المطعم غني عن التعريف ،، الخدمه ممتازه والاستقبال بنات سعوديات تعاملهم راقي ،، يوجد موسيقى مزعجه نوعاً ما ،، طلباتنا كانت سلمون مشوي مع الخضار 10/10 والبرقر الكرسبي 9/10 والموهيتو باشن فروت روعه 10/10 ،، ولايقوتكم تشيز الكيك خيال ،،والاطباق الصراحه راهيه تكفي اكثر من شخص ،،، من المطاعم الجميله واكيد راح اكرر الزياره
منيو مطعم ذا تشيزكيك فاكتوري
من الذ المطاعم إلى زرتها بجده وأكرر الزيارة الف مره . رغم الزحمة والضوضاء الى بالمطعم بس طابع خاص فيهم وممتع . العاملين لطيفين وسريعة خدمتهم . طلبتنا كانت : استيك دايان خطير مرة ولذيذ ١٠/١٠ شريحة استيك مع صلصة فطر لذيذة مع بطاط مهروسة مع بصل مشوي ب ١٣٩ ريال . استيك ريب أي مشوي كمان شي عجيب الطعم ١٠/١٠ ب ١٦٢ ريال . سليدرز دلكس طلبنا للطفال واعجبهم مرة ١٠/١٠ ب ٧٥ ريال سفن اب ب ٢٤ ريال مبالغ جدًا بسعر. وعصير برتقال فرش ٢٧ ريال . اتمني يخفضوا من الاسعار المرتفعة ذي اكرر الزيارة باذن الله ودي أجرب المكرونة فيتوتشيني الفريدو يقولون لذيذه بس انا ما جربتها . صراحة مهما وصفت لذيذ وخطير . أرجو اني افدتكم . والله ولي التوفيق
اراء المتابعين
التقرير الاول
مبدئيا غني عن التعريف ، المكان كبير جدا ، وبه خصوصيه ممتازة ، الاجواء من أروع مايكون خاصة بوقت الغداء ، لا انصح بمواعيد العشاء . درجة تبريد المكان احترافيه، مضبوطة بالملي . الكميات كبيرة الطلب يكفي لشخصين . يوجد ريفل ع البيسي والليمونادا . الاكل لذيذ جدا ، اصناف كثيرة جدا ، جربنا من كل صنف شئ . مافي شئ مايسر الخاطر . الاسعار اشوفها معقولة بالمقارنة بنفس فئة المطاعم والخدمة المقدمة . الطلبات بالصور ، كلها لذيذة جدا وممتعة. انصح بالسلمون . كرات الجبن ، الفطر المحشي ، امريكانا برجر .. كيكة ليندا “تكفي شخصين او اكثر ” ، تشيز كيك اورجينال بالفراولة. باستا دجاج شيبوتلي عند الريفل تستطيع تجرب نكهة ببسي او ليمونادا مختلفة واذا لم يتم تقديم الضيافة خبز وزبدة اسأل عنها ، رائعة جدا جدا جدا .
التقرير الثاني
اولاً نبدأ بالديكور ليش لأنه ملفت للأنظار من جد شي راقي وجميل ومريح للعين ثانياً نجي للأطباق بصراحة اللي يفتح قائمة الطعام ويشوف الأسعار بيقول المطعم غالي وأسعاره مرتفعه لاكن اذا شاف الوجبات راح يتغير كلامة بسرعة ليش لأن الطبق الواحد كافي ووافي يمكن يكفي شخصين بالغين بالراحة من جد اكلهم يجي بكميات كبيرة ومشبعة وفي النهاية بالنسبة لي انصح فيه وبقوة خاصة اذا تنوعت الأطباق راح تكون مشاركة للجميع وراح تكون لذيذة وممتعه وفيه شي مهم الطاقم الموجود في المطعم من موظفين استقبال وكاشير ومقدمين الطعام كلهم راقين ومهذبين لدرجة انهم يخجلونك بالحفاوة وخاصة البنات السعوديات اشكرهم شكر خاص واتمنى لهم التوفيق … وبالعافية
التقرير الثالث
ثاني زياره للمكان المطعم اكثر من رائع ورغم الزحمة الا ان خدمتهم سريعه جدا، الاطباق كل واحد الذ من الثانيه بدون اي مجاملة، طبق الدجاج بالعسل من افضل الاطباق عندهم والطبق الثاني الي ابهرني الدجاج مع السباقيتي من الذ المكرونات الي ذقتها في حياتي، السلايدر تشكن لذيذ ويجي ٥ حبات وحبيت ان الصوصات والخضار برا تضيف على رغبتك، مو آخر زياره
التقرير الرابع
تشيز كيك فكتوريا من الذ المطاعم الي جربتها بجده وكررت الزيارة لها بالرياض اكثر من مره الخدمة أكثر من رائعة رغم الزحم الويترز لطيفين و خدمتهم سريعة المنيو متنوع ويحير والكميه راهية الخيارات تناسب جميع الأذواق يستحق التجربه الله يبارك لهم ويوفقهم
التقرير الخامس
للأبد أحب مطعم تشيز كيك فاكتوري الخدمة أكثر من رائعة وهي أحد أسباب حبي لهذا المطعم، الويترز خدمتهم من قلب، المنيو يحير كبير ومتنوع، يقدموا خبز مع زبدة ضيافة، الخبز لذيذ أطباقهم كبيرة مرة أنصح بالمشاركة. الطلبات: دجاج وربيان بانغ بانغ 10/8 ستيك دايان مع السلمون بالأعشاب 10/8 ساوثرن فرايد تشيكن سلايدرز للأطفال 10/8 بيتزا فلاتبريد للأطفال 10/8 تشيز كيك كي لايم 10/6 تشيز كيك قليل الدسم 10
التقرير السادس
تشيز كيك فاكتوري. ماله مثيل. وعلى الأغلب رح تحبه من اول زيارة. المنيو ضخم بمعنى الكلمة … فوق ال ٢٥٠ صحن يحضر طازج عند الطلب. المطعم ماخذ طابع امريكي فا كل شي عنده كبير. الديكور كبير، الجلسات كبيرة، الطلبات كبيرة، وحتى الحلى. اذا كنتم من محبي البرجر فا أوصيكم بالأمريكانا برجر. شي خيالي. واذا حبيته توفروا شوي في السعرات، عندهم البرجر مع الخس بدل الخبز
المنيو ضخم بمعنى الكلمة … فوق ال ٢٥٠ صحن يحضر طازج عند الطلب. المطعم ماخذ طابع امريكي فا كل شي عنده كبير. الديكور كبير، الجلسات كبيرة، الطلبات كبيرة، وحتى الحلى. اذا كنتم من محبي البرجر فا أوصيكم بالأمريكانا برجر. شي خيالي. واذا حبيته توفروا شوي في السعرات، عندهم البرجر مع الخس بدل الخبز. اما اذا كنتم من محبي الباستات، فا أوصيكم بباستا الدجاج مع الشيبولتي اللذيذة جدا جدا. واذا كنتم من محبي المأكولات البحرية، فا عليكم والسالمون المشوي الرائع مع البطاطس المخفوقة. ايضا عندهم الفيش اند تشيبس والربيان المقلي حكاية حكاية حكاية. شيء ياخذ العقل. اما السبب الرئيسي للذهاب للتيشز كيك فاكتوري هو التشيز كيك اكيد . تدرون ان كلها تجي مجمدة من امريكا؟ قمة في اللذاذة يا اخوان. اكاد اجزم من احلى التشيز كيك اللي اكلتها في حياتي. اوصيكم بتشيز كيك الليمون والتشيز كيك الأصلية مع الفراولة والصوص وعندهم فوق ال ٢٠ نوع من التشيز كيك لترضي اذواقكم. اتمنى لكم قضاء وقت عائلي جميل او مع الأصدقاء. دائما وابدا، لا تنسوا ذكر الله وحمده وشكره على واسع وعظيم فضله ونعمه. شكرا
التقرير السابع
المطعم جميل جدا بالطاقم كامل متميز الاستقبال المقدمين للاطباق اللي ياخذون الطلبات صراحتن يقيمون ١٠ من ١٠ فيما يخص طلبي للاكل : ١/ ستيك ديان صراحتن طعم جميل لحمه وفطر وبطاطس مهروسه (ماش) ٨ من ١٠ والسبب جانا الستيك بارد شوي لكن اخذوه وسخنوه ورجعوه لنا لكن طعمه لذيذ ٢/ ربيان مشوي مع الشعيرية باليمون والثوم ( ربيان سكامبي ) جميل جدا صراحتن ١٠ من١٠ ٣/ كرات الفطر طعمه لذيذ جداااااااا ١٠ من ١٠ ٤/ بيتزا المارغريتا لذيذة ٩ من ١٠ المشروبات كلن وذوقه عاد ٥/التشيز كيك لذيذذذذذذذذذذ بجميع انواعه لكن يستحق الزيارة تكرارا ومرار لان اطباقه كثيرة جدا
