مطعم تكساس رود هاوس سدرة مول مطعم يقدم أكلات الستيك والأضلاع من اللحم البقري الطري، كما يقدم أطباق جانبية وتشكيلة من الخبز الطازج. استوحيت فكرة المطعم من المطاعم العائلية التقليدية المتواجدة على الطرق الريفية في ولاية تكساس.
مطعم رائع وفيه تنوع مقبلات و ستيكات وغيرها. المكان موجود في منطقة سدرة قريب من غرناطة مول ووقت الويكند تكون مزدحمة المواقف ولكن يوجد مواقف زيادة عند الدوار. المكان واسع والجلسات واسعة ويعطونك خبز لذيذ عند الجلوس طلبت شوربة التورتيا والدجاج وكانت لذيذة. كذلك اطلع اللحم الطرية مع البطاطس المهروسة مع الرز المتبل وكانت جدا طرية ولذيذة وتستحق التجربة. الأسعار في المقبول من مطعم عالمي يقدم وجبات عالمية وعندهم خدمة العملاء جدا احترافيه
منيو مطعم تكساس رود هاوس
اليوم غدانا كان في مطعم تكساس رود هاوس اول طلب ريب اي مع طبقين جانبين سلطة السيزر + الماش بتيتو ٩/١٠ لذيييييييييييييييذ الطبق الثاني اخذناه من عرض الغداء سعره ٦٩ قطعة ستيك طلبت عليها صوق الماشروم + طبق جانبي ماش بتيتو ١٠/٩ لذيييييييذ لكن كمية البصل كثيرة في صوص الماشروم الطبق الثالث طلب من قائمة الاطفال مكرونة مع طبق جانبي بطاطس مقلية لذيذة وممتعة للأطفال طبعاً لا ننسى البنز الي يقدموه للزبون اول مايدخل مع كريمة السينابون عشق عشق مهما وهي احد مميزات المطعم قيمة الفاتورة ٣٥٨ ريال
اراء المتابعين
التقرير الأول
جربناه كوجبة غداء داخل المطعم الجلسات مريحة وكثيرة ولا كان مزدحم المكان مع ان فيه كثير غيرنا يوجد موسيقى، الموظفين مرة بشوشين ومحترمين الأكل وصل بوقت قياسي ولا تأخرو أبدا بالنسبة للأطباق: الضيافة منهم خبز بريوش مع زبدة مدخنه وفيها نكهة قرفة أما عن اختياراتنا من المقبلات ( راتلسنيك بايتس ) ١٠/١٠ عبارة عن كرات جبنة بالهلابينو بصراحة مرة لذيذة والحرارة فيها متوسطة مب مرة حارة تتقدم مع صوص أبيض مرة ممتازة أنصح بتجربتها، وكميتها راهيه ومن اللحوم اخذنا ( أضلع لحم الريب ) ٩/١٠ حجم النصف وجبه يجيك ضلع واحد، عليها صوص باربيكيو الحلو انهم ما كثرو من الباربيكيو ونكهة اللحمه طالعة وذاااايبه لذيذة بصراحة وأعجبتني أيضا جربنا ( فورت ورث ريباي ) ١٠/١٠ قوام الطبخ طلبناه متوسط ، نكهته لذيذة واضحه نكهة الشوي ولا كانت عصارة اللحم كثيرة وطري مو قاسي أبد عموما أعجبنا مرة . يجي مع كل وجبة رئيسية طبقين جانبي حسب اختياركم احنا اخترنا بطاطس + سلطة سيزر السلطة مقبولة حلوة بس مو مميزة وأيضا البطاطس حلو بالنسبة للمشروبات جربنا : ماي تاي بالتوت ، مرة لذيذ أعجبني و ليموناده بالمانقو والنعناع، بارد ومنعش الطلبات كانت لشخصين كلفتنا فوق ٣٠٠ بس ما اتذكر بالضبط الكمية ماشاءالله كانت راهيه فزادت عن الحاجة عموما التجربة ونوعية اللحوم وحسن الاستقبال يستاهل نكرر التجربة بإذن الله ونجرب أطباقهم البقية
التقرير الثاني
من زمان ودي أجربه ومع ذلك دخلته صدفة عندهم عروض غداء بأسعار حلوة ومناسبة تكون من الأحد إلى الخميس طلبي كان: – وجبة تريل راسلر ٣٩ ريال : لذييييذة جدًا جدًا برقر مختلف عن باقي المطاعم تمامًا متفرد بطريقته وطعمه كلاسيكي بحت قطعة لحمة + خس + طماطم+ بصل+ جبن، البرقر عملااقة أول مرة أشوف برقر بالحجم هذا *ينفع مشاركة* وتقدرون تحددون مستوى طبخ اللحمة اللحمة نفسها تحسها فريش مافيها بهارات كثيرة مخربه طعمها والخبز برضو لين وطِعم البطاطس حجم كبير شوي مالح يجي بقشره خبز الضيافة فظيييع جدًا حالي شوي وطازج طالع من الفرن بوقته يُقدم مجانًا ومعه صوص ما أدري ايش والله بس ما أعجبني – المكان زحمة ما شاء الله. – العاملين ما يمديك تقعد إلا جاء واحد يخدمك . – مافيه موسيقى. الأكيد له عوودة وتجربة أطباق أخرى
التقرير الثالث
المطعم أكله لذيذ وأجوائه حلوة وطاقم العمل رائع. الأطباق متنوعة وكثيرة. الخبز عندهم لذيذ بشكل مو طبيعي. المواقف متوفرة وقائمة الطعام تناسب أذواق كثيرة.
التقرير الرابع
الزيارة كانت يوم السبت الموافق ٠١ / ٠١ / ١٤٤٤ هـ لعائلة مكونة من أربعة أشخاص. الطلبات كانت عبارة عن : سلطة سيزر ٦٥ ريال التقييم ١٠ من ١٠ شوربة التورتيا والدجاج ٢٦ ريال التقييم ٧ من ١٠ بطاطا تكساس مقليه مع الجبنة ٤٣ ريال التقييم ١٠ من ١٠ راتلسنيك بايتس ٤٣ ريال التقييم ٩ من ١٠ فيليه وروبيان ١٨٥ ريال التقييم ٦ من ١٠ فورت وورث ريباي ١٣٥ ريال التقييم ١٠ من ١٠ من ناحية جودة الأكل ١٠ من ١٠ من ناحية التعامل والخدمة من ١٠ من ١٠ من ناحية الديكورات من ١٠ من ١٠ من ناحية النظافة من ٠٩ من ١٠
التقرير الخامس
مطعم جميل جيته اكثر من مرة عندهم اصناف كثيرة من الاطباق اكلهم لذيذ ونظيف الخبز يجي حار مع الصوص والفستق شي جميل عندهم اصناف عصائر فرش يضبطونها
التقرير السادس
قارنت بين فرع جده وفرعين الرياض … فرع جدة هو الاقوى من ناحية مرونه وبشاشة الموظفين وخدمتهم الممتازة … بعده فرع الرياض بارك وهو ممتاز ايضاً … هذا الفرع هو الاكثر ازدحاماً وهو ايضاً ممتاز
التقرير السابع
مطعم امريكي جميل والعاملين فيه جداً بشوشين خصوصا واحد اسمه بهارات يمكن المهم المطعم كديكورات مقبول وميزته ماتحتاج حجز والضيافة يقدمون خبز طازج لذيذ جداً لدرجة طلبت منه تيك اوي اما الاطباق بشكل عام لذيذة اعجبتني خصوصا شوربة التورتيلا بالدجاج جدا لذيذة فيها نكهة مكسيكي وطلبنا المخلل المقلي جدا لذيذ وكرات الهالبينو ممتازة والستيك والريبس جيدة جداً بشكل عام ارجع له
