مطعم بافلو وينجز آند رينجز مكة، المكان جداً مناسب للعوائل والافراد واسع ومريح وفيه جلسات خاصة مغلقة لمن اراد وجد فيه شاشات بزيادة لمن اراد متابعة المباريات الخدمة ممتازة وعلى قدر كبير من الاحترافية
فطور رمضان طلبنا ٤ عروض افطار رمضان ١- كلاسيك برجر يجي معاه بطاطس وسلطة ملفوف ٢- ٣ ميني تشيز برجر سلايدرز يجي معاه بطاطس وسلطة ملفوف ٣- ٨ قطع بونليس شيكن مع بطاطس و صوص طلبنا منو ٢ واحد بصوص هاني ماسترد والتاني بصوص سويت شيلي ويجي معاه صوص الرانش العرض يجي معاه: شوربه- ٣ سمبوسة منوعه ( مفروم وجبن) وصوص -تمر – مويا- مشروب فيمتو توت بالاضافه طلبنا من خارج العرض – ميكس ناتشوز بس طلبنا التوبينق يكون كلووو خارجي – بوب كورن شيكن الجلسات حلوة ومرتبه وف العاب منوعه للاطفال فورفيرة وهوكي وزحليقه ف جلسات خارجية ونوعين من الجلسات الداخليه في المكشوفه وف نظام الغرف اللي ببارتيشن الطلبات وصلتنا قبل وقت الاذان ب ٥ دقايق افضل شي كانت الخدمة جدا ممتازة وافضل من فرع جدة ف السرعه والتواجد الدايم
منيو مطعم بافلو وينجز آند رينجز
مطعم رهيب ومنيو متنوع وغالب الاوقات لديهم عروض مميزة انصح بزيارتهم سريع في تقديم الخدمة الجلسات متنوعة يسمح بدخول الاطفال ولديهم قسم خاص بالعوائل من المميزات لديهم العاب مثل الفرفيره وبعض العاب الشاشة الطابع امريكي الموظفين يقدمون خدمة مميزة الوجبات مشبعه الديكور مناسب لتوجه المطعم من انسب الخيارات للمجموعات الكبيرة و جمعات الطعام
اراء المتابعين
التقرير الأول
تجربه حلوه وممتعه الاكل كان لذيذ والخدمه والتعامل ١٠/١٠ المكان جميل كله شاشات وجلساته حلوه وموفرين العاب للاطفال والعاب للكبار كمان يعني تتعشى وتتمشى سوا الروبيان كان خورافي عندهم.. والسلطه كمان لذيذه.. والكساديا والتاكو وكل ششي لذيذ الحمدلله ماعليه ملاحظات صراحه كمان اخلاق الموظفين هناك زي العسل الله يوفقهم
التقرير الثاني
بصراحة من أفضل المطاعم اللي حبيتها ، عندهم وسائل الترفيه سواء للكبار أو الأطفال في لعبة بلياردو وكورة وشاشات التلفاز كبيرة تنقل اغلب قنوات الرياضة ،، بالنسبه للـ الأطفال في ألعاب للأطفال وبالونات واحياناً تلوين ورسم ،، إذا جلست عندهم ما تحسين بالوقت ،، والأجواء جميلة ،، طاقم العمل رائعين رغم الزحام الشديد إلى أنهم يحاولون في تلبية الطلبات، والأكل بشكل عام لذيذ وخصوصا أجنحة الدجاج والبرجر والمقبلات ، الأسعار تعتبر مرتفعه نوعا ما،، اكرر زيارتي لهم دائما
التقرير الثالث
من أفضل وافخم مطاعم مكة المكرمة جانب متاجر السعوديه الاكل لذيذ جدا شكرا للشيف وشكرا جزيلا للمدير استاذ عبادي واستاذ فراس واستاذ حمزة وعارف خدمة ممتازة ومكان هادي ونظيف وجميل وعندهم خصومات للصحة وسابك وغيره وسعر البرجر ٧ ريال فقط.. زوروهم
التقرير الرابع
كاساديا كلاسيكية 10/10 قارليك برجر دجاج 10/10 بس ناقصها خس صحن مقبلات 9/10 بسبب اللحم و الكريمه ماجازت لي ديب الارضي شوكي بالسبانخ 10/10 كميه الاكل كبيره مناسبه لاكثر من شخصين تعامل الكاشير راقي جدا وخصوصا فهد القرشي الخدمه والديكور فاخر و جديد اختيارهم للموسيقي مناسب لطابع المكان اكيد لي زياره ثانيه للمطعم و انصح فيه الأصدقاء
التقرير الخامس
.. *النظافة لديهم ممتازة وواضحة من اول دخولنا الى المطعم .. *موفرين زاوية فيها العاب للصغار والكبار .. *لديهم زاوية خاصة بالمشروبات الساخنة مثال القهوة ومشتقاتها .. *بالنسبة لـ اكلهم البرجر سواءً دجاج او لحم لذيذ حتى طبق المقبلات لديهم مشبع وخطير انصح به بقوة
التقرير السادس
شكرا بافلو .. متميزين فعلا في خدمة العملاء .. المطعم جميل والاكل روعة .. تفاصيل المحل جميل .. وتكمل تميز المطعم باخلاق الموظفين وفي تعاملهم مع العملاء لذا اشكر الاستاذ غالية على لباقتها وتعاملها الراقي .. بالاضافة الى بشاشة الموظفين
التقرير السابع
المطعم غربي عندهم اكثر من ١٢ صوص البرجر خطير لذيذ جدا المكان مفتوح ومرحب للاطفال يوجد العاب للاطفال وعندهم عرض الاطفال مجانا مع كل طلب رئيسي للاهل في وقت الغداء يوجد فرفيره واير هوكي و العاب خفيفة يعرض جميع المباريات المكان ديكور امريكي والشاشات داير مدار علي المطعم مقاسات مختلفه السلطه المكس ممتازه الونج اجنحه الدجاج جميله متوسطه الصوصات تختلف فيها درجات حراره الفلفل من ١٠الخدمه جيده الي جيد جدا الجلسات مفتوحه لكن يوجد خصوصيه لكل طاوله انصح بالزياره
