مطعم يرمين لاونج الرياض مطعم أنيق جدا وجميل… سواء في النهار او في الليل… الأسعار اكثر من متوسط… الخدمة ممتازة والاكل لذيذ..يوجد بارتشن يوضع حول الطاولات لمزيد من الخصوصية… يوجد مكان للعوائل إضافة إلى مكان للعزاب… المميز فيه أيضا وجود حضانة للأطفال ويمكن للوالدين متابعة الأطفال بشاشات داخل الطعم 💜♥️
طريق ابن تيمية، الشفا، الرياض.
+966 59 144 3391
تعشيت عندهم سلطة كينوا وفتة باذنجان وبرياني دجاج كان جدا لذيذ الطبخ جودته عاليه نظيف وطعمه رائع جدا والخدمه ممتازه والمكان نظيف ومرتب
وبعد العشا حبيت اجرب قهوتهم كثافتها و نوع البن وطعمه رائع والبريستا شاطر بأعتداد القهوه والرسم بشكل ممتاز (فالعين تتقهوى قبل اللسان )
وشغل القهوه كان جدا رائع استمتعت بالعشاء والقهوه عندهم وهذه صوره للقهوه .. اقترح اضافة بعض الموسيقى الخفيفه لتعطي جو لطيف وجميل مع جمال المكان
كانت تجربة جداً جميلة الديكور جميل جداً و الطاقم جداً لطيفين و سريعه الخدمة
المنيو حسيته محدود نوعاً ما بالنسبه للاطباق الرئيسية الاكل جداً لذيذ طلباتي كانت تبولة بالنسبه للتبوله كانت نوع واحد تبولة بالكينوا لكن
طلبت منهم يشيلون الكينوا و كانو جداً متعاونين بطاطا حارة جداً لذيذه و الكمية راهيه ورق عنب جداً لذيذ مشكل مشاوي كان عباره عن ٤ اسياخ
بالنسبه لي اشوفه يكفي شخصين اذا اكثر من شخصين ما يكفي حبيت فكرة انه يتقدم معه بطاطا مقليه على جنب المشروبات الغازيه
سعرها جداً مناسب عكس بعض المحلات رافعين اسعار المشروبات الغازيه بالنسبه لمطعم يرمين المشروبات الغازيه سعرها جداً مناسب ٥﷼
المكان جداً جميل التصميم راقي ومهتمين بادق التفاصيل من دخلت المطعم وريحه عود منتشره بالمكان وصراحه اول مره ادخل مطعم ماتصير ريحته اكل
وتنسيق المكان رائع مره وطاقم العمل فوق الوصف يقدمون خدماتهم بابتسامه ومن اول ماتطلبهم يجونك ودايم حولك اذا احتجتي حاجه ، ودوره المياه الله يكرمكم نظظظيفه جداً بعد كل استخدام تنظفها العامله 👏🏻👏🏻♥️
بالنسبة للاكل طلبنا رز برياني طعمه لذيذذ ويكفي ٤ اشخاص تقريباً ، والبطاطس الحره برضو لذيذه، والمتبل ضررووري تجربونه مع خبزهم لذذذيذ مره ، وطلبنا لفائف
دجاج لكن المضيف ماسمعنا كويس وجاب لفائف باذنجان وكلمناه واعتذر وحطها على حساب المحل بس طعمها للامانه مو مره لذيذ احس مليانه زيت 💓
بالنهاية قدموا لنا مناديل معطره ومويه ورد وقدموا الفاتوره بشكل جميل احب هالتفاصيل 😂💜💜
اقترح عليهم يزيدون بالمنيو اصناف اكثر للاكل و للحلا وياليت يمنعون الاطفال من دخول المطعم ويخلونهم بغرفه الالعاب بس🤭💓
المطعم جمييييل جميييل جمييييل ورايق بالتنسيق تمنيت تكون زيارتي وقت صباح احس الاجواء بتكون خرافيه 🥺
السبانش لاتيه موزووون بالتكه فعلاً الذ سبانش لاتيه ذقته ممتاز جداً ريحتة المكان والتنسيق الاجواء تاخذ لجو آخر فعلاً الاسعار متوسطه
والخدمه سريعه والاهم الطاقم بشوش ولطييف وأيضاً في نقطه جداً مهمه موفرين غرفة لعب للأطفال
وكميرات مراقبه فيها المشاهده في الاستقبال في بارتشن لخصوصيه اكثر في تنوع جيد بالمنيو اهل الرياض وجنوب الرياض تحديداً ضروري تزورونه 👍🏼🤍🍃
للاضافه السريعة : اضغط هنا
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
