مطعم بيت ورد الرياض مطعم حلو الاكل لذيذ الجلسات رائعه جداً داخليه وخارجيه مفتوحه عندهم شيش سمك بالورد لذيذ جداً ( فيليه سمك + رز ) 😋
طريق الأمير تركي بن عبدالعزيز الأول، جامعة الملك سعود، الرياض.
+966 55 908 3351
صراحه المطعم جداً اعجبني استغربت كثير من الردود
وترددت اني اجربه بسبة اختلاف الاذواق الي بالتعليقات
لكن توكلت على الله وجربته صراحه مره ممتاز مره ويعتبر من المطاعم اللبنانيه و الارمينيه الممتازه بالرياض
جربت عندهم
الحمص ١٠/١٠
متبل بيت ورد ١٠/١٠
بطاطا حره ١٠/٧ وعتبي فقط على التقطيع كان عشوائي للبطاطس لو انه مرتب كان بيستحق ١٠/١٠
الفتوش ١٠/٩ ودكم بس يكثرون الخيار والطماطم والرجله
بس الصوص ممتاز بالنسبه لي موزون صح
مشويات مشكله ١٠/١٠ مع اني مو من عشاق المشويات
لكن مشوياتهم طريه ولذيذه ومافيها صنقه”زنخه” طعم مرره مره لذيذه
وبالاخير الاختلاف بالاذواق وارد لكن هذي تجربتي واشوفها ناجحه جدا واكرر الزياره كمان
بالنسبه للموسيقى موجوده لكن هاديه مو مزعجه
الاكل يجي بسرعه والطاقم ودود والجلسات رايقه والمكان انيق جدا اشكر كل القائمين عليه
وكل الشكر للشيف
مطعم حلو أنيق الاكل لذيذ الطاقم محترم الجلسات روعه الاسعار شوي غالية طلبي في الصور + ٢بيبسي ١٧٦ ريال ملاحظة :الموسيقى عاليه شوي ومزعج نوعا ما
طلبنا سلطة فتوش وعرايس دجاج وحمص ومشاوي مشكلة كلها كانت لذيذة وطعمه . شدني الاوصال لحم في بعض المطاعم تحصلها ناشفة وقاسية .. هنا طرية ورطبة درجة نجاحها وطبخها ممتازة .. المطعم كديكور حلو ومميز والخدمة ممتازة وسريعة
مشالله من احسن الاماكن اللي زرتها الموظفين زي خليه النحل منظفين مرتبين خدومين المكان ينطق فخامه وترتيب
أما الاكل فصحيح شوي مرتفعه الاسعار لكن والله من الذ المطاعم اللبنانيه اللي ممكن تذوقها بالرياض ان ماكانت الافضل اطلاقا
طلبي كان شيش طاووق وريش وصفيحه بعلبكيه وحمص بيت ورد وفتوش وشوربه وواحد ببيسي
بصراحه ولاشي اقدر اقول مو حلو كل شي لذيذ اللحم ترف الدجاج مستوي ولذيذ السلطه والشوربه موزونه
والا حمصهم شي مدري كيف اوصفه لذاذة …..
الجو العام للمطعم رايق
يوجد موسيقا / ما شفت بارتشن
الموظفين حولك و حواليك ما يبعدون عنك اذا بغيتي شي تطلبينهم بس هالشي ضايقنا اكثر من انه ريحنا
عندهم الترحيب و المعايدة لاحظت الموظفين كلهم يرحبون و يعايدون
الموظفة الي عند الباب ما عليها رايقة
بالنسبة لي بابهم ما قدرت افتحه من ثقله فتح لي الموظف 😅
جلسنا ع طاولة هم اختاروها لنا
ما طلبت تغيير
الطلب بالبداية جابوا متبل و خبز ع بالي لنا🤣
بس اشوى اني جلست ادور الموظف و جا سالته قلت ضيافة قال تبينها قلت انا ما طلبتها بس ع بالي ضيافة
قال لو تبينها نخليها قلت لا ..
بالغلط جابوها لنا
المهم تاخروا بالطلب
و جابوا كل الطلبات الا الكنافة
ما جابوها الا يوم ذكرناهم
طلبت تبولة حامضة جدا
و لاتيه جابوه من الة كوفي العادية 🙂
قهوة امريكية
و كنافة الكنافة حليوة
زيارة وحدة كافية جدا 🤚🏻
و ما اعتقد ارجع له مرا ثانية
للاضافه السريعة : اضغط هنا
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
