إذا تبحث عن افضل قهوة مقطرة في الرياض فهنا جمعنا لك أفضل خياراتنا اللي ننصح بها زوار موقعنا الكرام، الكافيهات في القائمة مجربة، ولكم اراء الزوار عنها 🌻
الجلسات كثيرة وفيه بارتشن مع ان المكان صغير. الاضاءة مناسبة والجو العام لطيف. الموظفات والموظفين خدومين ولطيفين 👏
تقرير متابع :
جداً جمييييل وقهوتهم مضبوطه والحلا عندهم خورااافي .. جربت كل الانواع تقريبا بس اكثر شي حبيته بيزوكي ( عبارة عن كوكيز في مقلاة ساخنه مع ايسكريم ) نظيف جدا وتعامل العاملين اكثر من رائع انصح فيه وبشششده ❤️❤️❤️
للمزيد عن كافيه القهوة المقطرة بالرياض إضغط هنا
مكان جميل قهوة مختصة جيدة جداً جلسات داخلية ولديهم متجرإلكتروني للقهوة المختصة و مستلزماتها. بن, ادوات قهوة مختصة, مطاحن, فلتر قهوة
تقرير متابع :
المكان بشكل عام جميل و مميز وهادئ في
تفاصيله المكان واسع و مريح جدا قدم لنا الاسبانش
و كبتشينو و كيك الزعفران و كيك لوتس جميل
يشكرون على التقديم المميز و الاصناف الذيذه
للمزيد عن مقهى فلتر إضغط هنا
مكان جداً جميل و هادي و القهوه مرره حلوه حرفياً المكان كل شي فيه حلو ❤️
تقرير متابع :
كافيه يستحق الزياره وبقوه اليوم اول تجربه لي ..المكان صغير لكن هادي ورايق العاملين فيه قمه في الذوق والاخلاق الكوفي لذييييذ جربت الكابتشينو والفلات وايت 👏🏼 الاسعار ارخص من الكافيهات الاخرى يعني جوده وسعر 👍🏼 اتمنى لهم التوفيق لانهم يستاهلون 🙏🏼 وبرجع له اكيييد باذن الله كل فتره
للمزيد عن كافيه ويلا الرياض إضغط هنا
المكان حلو وانيق وشرح وجلسات خارجيه وداخليه وتعامل الويتر راقي وبشوش ومتعاون مكان يستحق الزياره
تقرير متابع :
المكان جميل وواسع وكبير … الكراسي مريحة للجلسة الطويلة …
الاسعار متوسطة ،
الطلب كان “ايس دريب” وكان من محمصة سويل “مناناسي” … عندهم حلى وفيه تنوع كثير …
محاصيلهم من “سويل و يم” .
للمزيد عن دقريز كافيه بالرياض إضغط هنا
المكان هادئ ورايق يميزه كثره الشجر اللي معطي المكان شرااحه .. خدمة ممتازه 🤓
تقرير متابع :
اخذت ايس كوفي (سولت كراميل )يجنننن بمعنى الكلمه نصحني فيه الاخ اللي يبيع وماندمت ، أخذت كيكة الجزر بالبيكان كنت متخوفه انها ماتكون لذيذه او تكون الكيكة قاسيه وناشفه ، لكن طلعت فوق الوصف ماشاء الله هشه والكريمة تجنن لذيذذذذه و البيكان مطلع طعم جميل 😍
أسعارهم معقوله وكويسه مو غالي مرره ..
قبل كنت دايما اخذ من عندهم كيكة البوب كورن تجنن مرررررره تنافس المحلات المتخصصه بالكيك خصوصا انها محشيه من داخل بالفشار بعد وجربت عندهم كيكة الزعفران لكن للاسف انقطعت بسبب تغيير المصنع لكن ممتازين والله يوفقهم وانصح بزيارته وتذوق القهوه 😌😉👍🏻
للمزيد عن كافيه كرز القهوة القهوة إضغط هنا
المكان جميل والاسعار متوسطة والخدمة سريعه و مميزه يستحق التجربة ✨
تقرير متابع :
أحب قهوتهم جدًا مختصة، والكوكيز عندهم لذيييذ مرة مقهى كريفو موقعهم حلو والديزاين روعه ودورين واخذت من عندهم موهيتو روعه المكس يجنن والمكان مريح جدا ومافيه ازعاج ❤️🥰🥰🥰
للمزيد عن كافيه كريفو إضغط هنا
كوفي جميل وهادي .. تشعر بالراحة يعيبه الجلسات قليلة وتزدحم الاشجار في للكوفي معطيه جو 👌 جلساته بدون بارتشن ما سمعت فيه موسيقى
تقرير متابع :
القهوة في محمصة نول مميزة ورائعة ،، لكن ما يعيب هذا الفرع شيئ بسيط ،، وهو سوء تعامل الشاب السعودي الطويل الموجود في فرع الازدهار ،، اود التكرم بتنبيهه على هذي النقطة ان امكن ،، مع الوقت سيتم خسارة عدد غير يسير من العملاء.
اما الجو العام في الكفي فهو رائع خصوصا مع الاشجار والنبتات ورائحة القهوة.
اشكرهم على تميزهم ،،
للمزيد عن مقهى نول إضغط هنا
انصح بزيارتهم الجلسات مريحة للشغل والمذاكرة والقهوة ماعليها تمام ولو ماعجبتك قولهم وبسولك الي بيرضيك.
تقرير متابع :
المكان جميل 😍
الاسعار متوسطه
الانواع محدوده لانواع القهوه
القهوه ليست جيده .. خفيفه نوعا ما بالرغم انهم محمصه مختصه ..
قهوه مميزه واكثر شي عجبني انهم يخيرونك بنوع البن اللي تبيه وبرضو عندهم حركه جدا جميله اعطت الثقه للزبون يعطيهم العافيه ويستاهل التجربه 👍🏼👍🏼👍🏼
للمزيد عن مقهى حبرو للقهوة المختصة إضغط هنا
المكان صغير وبسيط لكن كتقديم وإتقان جدًا ممتاز ماشاءالله 👌🏻💯 .. يستخدم بن من سلالات القهوة طعم وجودة 🌟
تقرير متابع :
كوفي رائع قهوتهم مميزة و حلوياتهم لذيذه متميزين بالسبانش البارد والحار والبستاشيو البارد والسقنتشر البارد والحار فيه نكهة كارميل على بندق والسولتد كراميل البارد والحار
وباقي مشروبات الاسبريسو من لاتيه وفلات وايت وكورتادو و قهوتهم كلها من محمصة سلالات القهوه
والاكواب الحار عندهم جميله
والحلا متميزين بالميني بان كيك والوافل باضافات متنوعه ومنها صوص اديل مقارب لطعم السينامون ويعجب كثيرر اللي يحبون طعم السينامون ، ومنزلين حالياً السولتد كراميل مع الكرنشي 🌹
للمزيد عن كافيه إديل الرياض إضغط هنا
يقدم قهوة طيبة وبسعر مناسب جداً المكان جميل جداً بسيط وانيق
تقرير متابع :
كوفي جيد بتقديم نكهه مميزه ، تم تعديل وتحسين المحل في زيارتي الاخيره ، يوجد جلسات خارجيه وقنوات رياضيه واطلاله على شارع الامير فيصل بن عبدالله بجوار الجامعه المفتوحة.
للمزيد عن كوفي أوكلوك إضغط هنا
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
