مطعم رانديز دونتس جدة، جميل جدا انه فتح هنا في جدة اعشق الدونات حقتهم استقبال جميل وخدمة رائعة جرب الدونات ومش راح تندم اتصل قبل ما تجي لانه في بعض الاحيان يقلك خلص المخزون من الدونات يعني خلصت الكمية لا يفوتكم
الأسم: مطعم رانديز دونتس
التصنيف:عوائل – أفراد
النوع:مطعم
الاسعار:متوسطة
الاطفال:مسموح
بارتشن: لا يوجد
الموسيقى: لا يوجد
أوقات العمل: 7 am–2 am
خرائط جوجل: للدخول الى المطعم عبر خرائط جوجل اضغط هنا
بالنسبة للمكان هوا فرنشايز بريطاني معروف اول حاجة الستاف مرا لطيفين ويعرضوا مساعداتهم عليك ويعرفوك عالمكان وانواع الدونات في احجام الدونات الصغير مرا ( ميني ) والحجم العادي والحجم اللي مرا كبير الديكور لطيف وفيه جلسات للي حابين يجلسوا لمن رحت كان في عرض حلو انه تاخدوا ٦ والسابعة مجانا بسعر ٦٠ ريال أو ٤٨ ريال( حسب سعر الدونات فيه الحبة ب ٨ ريال او ١٠ ريال ) اكتر شي عجبني الشوكلاتة بالزعتر تفوووز العجينة هشة ولذيذة وحجمها يعتبر مناسب كان فيه نكهتين نفسي كمان اجربهم بس كانوا مخلصين ( ريد فلفت وحلاوة بقرة ) ان شاءالله حزورهم مرا تانية عشان اجربهم اكيد
منيو مطعم رانديز دونتس
امس جربت من راندز دونتس عندهم انواع كثيرة من الدونتس وكمانا قهوتهم المختصة مرا لذيذ والكولد برو لذيذ عندهم كمانا اخذت دونت حلاوة بقرة كبير وسعرها مره حلو حول 17 ريال وتكفي شخصين صراحه واخذت امريكانو حار مرا حار اول مرا اطلب مشروب حار ويكون ساخن زي كدا ودا الشي مرا احبه بالمشروبات الحارة سعر الامريكانو كان بـ 16 ريال كنت في فرع الشاطئ جنب سوق الشاطئ بالتمام اعطيهم 10/10
اراء المتابعين
التقرير الأول
المطعم مرتب و نظيف متبعين الإجراءات الاحترازيه الديكور مريح و المكان مفتوح ريحة المخبوزات تفتح النفس و الخدمه ممتازه الموظف اعطاني فكره عن كل النكهات الموجوده و الاسعار بالنسبه للدونت تقيمي له ٤.٥ من ٥ و يتميز عن اي منافس في السوق بالعجينه الاصليه و النكهات يستحق التجربه انصح فيه رانديز دونت من ١٩٦٢ موجود في امريكا
التقرير الثاني
رانديز دونتس . من امريكا جاء بخاطري اجربه من اول مافتح اخيراً جربته الدونات عندهم لذيذه جربت نوتيلا والزعتر والسُكر مره لذيذ وفرش ومافي زيت المكان كبير واسع وحلو الالوان والديكور والكابتشينو مزبوط والخدمة سريعه ماشاءالله برافو على الموظفين
التقرير الثالث
اول فرع في جدة جاي من امريكا الفرع كيوت ديكوراتهم وجلساتهم دورين 10/10 موظفين ودودين ويساعدوا في الاختيار 10/10 تشكيله كبيره من الدونات صورتها لكم عندهم اكبر دونات تتخيلوها الطلبات: دونات كلاسيك 8/10 دونات نوتيلا 10/10 دونات بينت بيتر ( ريسيز) 10/10
التقرير الرابع
الكابتشينو لذيذ الدونات كمان جربت الي بالنوتيلا رهيبه مره الجلسات مريحه الاغاني ذووووق الي يحط اغاني ذوقو بطل صراحه اهنيه المكان مايتفوت والحلو مفتوح على طول ٢٤ ساعه انا جيتهم الساعه ١ بالليل الشباب الي موجودين انصح صاحب المحل مايفرط فيهم جد روحهم حلوه واسلوبهم وكل شيء معطين المكان ايجابيه اكثر شيء ماشاءالله الله يسعدهم
التقرير الخامس
الطعم اصناف ممتاز واصناف جيد جدا الجودة ممتاز السعر اعتقد معقول بالنسبة للحجم، الخدمة ممتازة، الجلسات جيدة جدا، الدونات بالزبدة ممتازة ومقرمشة، دونات القرفه عادية والقرفه قليلة جدا، دونات التفاح بالقرفه رهيبة (بير كلاو) وانصح بتجربتها، بمشيئة الله لي عودة لتجربة أصناف آخرى
التقرير السادس
رانديز دوناتس من لوس انجيلوس لجده! اخيرا مكان دونات اخر بدل نفس الاماكن المعروفه والممله في كل مكان . رانديز لديه تشكيله جميله من الاحجام والاذواق.. الخدمه كانت مرحبه وممتع.. القهوه عاديه جدا… اخيرا رانديز جلب مجسم الدونات العملاقه فهو البراند حقهم!
التقرير السابع
كانت مكافأة لطيفة لنفسي بعد الدوام اني اخد من هنا دونتس.. • اول شي اكلته النوتيلا بالزعتر كانت رهيبة (حلو ، مالح و شوية حامض)اعتقد إنه يستحق التجربة ! • البيير كلاو الي بالتفاح كنت رافعة توقعاتي فيه بس حجمه مرة كبير بالتالي العجينة دسمة ومليانة زيت والسكر متكتل على اطرافها ، صوص التفاح مو مندمج مع النكهات (كنت افضل نكهة القرفة والسكر الأسمر تكون واضحة مع التفاح) • البنك سبرنكلز اتخيل الأطفال ينبسطو فيه طعمه كنه حلاوة انا ما عجبني • الحلاوة بقرة بالرغم من انها حالية بس انبسطت وانا اكلها • الجليزد اتوقعت اني ححبها بس كانت عادية • الميبل مررة خاب ظني فيها لأنها نكهتي المفضلة في الدونتس! بشكل عام لاحظت اني كل ما اكلت دونت كل ما قلت لزازتها لانه العجينة دسمة جداً و الـafter taste غريب و مهي خفيفة + الطبقة الي فوق الدونت -زي الميبل- جافة و تتكسر بسهولة وتطيح بينما انا متوقعة انها تكون شوية طرية وتدوب وانا اكل عشان احس اني في الجنة (بس محصلش) بس شكراً للإنسانة الي استقبلتني بابتسامة لطيفة وحسستني اني صاحبتها و كانت شوية وتقنعني اشتري العرض وادفع اكتر كانت فنانة اسلوووببب
