إذا تبحث عن افضل كافيهات الخفجي فهنا جمعنا لك أفضل خياراتنا اللي ننصح بها زوار موقعنا الكرام، الكافيهات في القائمة مجربة، ولكم اراء الزوار عنها
الكافيه ممتاز جدا كموقع والجلسه الخارجيه فيه شرحه جدا والمواقع ممتازه اذا كنت من محبين الجلسات الخارجيه ولكن لايوجد فيه خيارات كثيرة من الحلى والقهوه و الكريب والاسعار جيده والعمال عندهم مشكله اتمنى من صاحب الكوفي حلها العمال لايعرفون مكونات مايقدمونه اكثر من مره ايألهم عن نوعية المشروب وماهي المكونات ولا اجد الاجابه الصحيحه اتمنى لهم ولنا التوفيق والبركه بالرزق
تقرير متابع :
موقعهم بعيد عن الإزعاج وهذا شي طيب والجلسات الداخليه و الخارجيه جميله والإضاءات إيضاً حلوه والمشروبات الساخنه والبارده والحلا أكثر من رائعه أتمنى لهم الأستمرار والعطاء على ماهم عليه من حيث الخدمات المقدمه من العاملين وبشاشة محياهم تعطي الزبون راحه وسعة صدر للطلب والأستمتاع بالمشروبات والحلا سواء داخل المحل أو تأخذه معك سفري وكذلك عندهم فطور من الساعه ٧ صباحاً الى ١٢ الظهر والمحل يقفل بالليل الساعه ٣ الفجر وهذي ميزه طيبه فالهم التوفيق وأسعدني زيارة محلكم إيفل كافيه.
التقرير الكامل لإيفل كافيه الخفجي
مقهى يقدم المشروبات بانواعها كما يقدم وجبة الافطار المتنوعة مثل وجبة الافطار العربي و وجبة الافطار الاوربي ومجموعة اخرى من الاختيارات المتنوعة للفطور يفتح الساعة 8 صباحاً اشكر الموظفين على حسن الاستقبال والمرونة في تعديل الطلبات المكان ممتاز ونظيف كمية الافطار قليلة الى حد ما اما الطعم لذيذ والتقديم جميل والموظفين خلوقين انوي تكرار الزيارة بمشيئة الله تعالى
تقرير متابع :
ثلاث نجوم بسبب ذبانه كانت تحوم علي وانا اتقهوى وماخذيت راحتي غير كذا كل شي حلو والجلسات بعد التصميم الجديد مره حلوه ومريحه …القهوه العربيه حلوه بس مافيها زنجبيل والحلى عندهم اصناف كثيره بس حلى ستيك الفراوله وصلتني الفراوله حاره تمنيت تكون مثلجه و الحلى الثاني يجننننن بس نسيت اسمه.. “وبس ولله”
التقرير الكامل لقراف كافيه الخفجي
من أجمل الكوفيهات بالخفجي” المكان جلساته رايقة للي يحبـون التصوير ، قهوتهم لذيذة لآزم تجربونها لأن ماراح تندمون أبدًا و الخدمة عندهم ممتازة ولطيفين بالتعامل ، أنصحكم تروحون له
تقرير متابع :
ديكورات خراااافيه (أفضل ديكورات شفتها بالخفجي حتى الآن)
تصميم حلو، حتى دورات المياه اكرمتو مهتمين بتصميمها ونظاااافتها.
تعامل لطييييف.
خدمات حلوه .. لفت انتباهي جداً ان مافيه موسيقى صاخبه زي غيره من الأماكن وزيادة على كذا حاطين سجادات صلاة للي يدركه الوقت ومايلحق يطلع يصلي.
مكان النساء فوق يفتح النفس
والجلسات الخارجية حلوه
جربت قهوة كولومبيه كانت عاديه
بس v60 الاثيوبيه كانت لذييييذة
وسولتد كاراميل بارد (طلبته حلى أقل) برضو كان لذيذ وطعمه مميز
و كوكيز الشوكولاة والمارشميلو لذذذذذذييييييييذ.
و طلبت للي معي سبانيش لاتيه وتقول انه حلو وحالي.
التقرير الكامل لمشاعر كافيه الخفجي
كوفي مميز ورائع في محافظة الخفجي يقدم المشروبات الساخنة والباردة والمميز عندهم الحلويات يقومون بصناعتها عندهم ويوجد لديهم قائمة فطور مميزة ولذيذة ديكور الكوفي جدا مميز وهادي فيه قسم للعائلات وكذلك للافراد انصح بزيارة المحل اسعارهم في متناول الجميع
تقرير متابع :
تجربتي لهم كانت حلووووه ومميزه لأول مره واتمنى يستمرون بنفس المستوى والجودة مشروباتنا كانت مشكله كورتادو / لاتيه / والحلا كان كلير والثاني صورته كلهم لذيييييييذه مررره احب المقاهي الي تهتم بالتفاصيل من اختيار الالوان ولشكال الاكياس والعلب اهنيكم على جودة المنتجات وبالتوفيق دوووم
كوفي رايق وهادئ..احب عندهم تنوع ب الحلا والموالح ساندوتشات التوست متنوعة
التقرير الكامل لهش كافيه الخفجي
يقدم الطعام الايطالي والمكسيكي والامريكي، وانواع من الحلى والقهوة الساخنة والباردة. اسئل عن خدمة اعياد الميلاد والحفلات. المكان راقي والقائمين بالمطعم شباب سعوديون اتمنى لهم التوفيق وطاقم العمل يقدم خدمة رائعه،
تقرير متابع :
ما شاء الله رائع…جربت الاكل عندهم مره لذيذ ونظيف … وايضا الكوفي والحلا لذيذ.. المنيو منوع نوعا ما…… خدمتهم سريعه…. حبيت ان الجراسين كلهم لابسين قفازات لكن ملاحظتي على الجرسون لما يجيب الصحون والكاسات مايوزعهم يتركهم للزبون هو يوزع… بشكل عام ممتاز وانصح بزيارته
التقرير الكامل لكافيه 360° الخفجي
إطلالة المقهى جميله جداً قسم العوائل في الدور الثاني يطل ع البحر منظر جميل والتكييف في المكان جيد والمكان جميل (لاتوجد خصوصيه للي يفضلها) تحت شباب وفوق عوائل..
تقرير متابع :
التقرير الكامل لفاموس كوفي الخفجي
ممتاز جداً المحل الوحيد في الخفجي متوفر لديه دونات مشاءالله تبارك الرحمن قمه في التعامل وأكرم الضيف رغم صغر المحل الا انه راحه بال وديكورات مميزة المكان يستحق الزياره جميع اصناف القهوة ممتازة والخدمه سريعه والشباب قمه الاحترام صراحة من اجمل المقاهي في الخفجي لذة القهوة مع تعامل العاملين هنا وهدوء المكان يجعل تعيش مع القهوة وقت ممتع خدومين جداً و ودودين
تقرير متابع :
من الكافيهات المميزه بالخفجي، جلساتهم مريحه والمكان والإضاءه هادئه، قهوتهم مضبوطه جربت سبانش لاتيه وحلاهم لذيذ جربت كيكة الليمون وكيكة التمر وكيكة الزعفران وحلا مارڤل ..عندهم جلسات خارجيه وجلسات عوائل وأفراد خدمتهم سريعه القهوة عندهم جيده والدونات ، لكن يعيبه صغر المكان وعدم وجود مكان للجلوس
التقرير الكامل لدونز كافيه الخفجي
من الكافيهات المميزه بالخفجي، جلساتهم مريحه والمكان والإضاءه هادئه، قهوتهم مضبوطه جربت سبانش لاتيه وحلاهم لذيذ جربت كيكة الليمون وكيكة التمر وكيكة الزعفران وحلا مارڤل ..عندهم جلسات خارجيه وجلسات عوائل وأفراد خدمتهم سريعه
تقرير متابع :
المكان يقدم قهوة مميزة وطعمها يستحق ان يقال عنها مختصة الاسعار تعتبر اعلى من المتوقع الطاقم ودودين ومرنين (الرشيدي) الاثاث جيد والانارة هادية التكييف جيد تباعد الجلسات جدا معقولة والكراسي مريحة ويعطي نوع من الخصوصية الديكور متواضع واتوقع اكبر عيب وجدته عدم وجود دورة مياه وهذي تعتبر سقطة قوية اتمنى يتداركونها
التقرير الكامل لمارفل كافي الخفجي
كافيه ممتاز جدا وقهوتهم ممتازه جدا العصيرات نكهات مميزه ولذيذه وخدمه سريعه، كافية متكامل الخدمة والرقي والموقع كافية متكامل الخدمة والرقي والموقع يستحق التجربه
تقرير متابع :
التقرير الكامل لكافيه نقطة الوصول الخفجي
تقرير متابع :
التقرير الكامل لامار كافيه الخفجي
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
