلع راضي المطعم كذلك يقدم خيارات عديدة من المطعم الايطالي و حتى تكون منصف اتذكر تجربتي في عيد المطاعم الايطالية داخل السعودية ما حصلت احد يجيد باستا “البيستو” مثل ما يقدمون في بيت مسك
تقرير متابع :
بيت مسك من اجمل و ألذ المطاعم وتعنيت له لهنا .. الخروف المحشي من اشهر و ألذ الاطباق عنده مع ماما غنوج، خدمتهم اكثر من ممتازة .. وعندهم موظفه خدمتني بشكل مميز حتى لما قلت لها ماصليت قفلت الستاير الي بواجهة المطعم وعطتني خصوصية عشان تعمل لي مكان اصلي فيه
التقرير الكامل لمطعم بيت مسك اللبناني الظهران
مطعم ارميني لبناني رايق وهاادي سقفة المشجر اخضر وطاولات رخاميه واطباقه الزرقاء الداكنه تناسق رايق وجميل
الاستقبال جميل والخدمه ممتازه
تقرير متابع :
مطعم جميل وراقي وله عدة فروع انحاء المملكة في جدة والرياض والطائف والخبر يقدمون فيه مجموعة كبيرة من المأكولات اللبنانية والتركية والإيطالية والأرمينية كل الأصناف اللي جربتها اعجبتني خصوصاً كباب بالكرز وفخار الاسكندر والفوتيتشيني والحمص بالريحان والمقبلات الساخنة المشروبات كمان ممتازة وجودة الطعم عالية
التقرير الكامل لمطعم بياز الظهران
المطعم يقدم المخبوزات والمقبلات الباردة والحارة والبيتزا والفخاريات كما يوجد معجنات صحية كما يقدم سلطات منوعة ولفائف الدجاج واللحم ومايميزه وجود عدة فروع متتشرة في داخل المنطقة وفي المملكة كذلك والمطعم يهتم بالنظافة وتقديم افضل الاصناف
تقرير متابع :
المعجنات عنده لذيذة اذا تأكلها في نفس الوقت داخل المحل
بصراحة الْيَوْمَ زرته وكان على استلام الطلبات شاب سعودي صراحة كان مرحب بالعملاء مؤدب في أخذ الطلب ، سبق لي ان زرته سابقا لم ارى مثل هذا التعامل
التقرير الكامل لمطعم منؤشة الريف الظهران
من الذ و احلى مطاعم البيتزا بالشرقية بدون منازع تميز بالمنيو بشكل عجيب .. طاقم عمل ولا اروع سرعة في الطلبات .. بيتزا طازجة و نكهات عجيبة الأسعار مقابل الأحجام جدا ممتازة
تقرير متابع :
بيتزا احترافية ١٠/١٠، طعم ولا اروع وكل نوع بيتزا طعمه مختلف ومميز. الجبن لذيذ والكمية وافية وتقدر تطلب اكسترا. الاطباق الجانبية مثل دجاج فيليه ممتاز مصادر اللحوم دجاج اليوم ناقصهم موظين الاستقبال يكونوا اكثر احترافية في التعامل مع الزباين و يخلصوا الصيانة صيانة المحل ويستاهلون ٥ نجوم !
التقرير الكامل لمطعم ايت بورشنز الظهران
طعم هادئ وجميل الموظفين يجيدون التعامل مع الزبائن. الاكل هو المهم بصراحة لذييذ. اطلب تاكو جمبري وشوربة البروكلي وتمتع بالطعم المميز والمشروب يعبي لك اكثر من مره. والسعر جداً مناسب والموقع طبعاً الظهران مول لذلك لاتشيل هم الحر
تقرير متابع :
اوت باك من المطاعم المفضله عندي فجده ودي كانت اول تجربه ليا فالشرقيه صراحه كان الفرع جميل ورايق والخدمه سريعه وعدد الجلسات كبير وفيه داخل المحل وفيه خارج المحل…
عرض الغداء جدا ممتاز واطباقه حلوه ومتنوعه من افضل عروض الغداء اللي مرت عليا
جربت قطع اللحم البقري بالماشروم مع الرز كان ممتاز والمرات الجيه لو عدت الزياره راح اعيد الطلب
شربه الخضار ما ناسبتني صراحه لكن شربه البطاطس ممتازه ثقيله ومعاها جبنه
والعيش حقهم مجاني انصحكم فيه ممتاز خصوصا لو كان جديد وحار
التقرير الكامل لمطعم اوت باك ستيك هاوس الظهران
مطعم أكلات بحرية يطبخ اسماك طازجة و بأنواع رز مختلفة. الجلسة شعبية و فيه طاولات. الطعم لذيذ جدا و الممتاز ان عندهم تنوع في أنواع السمك و طريقة طبخها. و الرز يجي بأنواع مختلفة بعد. انصح بالمطعم خصوصا للموقع الممتاز و الطعم اللذيذ. الأسعار معقولة نوعًا ما و الكمية جيدة.
تقرير متابع :
افضل مطعم مأكولات بحريه في الخبر ..
وانظف اسماك وكلها طازجه جدا ..
انا زبون لهذا المطعم اكثر من ٦ سنوات ..
السعر كان مقبول ولكنه ارتفع قليلا مثل بقية مطاعم الاسماك سعر الكيلو تقريبا يتفاوت بين ٨٠ الى ٩٥ ريال بالقلي او الشويجميع القلي عندهم ممتاز ..
والسمك او القباقب او الربيان بالفرن مميز جدا بالصوص الذي يتم وضعه
الرز يوجد ٤ انواع ..
يوجد جلسات داخليه ارضيه وطاولات ولا يوجد عوائل الا في فرع الدمام
يعيبه في الزحمه بعض المرات يختلف شغله خاصه الجمعه لكنه يظل الافضل
التقرير الكامل لميدار للأكلات البحرية الخليجية الظهران
من المطاعم القديمة و المشهورة ومن اشهر مطاعم الشاورما في الظهران بالدوحة ع الشارع التجاري .
منيو منوع وأسعاره حلوه بين شاورما ، مشويات ، معجنات ، فلافل و عصيرات أكله حلو و دايم زحمه ما شاء الله .
تقرير متابع :
المطعم معروف جدا بالشورما. بس حاب ألفت النظر لوجبات ثانية. الجبن و الفلافل المشكل، مع بيض مسلوق، لذيذة جدا وأسعارها كويسة. عجينة الجبن خفيفة وطرية، اشوفها أفضل من الناعورة. باقي المنيو جيد بس مهو نفس مستوى الثلاث وجبات اللي ذكرتها. أحيانا لما تطلب بالتلفون يجيبون العيد بالطلب خصوصا اذا كان الطلب طويل. جلسات المطعم غير مريحة فالأفضل انك تاخذ أكلك سفري. وقت الظهر وبعد العشاء يصير المطعم زحمة وممكن يأخذ الطلب أكثر من نص ساعة خصوصا طلبات الشاورما.
التقرير الكامل لمطعم مزون الظهران
مطعم و كافيه ..ديكورات و تفاصيل عثمانيه رائعه جدا .منيو عشا و حلى و قهوه و مشروبات ممتازه و متنوعه .
حجم الاطباق مقابل السعر جدا جدا ممتاز .
تقرير متابع :
المطعم داخل الظهران مول قريب باب ١٠ فسيح و نظيف .. فيه جلسات خارجية .. طلبنا فوتوشيني و بيتزا مارجريتا و ستيك لحم لصوص الفلفل و اصابع دجاج مقرمش و حمص اسطنبول و الطلب كان ب ٤٠٠ ريال .. الاكل ممتاز و سأعيد التجربة من اجل الحلويات
التقرير الكامل لمطعم مادو الظهران
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
