، غرناطة، طريق الإمام عبدالله بن سعود بن عبدالعزيز، حي الشهداء, الرياض
رقم مخبز Chunk سدرة مول
+966 55 417 1641
افضل ما يقدمه الكافية
المكان يجنننن ورايق والمخبوزات والحلى موطبيعي والكريي والوافل لذيذذذ من ايدين شويت الجميله عسل هالبنت هي والثانيه القمر دلينا مررره خدومين وكل الطاقم بطل احييكم على المخبز مرررره رائع
منيو مخبز Chunk
كيكة بيكان وقرفة ٤١﷼ | طعم القرفة طاغي لذيذة بس حاليه مره كيكة كرنشي بيري ٥٥﷼ | لذيذة مره مره وفيها حشوه توت تعجب اللي يحبون الفواكه كثير وكانو مسوين اليوم عرض وعطونا كابتشينو ولاتيه مجانًا | افضل شيء عجبني بالقهوة ان طعم الحليب متوازن جدًا فية موسيقى 🎶 | تقهوينا على صلاة العشاء خبرتهم ان وقت صلاة وطفوها وتعاونوا معنا الله يسعدهم اتمنى يستمر هذا التعاون لأن عليهم اقبال حتى والموسيقى مغلقه الفرع مو كبير ابدًا بس فيه جلسات
اراء المتابعين
التقرير الأول
بصراحه الكوفي رائع ولذيذ وازوره اكثر من مره واكرر الزيارة اكثر من مره. مخبز وكفي مبدعين في الكيك ومبدعين كذلك فالكروسان الشكل متقن بشكل رائع للامانه ما جربته ولكن من شكله يعتبر اتقان. جربت كيكة البيكان لذيذة لحد الامتاع وكذلك التمر تستحق التجربة. القهوة كذلك رائعه ولكن الباريستا كانه يحتاج الي تدريب اكثر. العاملين بشوشين جدا وتعاملهم جدا جميل. انصح فيه .!؟ نعم انصح
التقرير الثاني
افضل بيكري وافضل وافل وكريب بالرياض لاتبه مضبوط من زمان ماذقت مثله ماشاءالله لان الكافيهات من تالي صايره ماتضبط القهوة فقط شكل وتصوير لكن تشنك تفوقواوايضا فرع جميل جداً مشكلة بسيطة فقط وهي الخدمة بطيئة وحوسة شوي وقت الزحمة اقصد طبعاً لأنه اكثر من كاشير الأسعار مرتفعة تعتبر مقارنه بغيرهم لكن ميزتها تقدر تشاركها اكثر من شخص الكمية راااهية والاحجام كبيرة الحلى ووافل
التقرير الثالث
اخذت كيكة سولتد كارمل كانت لذيذة جداً
ولكن اقترح على اصحاب المتجر توفير جهاز طباعة على الكيك حتى يكون شكل الكتابة افضل من كذا المكان جميل بكونه مختلف عندهم تنوع بالحلا والكيكات تختارون على طلبكم وعندهم فطور صباحي سناك خفيف الكوفي جميل
التقرير الرابع
المكان شرح ونظيف ومُريح.. القهوه مثالية! جدًا جدًا جدًا.. ونوع التشيز كيك كراميل عندهم مو طبيعي! يستاهل سعره للامانه لان مهما اكلت منه ماتحس بثقل الاكل او الحلا الزايد
التقرير الخامس
راائع جو وهدوء وروقان وتعامل الستاف كان لطيف جدًا بالأخص الاخت شويت ودلينا.. اخذت سويس تشوكلت وكريب وميني بان كيك كل شي كان لذيذ التشوكلت كان مره رائع والبان كيك والكريب كان هش ولذييذ ويذوب بالفم مع مكس البيريز والفراوله القهوه اخذت كابتشينو لذيذه جدًا لكن بارده حتى لو طلبتوها اكسترا هوت للاسف الهوت تشوكلت لذيذ لكن فيه احسن اسعارهم معقوله تميل للغالي لكن صراحه يستاهل ٧/١٠ جميل وديكور وهدوء وستاف وكل شي
التقرير السادس
فرع جديد ل chunk مخبوزات وحلويات متنوعة المكان واسع وشرح الحلا جيد القهوة مضبوطة الأسعار مرتفعة المكان مناسب للعوائل
التقرير السابع
الأكل لذيذ . الخدمة ممتازه لكن الشباب يحتاجون تعلم فن تزين الحلى..مثلا انا طلبت كريب وطلبت إضافة توت المفروض يرتبه بطريقه حلوه موب تكته زي الرز.. الأسعار ممتازه . المكان مزعج من صوت الموسيقى . بشكل عام يستاهل الزيارة اكثر من مره..لكن بدون موسيقى
التقرير الثامن
جميل المكان وواسع الشمس باالنهار وبالشتاء خلصه مره حلوه بالمكان مقابل غرناطه مول خيارات واسعه في الحلا والمخبوزات القهوه حلوه موزونه مافيه الطعم الحمضي المعتاد عند اغلب الكفيهات اكرر الزياره الموسيقى هاديه ماتزعجك ولاتوترك بالصوت العالي اشكر الاخت سارة على تعاونها واحترافيتها .. مقهى مميز جدا .. لكن فيه ملاحظة مهمة .. الكيكة الشوكلت مع البستاشيو الكبيره سعر 289 سكرها كثيرر جدا جدا لدرجة ماتقدر تكملها
