إذا تبحث عن افضل مطاعم برجر في الاحساء فهنا جمعنا لك أفضل خياراتنا اللي ننصح بها زوار موقعنا الكرام، المطاعم في القائمة مجربة، ولكم اراء الزوار عنها
مطعم برجر راقي الاحساء بالمبرز يقع على تقاطع طريق الملك سلمان، أو ما يسمى ب شارع النجاح، وطريق مدرسة خالد بن الوليد. تحديدا عند اشارة شارع النجاح مقابل مدرسة ثانوية المبرز بالمبرز، ومدرسة خالد بن الوليد. يقدم المطعم العديد من الوجبات المتنوعة من أنواع الدجاج واللحم والسلطات والمقبلات. استقبالهم جميل ومميز وراقي
خدمة التوصيل جيده و سريعه و الاسعار لا بأس بها و البطاطس المشوي لذيذ و اعجبني الكؤوس البلاستيكيه الشفافه الذين يقدمونها و لكن هنالك شيء لم يعجبني فقد تم تقديم لاخي برغل حجمه صغير جدا مقارنة بالبرغل الاخرين و حتى انه لم يكن به خس او طماط و ايضا البرغل باللحم الذي طلبته من الواضح انه قد انطبخ كثيرا و اصبح جافا على غير عادته ..
التقرير الكامل عن مطعم برجر راقي
مطعم بونستر برجر الاحساء مطعم يقدم مختلف الاطباق من برقر وباستا و مقبلات ومبدعين الصراحه في تقديم الاطباق الاكل الي طلبته لذيذ واكثر شي عجبني بافلو تشكن و ماك اند تشيز شيتوس لازم تجربونهم المطعم مناسب للعوائل والخدمة ماشاءالله سريعة والديكور ممتاز بس الطاولات حسيتها لاصقة من بعض
تقرير متابع
تجربة ممتازة جداً اكثر مما توقعت ، مكان نظيف وهادئ يجي دورين جلسات مفتوحه يشبه نظام برا وفيه جلسات خارجية، الستاف متعاون ومهتم بالنظافة والخدمة 10/10 ، ماشاءالله تبارك الرحمن المكان مليان ، الاكل حرفيا وبالمعنى لذيذ جدا جدا ، الأسعار ان شاء الله في متناول الجميع بكل امانه الاسعار روعه عشاء لشخصين كلفنا
103 ريال وبهالشكل ينافس افخم المطاعم بيكون الوجهه المفضله للبرغر ، طلبي كان برجر بونستر لحم ، و ذا مشروم ، شكن بافلو ، وروكا سلط ، و2 مشروب غازي . وابد مابالغو بالاسعار وحجم البرجر الحجم المتعارف عليه وهش خفيف ومايغث تقييمي للاكل والخدمة والمطعم وكل شي 10/10 وراح اكرر التجربة وانصح فيه وبقوة
التقرير الكامل عن مطعم بونستر برجر
مطعم وقت البرجر الاحساء من الذ مطاعم البرجر بالاحساء يتميز بنكهة لحم مميزه ولحمهم دائما طازج يقع بالقرب من جامعة الملك فيصل بالاحساء
تقرير متابع
بالنسبة للاسعار مناسبة مقارنة بباقي مطاعم البرجر بالنسبة للاكل كويس وكمية اللحم كثييرة برجر وحده تشبعك لكن الكرنشي هيد فيه جبن موزاريلا بكمية كبيرة وعشانها مقلية صايرة دسمه وطعم الزيت باين بالنسبة للمكان المطعم صغير و ديزاين الطاولات ماعجبني صغير ماتاخذ راحتك والكراسي خشب وطويلة غير مريحه
التقرير الكامل عن مطعم وقت البرجر
مطعم اف اند بي برجر الاحساء مطعم متخصص بالبرجر الذي يعمل على طريقة الشوي وليس القلي يوجد لحوم طازجة من الدجاج او الغنم او البقر او الحاشي حتى ، يوجد انواع عديدة من البطاطس على حسب ذوقك ،
تقرير متابع
اف اند بي برجر مطعم متخصص بالبرجر الذي يعمل على طريقة الشوي وليس القلي يوجد لحوم طازجة من الدجاج او الغنم او البقر او الحاشي حتى ، يوجد انواع عديدة من البطاطس على حسب ذوقك ، المشروبات فيه غازية ويوجد بديل عصر برتقال طازج 100٪ ، المطعم نظيف للغاية وجلساته مرتبه ، المحاسب شاب سعودي ، أما الطباخين من شرق اسيا، لاحظت وضع القفزات وتغطية الشعر ، ويمكنك رأيت الطباخ وهو يشوي البرجر لان المطبخ مكشوف مش مغطى. العيوب لا يوجد حمامات يوجد فقط مغسلة لليدين وكذلك السعر فوق المتوسط لكن يستاهل المطعم. الديكورات على شكل أمريكي رائع .
التقرير الكامل عن مطعم اف اند بي برجر
مطعم بست برجر المطعم راقي من ناحية التصميم والديكور الخارجي وكذلك أكلاته طازجه ولذيذة. جربت عنده البرقر دجاج المشوي والمقلي أعجبتني جدا.
تقرير متابع
مطعم ممتاز جداً طبعآ فيه ميزه التوصيل ياخذ 5 ريال رسوم التوصيل فقط يعني اذا انت تطلب عبر هنجرستيشن او اي تطبيق توصيل انصحك تطلب توصيل عبر المطعم اوفر لك واسرع واضمن اذا حصل خط في الطلب
التقرير الكامل عن مطعم بست برجر
مطعم شوك برجر مصادر اللحوم : اللحم والدجاج محلي ،قولدن برجر : عباره عن ( لحم و طماط وخس وصوص وجبن موزريلا مقلي ويجي معاها بصل بس انا اكنسله ) ،لذيذه وحلاتها تنأكل حاره عشان الجبن يتمغط ،
تقرير متابع
مطعم يقدم البرغر بطريقة جيدة ، لأن اللحم طازج و لطيف ، الطهي ممتاز و يتميز بخليط الصلصة. المكان هادئ ومزين بشكل جميل. تنظيم وجبة في الهواء الطلق في المربع يعطيها ميزة لطيفة.
التقرير الكامل عن مطعم شوك برجر
مطعم وايت هاوس برجر انواع برغر متنوعة و خدمة جيدة و سريعة. تعامل العاملين جيد و ديكور المحل بسيط و مرتب بس الجلسة صغيرة. جربت برغر لحم بصلصة المشروم و كانت لذيذة و اللحم طري
تقرير متابع
صراحة شغلهم نظيف و أذكر أول كنت أقول حرام ماينزلون أصناف جديدة في المنيو غير الكلاسيك و التشيكن ديناميت برجر
والحمدلله في فرعهم الجديد نزلو شغلات كثيرة مثل الماشروم و السلايدر وغيرها و حالياً منزلين و دخلو حسابهم عشان تشوفون سعره و أيش موجود فيه
أكثر الأنواع اللي أنصح فيها الديناميت برجر و الماشروم برجر شريحتين لحم أو الكلاسيك برضو أخذوه شريحتين لحم بيصير ألذ
التقرير الكامل عن مطعم وايت هاوس برجر
مطعم برجريناو في الاحساء من اجمل المطاعم التي تقدم البرجر اكل رائع وخدمة سريعه وفي خصوصية حبيت ومكان مريح يقدم برجر بجميع الاصناف والانواع فرصة رائعة لا تعوض
تقرير متابع
البرجر اللي طلبته لحم واضحه البهارات في اللحمه وممكن اصحاب المعده الحساسه ما يعجبهم هالشي ، لذيذ وحلو بس ما يشبع وممكن اجيه مره ثانيه لو كنت مسيره على المنطقه لكن ما اتعنى ، فيه قسم للعائلات في الدور العلوي
التقرير الكامل عن مطعم برجريناو
مطعم برجر سيرك الاحساء مكان مرتب و نظيف و ديكوره مميز و خيارات البرغر متنوعة باسعار متوسطة. الجلسة واسعة و مرتبة بشكل ممتاز لكنها فقط قسم عزاب. تعامل العاملين رحب و ودود و الخدمة سريعة. طعم البرغر طازج و لذيذ خصوصا مع الصوص. المكان يشتهر بالداينمت شرمب بعد الاسعار تعتبر متوسطة بالنسبة للخيارات المشابهة
تقرير متابع
مكان جيد بعد التحديث الي صار وجلسه مريحه البرجر حلو وجيد لاكن لو ترجعون الخس الامريكي وتقللون الصوص راح تصير مثل قبل افضل حالياً الصوص صاير مش ثقيل ف مايمديك تمسك البرجر الا كله طاح تحت ف الورق من ناحية الكعك خفيف ومش ثقيله كان طلبي برجر لحم سيركس
التقرير الكامل عن مطعم برجر سيرك
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
