منتج ممتاز .. طلبت من عندهم كبة دجاج و كانت هشة و الحشوة مليانه بس تحسها سبايسي شوي مو كثير .. ما جربت عندهم اصناف اخرى بحكم اني جيتهم نهاية الدوام ..
منيو مطعم حبة كبه
ما شاء الله من احلى المطاعم في المشويات و الايدامات والكشري عندهم لذيذ جدا .. الله يبارك لهم
اراء المتابعين
التقرير الأول
طلبت من عندهم كبه لحم كانت هشه وخفيفه حشوة اللحم كانت تتبيلتها ممتازه جدا اما الطبقه الخارجيه تحتاج تبهير اكثر وهاذا الشي ذوق شخصي يعني ماتعيب الاكله اخذت من عندهم تست للورق عنب وللملفوف الورق عنب طعمه مره خفيف مافيه حموضه واضحه ممكن لاني اخترت نكهة السبايسي مدري وبنسبه للملفوف كان كويس طعمه مناسب ماعليه ملاحظلات التغليف كان راقي جدا اتمنى لهم التوفيق وانشاء الله تتكرر الزياره
التقرير الثاني
اعطيه خمس نجوم للطعم والسعر والنظافه وحسن الاستقبال. طلبت من عندهم كبه وكانت ألذ كبه أذوقها في مطعم او محل خاص بالكبه غير شغل البيت طبعا . اتمنى منهم إضافة صنوبر مع الحشوه وعادي لو زادوا ريال بس بيكون الطعم ألذ . باقي الأصناف للامانة ماذقتها بس اكيد بتكون بنفس اللذه . عموما لو عندكم مناسبة وتبون كبه وورق عنب كانه شغل البيت وشي يبيض الوجه أبد لا يفوتكم حبة كبه على كيف كيفكم
التقرير الثالث
انا من اهل الرياض وبحثت كثير في تبوك عن كبه جيده وورق عنب هذا افضل شي الطعم لذيذ موزون طازج الورق عنب لذيذ لكن غيرو نوعية الورق قاسي شوي
التقرير الرابع
بصراحه جيت المحل من كثر ما شفت تعليقات قوقل ماب مصنفينه انه الاعلى تقيماً وللامانه الكبه عندهم خورراااافيييييييه وطلبت برضو من عندهم ورق عنب دبس رمان وورق عنب سبايسي لذيييييييذ مرره السبايسي والمرات الجايه بإذن الله راح اجرب من عندهم الورق عنب الكلاسيك ولو انه سعره عااالي مره لكن دام الطعم حلو عوااافي
التقرير الخامس
صراحه .. كبة اللحم و ورق العنب تفوووووووز .. تذكرني كثير بكبة اللحم اللي في مطاعم العاصمة الأردنية عمّان .. أوصي .. أنتم رائعين ابقوا كذلك
التقرير السادس
اعطيه ٣ نجوم طلبنا ورق عنب وكبة، ورق العنب فيه عروق واضحه يحتاجوا ان يعتنوا بنوعية الورق الي يستخدموه، مستوي تمام والنظافه والشكل ممتازة، الطعم ممتاز لكن ينقصه الحامض ما حسيته حامض ابدا. اذواق شخصيه. بالنسبة للكبة تغليفه العلبه جيد، مقليه طازة، الشكل جيد قرمشتها جيده جدا، والحشو ممتاز لكن العجينه نفسها الخارجيه اعتقد بحاجة لهبرة اكثر حتى يبان طعم الكبة الصحيح. الطلب ياخذ وقت ليجهز مع انه ما في زحمة طلبات النظافه ممتازة، التغليف متعوب عليه الاسعار غاليه شوي
