كافيه The Shock جدة، المكان عبارة عن جلسات خارجية وداخلية بدورين، الدور الثاني في مكان مخصص للمدخنين يوجد حمام و مداخل الكهرباء فكل مكان، المكان فيه قصص وكتب
الأسم: كافيه The Shock
التصنيف:عوائل – أفراد
النوع: كافيه
الاسعار:متوسطة
الاطفال: مسموح
بارتشن: لا يوجد
الموسيقى: يوجد
أوقات العمل: 6AM–3 AM / الجمعة 10AM–3 AM
خرائط جوجل:للدخول الى الكافيه عبر خرائط جوجل اضغط هنا
كوفي لطيف وجميل واسم على مسمى يصدمك بجمالعه وروقانه وموقعه حلو بس يعيبه الزحمة المواقف لعدم توفر مواقف كافيه بالليل القهوة عندهم ممتازة جربت من عندهم V60 جلساتهم حلوة مع التراس واحلى مافيه المكان 24 ساعه شغال وعندهم موظف جداً لطيف الباريستا يوسف جداً خلوق ومحترم وبياخذ ويعطي مع العميل وبالتوفيق لكم ومن نجاح الى نجاح يارب
منيو كافيه The Shock
خطوة ممتازة تخفيض الأسعار طلبنا فلات وايت ب١٤ في السابق كان ١٧ طلبنا كورتادو ب١٣ وكان ١٦ طلبنا براونيز ب١٤ ثلاثة قطع لذيذة فيها مرارة الشوكولاتة الناس أذواق وطعم القهوة يختلف حسب نوع البن طعم القهوة بالنسبة لي موزون وممتاز المحل دورين والصورتين هذه من الدور السفلي الدور العلوي كذلك فيه جلسات حلوة ومريحة وفيه جلسات خارجية (شرفة بإطلالة على الشارع) المكان دافئ وهادئ حاليا توجد شاشات في الدور الأرضي الطاقم جميل ومتعاون شكرا لهم
اراء المتابعين
التقرير الأول
تجربتي كانت فالصباح بدري عالساعة ٨ كان هادئ جدا بارد شوي موسيقى هادية وكل شي مرتب… – المكان عبارة عن جلسات خارجية وداخلية بدورين، الدور الثاني في مكان مخصص للمدخنين يوجد حمام و مداخل الكهرباء فكل مكان ماشاءالله ويهمني وجود تنوع بالجلسات – الاستقبال كان رائع من الموظف البشوش – طلبت v60 اثيوبي لذيذ جدا ويروق وطلبت كمان و ساندوتش تيركي مع جبنه اخخ ذايبة والخبز كويس جلست تقريبا ٤ ساعات ومشيت وانا نبسوط من المكان ماصورت كثير وقتها للاسف
التقرير الثاني
زرتهم بعد صلاة الجمعة وكان موظف الاستقبال مهذب ومُحضر القهوة شاب سعودي أفادني بأن قهوتهم مختصة وشرح لي بالتفصيل بطريقة رائعة أنواع الكافي الساخن وحضرها بطريقة مميزة وكان طعمها بطل وكذلك الكوكيز والمكان هادئ ويزيده جمالاً صوت قراءة القرآن تجربة مميزة تستحق الإشادة
التقرير الثالث
المكان جدا جذا مريح لعدد من الاعتبارات، كخبير وشيف حلويات اقولكم ، اولا نبدا من وقت خدمتهم ٢٤ ساعه جدا رايع اشتهيت قهوة صحيت نص الليل طفشان عندك سفر الساعه ٣ تحتاج قهوة المكان موجود، متوفر عدد من انواع الحلا بستاشو كيك عاملينها بفكره هوني كيك بس بالبساتين لذيذه رغم ان طبقه الكريمه حاليه زياده ، عندهم هوني كيك صديقي اخد بنوفي باي لذيذه، قهوتهم لذيذه ، الشي الثاني المميز بشاشه واهتمام الشاب اللي قام باستقبالنا للامانه ياخد افضل موظف كافيه رغم انه مواصل طوال الليل كان استقباله جدا جدا رايع وماصار ليه خبرة عمل في نفس المقهى الا يومين فقط، بريستا شاطر بس يحتاج شويه معلومات عن الحلا الموجود وطبيعي لسه مو عارفها بحكم يومين ، الجلسه خورافه خاصه في الطابق الثاني وفيه حديقه خارجيه اصطناعيه عباره بلكونه مريحه مسموح بالتدخين فيها ، انا نادر اعطي 5 بس للامانه شعور الراحه عندي بالمكان ناسيني ممكن اجي وارجع عدد مرات، رغم وجود سندوتشات مالحه لكن تمنيت يعمل تقديم وجبات ساخنه افطار خفيفه ممكن يحقق ربحيه عاليه
التقرير الرابع
المكان راقي ومريح ، والاضاءة والتبريد مناسبين ، جربت مشروب القهوة بالحليب والهيل رائع جداً ، وموهيتو الرمان والمشكل كمان كان لذيذ ، وأيضاً جربت الحلا وكانت طعمة. انصح بزيارته ، وساعاود الزيارة ان شاء الله
التقرير الخامس
يستاهل خمسة من خمسة من أفضل الكافيهات صدقاً من ناحية اعداد القهوة بشكل احترافي وهدوء المكان وانتقاء الديكور ووجود جلسات داخلية وخارجية وموظفين كويسين وبشوشين شهادتي فيهم مجروحة الصراحة وأحب أزورهم باستمرار
التقرير السادس
الكافيه جدا راااائع والاستقبال ارووووع …مساحته مناسبه دورين وبلكونه تجنن وفي الجو الحلو تحلى وتحلى الشباب ماشاءالله خلوقين محترمين والابتسامه مافارقتهم الخدمه سريعه وممتازه بكل احترافيه الاضاءه احلى مايميز المكان فيه قصص وكتب تصفحت عناوينها على السريع ولي وقفه معاها فيه كمان العاب مسليه تقضي بيها وقت ممتع …طلبت مشروبين ونوعين حلى حوضحهم في الفاتوره اخر التعليق كلهم ممتازين واستمتعنا فيهم النجمه الناقصه على الاسعار لو يراجعوها فقط ..ديكور الكافيه كلاسيكي حسيت اني في كافيه بريطاني بلمسات بلجيكيه بالتوفيق الله يبارك لكم
التقرير السابع
كافيه رايق وهادي جدا تجربة جميلة بتنعاد اكيد. الطلبات: كابتشينو ٩/١٠ لذيذ يناسب محبي التحميصة الحامضة. سانت سباستيان ٨/١٠ لذيذ وطري لكن اتوقع انو بايت مع انو ما اختلف القوام مرة. في موسيقى اقرب لاصوات الطبيعة مع شوية عزف بيانو جدا رايق. مسموح التدخين فالبلكونة والجلسات الخارجية فقط. افراد وعائلات فالدورين والبلكونة. النظافة ١٠/١٠ لاحظت عليهم المكان جدا نظيف. مسموح دخول الاطفال. مافي بارتشن. كل شي كان جيد جدا الى ممتاز الاسعار متوسطة، وحبيت عندهم النظافة وتنوع الجلسات مناسب للقراءة والمذاكرة او العمل. في شي واحد بس ما عجبني الي هوا البلكونة احس تحتاج اهتمام اكبر بالنباتات والكراسي تحتاج مخدات جديدة يعني بشكل عام تجديد للبلكونة. ملاحظة: مو كل اصناف الحلا كانت متوفرة وقت زيارتي ٩-١١ الصباح. ملاحظة: هذا الرأي هو رأي شخصي فقط و”لولا اختلاف الاذواق لبارت السلع
