مطعم فاي بوتيك الرياض مطعم و Coffee جميل يقدم الأطباق الايطالية والامريكية فيه جلسات فخمة داخلية وخارجية الأسعار مرتفعة نوعاً ما والمنيو قليل ياليت يزيدون الأطباق عجبني الجمبري لكن حار 🌶 و المكرونة بالبينك صوس و الرزيتو متوسط الطعم وخدمتهم ممتازة والاستقبال ممتاز خصوصاً البنت السعودية. 👌😍
U walk, جامعة الملك سعود، الرياض 12373، المملكة العربية السعودية
+966 55 888 2846
تجربتي معاه كانت ممتازه جدا وحبيت المطعم وعادي اكرره •جربت عندهم سلطة البوراتا مررره لذيذه اقيمها ١٠/٩ •و السيزر سلط كمان لذيذذه جداً ١٠/١٠ •الريزتو مره يفوز لكن الكميه قليله جدا اقيمه ٨/١٠
عشان الكميه صراحه ولا يستاهل ١٠/١٠ • كاتا باتاتا عباراه عن بطاطس فوقه صوص وبصل مقلي لذيذ اقبمه ٧/١٠ •ريد شرمب الي معاي اعجبهم انا مابي اظلمه لاني ماحبه • فاي كيوبز لذيذ جداً ماتوقعت يعجبني الحقيقه ٩/١٠
• وجربت بيف برقر بالخبر الاسود ماعرف اسمه بس الذ برقر ذقته صدق مافيه اي نكهه سيئه مره جميل ١٠/١٠ • الموهيتو اعجب الي طلبوه جداً المطعم لذيذ وماعندهم زحمه والويترز قدامك والاكل مايطول يجي بسرعه
وويفضل تحجزون احسن عيبهم الوحيد الاطباق تعتبر فقيره بالاكل ومو على السعر اتمنى يصيرون كريمين شوي وكل التوفيق للجميع
الجو العام جميل ديكورات أنيقة والموسيقى اغاني فرنسية غير مزعجة .. حجزت عن طريق تطبيق my table موظفة الاستقبال كانت لبقة ودخلنا ع الوقت لكن الستاف داخل ما اعجبني استقبالهم نفسيات جداً ..
وجابوا لنا طلب غلط ومصرّين ان احنا طلبناه وجابوا الفاتورة بعد العشاء قبل اطلبها .. كنت ناوية احلّي بس بعد طريقتهم عافت نفسي الحلا ..
المنيو ايطالي ومحدود الاسعار فوق المتوسط الاكل في المجمل لذيذ طلبنا سلطة بوراتا ١٠/١٠ ارنشيني ٨/١٠ ريد شريمب ٨/١٠ ميكرو .. عبارة عن ٦ قطع ميني برجر ٩/١٠ ترفل بيتزا ٩/١٠ بيني ارابياتا لذذذيذة ١٠/١٠ موهيتو بيريز ١٠/١٠
للأفراد والعوائل ويوجد جلسات خارجية وموسيقى ولا يوجد بارتشن ومناسب لذوي الهمم ♿️✅ . . الطلبات : – فرنش فرايز ٢٧ ريال – مكروني بولز ٥٨ ريال –
سنقل كابنوس برجر ٥٨ ريال – موهيتو . . المطعم راقي والمكان جميل والخدمة جميلة والمنيو متنوع والتجربة تحمس لباقي الأطباق
المطعم شكله حلو فيه جلسات داخليه وخارجيه جميلة بالشتاء .. الخدمة بطيئه .. طلباتي كالتالي: بطاطس كاتا بتاتا اعطيه ٨/١٠ يجي بطاطس مع جبن و صوصات وبصل مكرما وبصل مقلي ومخلل
طلبت تكون الاضافات خارجيه وانا احط الكميه حسب رغبتنا بشكل عام اعجبنا طلبنا برقر تشكن فاي عبارة عن دجاج مقرمش مع جبن وصوصات لذييييذ جداً اعتبره الذ برقر دجاج اكلته صراحة جداااا
اعجبنا طبعا ١٠/١٠ الطلب الاخير للاسف كان فاشل جدا بيتزا ترافل الصراحة مايطلق عليها بيتزا ابداً اعتبرها فطيره ، عجينتها ماتعتبر بيتزا والترافل مو مضبوط
وسعرها غالي جدا بالنسبه لحجمها وطعمها وكل شي حجمها حجم فطاير تركيه وبرأيي لاتمت للبيتزا بصلة لاطعم ولاسعر ولا شي اعطيها ٢/١٠
للاضافه السريعة : اضغط هنا
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
