كافيه بلر حائل الفطور عندهم لذيذ طلبت عصير برتقال و جابوا لي عصير ربيع !!! الايسكريم حلو مره بارد ، قدموه لنا مجاني القهوة v60 فنانه الحلا فرنش توست بالبيكان انصح فيه المكان رايق والخدمة سريعه
الوسيطاء، حائل
966534284715+
طلبي كان: لاتيه.. محصول برازيلي جيد. سكرمبل بيكون.. خبز بريوش لذيذ وهش البيض ينقصه الملح والفلفل الاسود! المفترض يتم اضافة الجبن بالداخل ايضا بدلا من الخارج فقط! ليعطي طعم متناغم مع البيض
المكان هادئ جيته صباح الأحد جربنا فطورهم بريوش حلوم + سكرمبل بيكون البيكون كان رااهي ومشبع وفيه نكهة اللحم حلوه الحلوم لا بأس لكن ياليت يتكرمون بالحشوه كان قاسي صراحه والجرجير قليل جدًا ورقتين صغار!!! والحلوم رقيق ونكهة الزعتر فيه قوية 💔 موب على المستوى صراحه ولايساوي قيمته المكان ضيق شوي ، مستوى النظافة يجب أن يكون أعلى من كذا !
رهيب من طاقم عمل وقهوة وفطور ولا تعاملهم الواحد مايدري وش يمدح ووش يخلي 🤍 . صراحة انا يهمني تعامل الموظفين قبل الطعم وانتو جمعتوا لذة الفطور و القهوة والتعااامل وش بقيتوا❤️؟ بس لو فرعكم اكبر كان افضل💪🏼. من افضل لافضل آن شاء الله ❤️
الديكور جميل وجداً عجبني والاستقبال والتعامل مع الخدمة جداً لطيف اما بشأن الأكل جداً لذيذ ماشاءالله اعجبت بقوه .. تبقى ملاحظات بسيطه لابد من ذِكرها: ١. الجلسات الداخلية للأسف ديكور جمالي اكثر من انه يخدم الزوار والمقاعد محدوده ٢. صورت جزء من الفاتورة لاني حسيت المفروض ما يُذكر سعر التوست (ما عجبني)
المكان حلو وهادي وجلساته مرتبه خدمة الموظفين ممتازه خيارات الحلويات مميزه مو مثل الكوفيات المعتاده ، القهوه البارده عندهم مميزه ومبتكره ولذيذه صدق ، الحلا طلبنا فرنش بيكان بصوص مكس كراميل وتشوكلت لذييذ مره ، القهاوي كله كانت حلوه وقدموا لنا ايسكريم مجاناً ، البكجات انيقه وبه ميزه مناسبه للمحلي والسفري ، الاكيد اني ارجع للكوفي وبجرب الفطور عندهم ، شكراً لاصحاب الكوفي التفاصيل كثيره ومتعوب عليه 🤩🤍🤍
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
