مطعم تاون بور المدينة المنورة رحت للمطعم هذا أنا وصديقتي وقت زيارتنا للمدينة وكان إختيار موفق، ديكور جميل.. الأكل لذييييذ ومشبع ( طلبنا اومليت سبانخ-بريوش بيض بالبيستو- وصحن حلومي-ماش بتيتوس-شاي مغربي وعصير ليمون بالنعناع)وكله لذيذ بالذات البريوش والخبز طري وساخن، وموظفة الإستقبال لطيفة بشوشة ربي يسعدها. تجربة تتكرر بإذن الله إذا زرنا المدينة ثاني
طريق سلطانة، بئر عثمان، حي، المدينة المنورة
966148464643+
المطعم على مستوى رفيع من الاحترافية والذوق – الأكل لذيذ – ديكور المطعم هادي ومريح – حسن الاستقبال من الكاشير – المخبوزات طازجة وتخبز في نفس المطعم – بيتزا مارجريتا ريحان لذيذة ولكن ملحها زايد شوي (34 ريال)
– أجبان مشكلة يتكون من جبن ڤيتا ، جبن بالكمون ، جبن شيدر ، مع سلطة بسيطة ومربى وزبدة (22 ريال) – أومليت بالجبنة ، يقدم البيض على شكل رول مع بصل مكرمل ، مع ديكور خيار وهلابينو .. البصل ما أعجبني لكن البيض لذيذ (23 ريال)
– بانيني موزريلا وريحان ، فيه جبن ذايب وجرجير وفيه طعم ريحان خفيف ، يمكن عليه بيستو (28 ريال)
اول مطعم عرفتو المدينه يقدم هاذا المستوى من الاحترافيه
وهو المفضل عندي من وقتها وللان مستمر على النظافه والجوده بعيد عن التقليد وتكرار …
مع احترامي لجميع المطاعم الجديده الى اكلها مايشبع ولا يكفي عيله هاذا اكثر مطعم اكلو نضيف
وتقدرو تجو مجموعه وتشبعو الخبز الى يستخدمو عندهم والكرواسون بداية ادماني تشمو ريحتو فرش وزي القطننه ولذيذ الاسعار والكمية مقارنة
بمطاعم تانيه بنفس الجوده تعتبرر مناااسبه جداا اذا اول مره تجو كل شي عندهم لذيذ مايحتاج توصيه لشي معين
اول زيارة ليه بصراحة مطعم ممتاز فطورهم مرة لذيذ طلبنا كلوب ساندويتش و اومليت بالسبانخ – – بيستو اومليت بخبز البريوش – كرواسان سكرامبل ايجز
– سلطة الرمان تفوز مرة لذيذة- وعصير رمان وبرتقال فريش مرة لذيذ بصراحة كل الطلبات كانت لذيذة ومميزة راح ازوره مرة ثانبة واطلب وجبات ثانية تجربة ممتازة ورائعة وراح تتكرر لايفوتكم جلساتهم روعة وديكور حلو
المكان جميل وبارد ريحته حلوة جيناه على الفطور طلبنا بريوش بيض البيستو و ديليتشي فرنش توست الطلبين كانت لذيذة البريوش كان مو نفس الصورة
وتعبني في الأكل لأن البيض خرج كله من الساندوتش والصوص مدري السلطة اللي معاه
كأنها كوليسلو ما عجبتني بس البطاطس ممتازة والساندوتش نفسه لذيذ بغض النظر عن صعوبة أكله الفرنش توست مدري كيف أوصفه صراحة تناغم عجيب في النكهات طعم الكاراميل مع كريمة البندق وقرمشة الفيوتين اللذيذة وخفة الخبز مع برودة الآيس كريم كله كذا على بعضه شي من الآخر نقصت نجمة عشان جلسنا ننتظر الطلب أكثر من نص ساعة وكنا جوعانين
السلام عليكم صباح الخير على القراء.
اولا من اسوء الخدمات في المطاعم اللي اكلت فيها قعدت ١٥ دقيقه ولا احد جاء حتى يشرف وش ابغي ولا ليه هذا الشخص داخل المطعم.
الموظفين مع المدير المصري قاعدين يحسبون الفواتير على الطاولة و دق حنك.
ثانيا دكتور المطعم جميل هادئ.
ثالثا الاكل عشان اكون منصف طلبت صنفين الامليت سبانخ هادي و اقل من عادي ولكن الصنف الثاني بريوش بريستو لذيذ جدا.
اتمنى من الادارة اخذ هذا التقييم بعين الاعتبار.
مرا لذيذ وفنان المطعم جيتهم كذا مرة
– المنيو عندهم باركود تدخلوا عالويب سايت وتعبوا السلة بعدها ينقلكم عالواتس اب ترسلوا طلباتكم،
– اسعارهم متوسطة.
الخصوصية وسط حتى لو الجلسات مقفلة ممكن الجلسة اللي جنبكم يقطوا في السالفة عادي، بس لو جيتو وقت الصباح او العصر مافي زحمة وتاخذوا راحتكم،
جربنا عندهم :
البريوش مع الاجبان : ٩/١٠
تشيكن سلايدرز: يجي ٣ قطع مع بطاطس اعتبره افضل طبق عندهم ولا مرة غلطوا فيه
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
