مطعم شاورما عايض المدينة المنورة بإختصار شاورما لذيذه وسريعة التحضير .. ما تتاخر ماشاء الله سريعين ،، الله يوفقهم يستحق التجربة ..
الاسم:مطعم شاورما عايض المدينة المنورة
التصنيف : عائلات – افراد
النوع : مطعم شاورما
الأسعار:متوسطة
الأطفال:مناسب
الموسيقى: لا يوجد
مواعيد العمل: من، ٤:٠٠م–٥:٠٠ص
الموقع الإلكتروني للمطعم: للدخول للموقع الإلكتروني للمطعم اضغط هنا
الموقع على خرائط جوجل: للوصول للمطعم عبر خرائط جوجل اضغط هنا
عنوان مطعم شاورما عايض المدينة المنورة
طريق الأمير عبد المجيد، الجمعة، المدينة المنورة
أفضل اطباق المطعم
-الشاورما المتوفرة عندهم فقط دجاج لذيذة .
-والحشوة كميتها راهية ومو ناشفة .
– الحشوة طرية وفيها صوص الصحينة .
-الكاتشب والشطة تقدروا تخلوها خارجية .
-الخبز هم يخبزوه لذيذ فيه نكهة وطعم لذيييذ وريحته حلوه
منيو مطعم شاورما عايض
تقارير المتابعين للمطعم:
التقرير الأول:
شاورما لذيذة جدا جدا ميزتها انه الخبز خاص فيهم و ينخبز في نفس المطعم تحس بالفعل انه الخبز طازج و ملمسه طري جدا و لسة جديد توه خرج من الفرن حجمه قريب من خبز الشاورما اللبناني الصغير معاه بطاطس و سلطة و صوص طحينة الشاورما لذيذة و ما فيها أي طعم زفر فعلا الذ شاورما اكلتها من فترة طويلة عندهم عصير رمان طازج ممتاز جدا و العلبة كبيرة ب ٨ ريال اشوف بعض الاخوان متذمرين من الاسعار شوية بحكم انه قبل فترة قريبة كان ب ٥ ريال السندوتش و بعدين رفع ل ٦ ريال و الحين ب ٨ ريال بس بالمقارنة ب اسعار جدة و الجودة الي يقدمها اشوف انه يستاهل السعر
التقرير الثاني:
أفضل شاورما دجاج ممكن تجربها ، و عصير الرمان ممتاز صراحة .. مطعم يستاهل ٥ نجوم
صراحه انا من خارج المنطقه لكن شاورما لذيذه كليت وحده عندهم والثانيه بمكه ومازالت لذيذه شغل طيب ونظيف فعلا ياحظكم يا اهل المدينه
التقرير الثالث:
ياخي الشاورما كويسه ، الجوده طعمه ، الشغل مزبوط ، ليه تخلي الناس تستنا الين الشارع ! ليه ماتحطو رقم جوال والواحد يطلب بدال مايستنا كدا نصو فالشارع عادي يسير فيه شي ؟ مدام الواحد اتعنا وحط موقعه حط رقمك سهل عالناس ليه تعمل زحمه عندك ؟ شكرا ، الزبده حطو رقم جوال عشان ماتصعبها على للناس
التقرير الرابع:
شاورما لذيذه بالخبز العربي وصوص الطحينه مخليها مميزه جدا ولكن السعر مرتفع ٨ ريل ياليت يراجعون الاسعار
مطعم جيته بتوصية من الأهل وأنه شاورما روعة..
وفعلاً يستاهل التوصية
شاورما مع خبز جديد علي جداً لذيذ
ويعجبني التخصص ما عنده إلا شاورما نوع واحد تأخذه حار أو بارد، أيضا بطاطس حار أو بارد وعصير رمان.
للأمانة كان جداً طعمه لذيذ ومميز ولا تمل منه.
أنصح بتجربته
التقرير الخامس:
صراحه الذ شاورما جربتها بالمدينه مافيه زيها ابد ماشاء الله شي لذيذ صراحه والخبز حقهم هم الي يسوونه داخل المحل الخبز التركي مع الشاورما والطحينه شي خورافي صراحه ولذيذه. تمنيت عندهم شاورما لحم بس للأسف ما يتوفر عندهم والعمال سريعين مررره بالطلب ما راح تطول عندهم رغم الزحمه صراحه راقين بكل حاجه. الخبز حجم واحد والسعر تقريباً 7 ريال مره ممتاز سعرهم. وحجم الساندويش كبير صراحه
التقرير السادس:
اليوم تجربتي كانت لمطعم (شاورما عايض) في المدينة المنورة.
المطعم نظيف وتعامل الموظفين لطيف جداً
الشاورما حقتهم بـ ٩ ريال وحجمها كبير وخبزتهم لذيذة جداً والدجاج راااايقققق
ما جربت الحراق لكن خالي جربه ووقع في غرامه حرفياً.
يستحق ٥ نجوم
ما شاءالله اول مره اجرب الشاورما من عندهم على قد المدح اللي سمعته الا انه فعلا طلع طعم
تقييمي للشاورما والخبز و كمية الشاورما و سرعة استلام الطلب 9 من 10 لأن حسيت الطحينة كثيرة شويه و انا احب الصوص وسط مو كثير مره على الكمية ، وهذا مو عيب
بالعكس ممكن يكون ميزه والناس تحبها كثرة الصوص في الساندوتش
الله يوفقهم و ان شاءالله ارجع لهم مره و2 و 3
طعمه وتستاهل التجربة
التقرير السابع:
طعم الشاورما ممتاز العادي والحراق
سعره 8 ريال
بالنسبة لي أفضلها بدون بطاطس
الطحينة روعة
الخبز لذيذ وطازج من انتاجهم
سرعة في الخدمة
احياناً تكون كمية الدجاج قليلة ضروري اصحاب المحل ينتبهوا لهذه النقطة ويوزعون الدجاج زين في السندوتش
يخدموك وانت في سيارتك بدون ماتنزل ينتبهولك ويجوك على طول شي رائع
لايوجد أكل محلي اشتري وأمشي
