مطعم بيت الفروج مكة (الأسعار + المنيو + الموقع)

مطعم بيت الفروج مكة من اقدام محلات البروست في مكة ان ماكان الافضل.. بس ظهور مطاعم جديدة على الساحة فانخفضت مبيعاته قليلا.. لا يفوتكم المتبل والحمص نفس الطعم من زمان

المطعم من افضل 10 مطاعم بروستيد في مكة

• الأسم :مطعم بيت الفروج /house–of-the-chickens
• التصنيف : عائلات | افراد
•  النوع :مطعم فروج
•  الاسعار : متوسطة
•  الاطفال : مسموح
• الموسيقى : يوجد 
• ‏أوقات العمل :  ١:٠٠م–١٢:٠٠ص
  
• الموقع على خرائط جوجل من فضلك : أضغط هنا

عنوان مطعم بيت الفروج مكة

ذات الصواري، الراشدية، الشرايع / الشرائع، مكة

رقم مطعم بيت الفروج مكة

966125562456+

أفضل أطباق المطعم

١- طلب بروست 8 قطع (دحاجة كاملة)
متوسط السعر 25 ريال
تقييمه 10/8
الوصف: قطع دجاج صغيرة عليها بهارات واضح فيها نكهة بودرة الثوم و الدجاج نفسه فيه قرمشة خفيفة ممتعة ، وخاصة بما يكون حار فريش ، والبطاطس اللي معاه تتاكل وهي حارة مع الثوم حاف ، وهذي الحركة أعملها من طفولتي  والثوم نفسه نكهته قوية وفيه حموضة بسيطة وما فيها حرارة الثوم ، والخبز اللي يجي معاه خبز شامي خفيف شعوره مختلف مع البروست

تقارير المتابعين للمطعم:

التقرير الأول:

مع الطلب يفضل انك تاخذ صحن حمص ومستواه متوسط ومتبل كمان كلهم ممتعين ومتوافقين مع البروست والخبز الشامي وخاصة المتبل
.
وكمان كيس صغير فيه مخللات مشكلة عادية ، لكن هذي التركيبة اللي عاملينها هي طقوس الناس القدامى حقين جيل الطيبين على قولتهم
.
ولازم تاخذ بريالين ثوم كمان وتعيييش يا معلم
.
.
إيجابيات:
١- المحافظة على الجودة قدر الإمكان
.
سلبيات:
١- عدم الإنتشار
٢- عدم التطوير

التقرير الثاني:

هلا بالغاليييين حياكم الله
.
عنوانه: مكة ، المعابدة أو الخريق ، بجوار أمانة مكة وقصر الملك عبد العزيز التاريخي
.
آآآه يا حبيبتي الأزلية ومسقط رأسي مكة المكرمة
.
كنت أجمع من مصروفي المدرسي اللي كان 3 ريال  وأروح مع السواق وأحتفل بنفسي وأشتري بروست من بيت الفروج (من صُغري حق مطاعم)
.
عمره كثيييييير ماشاء الله وكان أحسن بروست “بلدي” في مكة ولا يزال ليومنا هذا
.
أكيد كثير من الناس راح يقارنوه مع البيك و أنا منهم ، ومبدئياً حجم قطع الدجاج أصغر من البيك ، لكنه يتميز بنكهة مختلفة وممتعة خاصة بمن تربى وكبر معاها