كافيه القطط في المدينة الفكرة فريدة من نوعها هنا تعيش شوي مع القطط و يعطوك اكل تاكل القطط و تلعب معاهم “نجمتين عشان كذا ” التقيم تعامل العاملين في المقهى جيد ، مهتمين من ناحية توفير المعقمات القطط اليفه و لطيفة مش مزعجه يعطونك اكل القهوة اخذت ايس سبنش لاتيه عادي جداً و اكثر من عادي ، يحتاجون يجيبون قهوة/ بُن ممتاز من محامص مميزه سعر الدخول عند القطط يعتبر عالي ب 29 لمدة نصف ساعه . رائحة المكان عند القطط كريه ، تحتاج اهتمام من هذي الناحيه المفترض يوفرون مغاسل لغسل اليدين عند الخروج من مكان القطط .
اسماعيل بن ابى الحكيم، بئر عثمان، المدينة المنورة
966532204130+
المكان جميل ومرتب ونظيف وتعامل الموظفين جدا لطيف حبوه اولادي المكان جدا نعيد الزياره جربت بلو موهيتو كان لذيذ🧡
مشروع جديد والقائمين عليه بنات لطيفات فيه مجموعه من القطط اتوقع ٢٨ قطه من فصائل مختلفه قهوتهم لذيذه واخذت كيك من عندهم اتوقع كان من منش بس يعيب المكان الزحمه وسوء التنظيم وصاحبة المكان تقول بتشتغل ع الموضوع .. الله يبارك لهم
القهوة جيدة والحلا حقهم من منش ولذيذ طبعا والاسعار مناسبة جدا الدور الارضي مافي قطط فقط موجودة في القسم اللي فوق .. المكان نظيف ماشاء الله والقطط نظيفة واليفة والخدمة رائعة .. لكن الجلسات غير مريحة الطاولات والكراسي كلها منخفضة وحجمها صغير وللاسف الطلب نشيله بيدنا ما اعطونا صواني ولا اكياس ما اعرف اذا متوفرة عندهم ولا لا الاسعار كانت ٤٩ ريال للشخص لدخول منطقة القطط لمدة ساعة مع مشروب فقط، والحلا اخذنا جار كيك كبير ب ١٦ ريال الحبة
المكان ك فكرة جميل.. لكن عندي بعض التعليقات واتمنى من إدارة المحل ياخذونها بصدر رحب
لازم يكون فيه تعاون من العاملين.. مو معقول اجي انا وبزورتي اقلكم ممكن اشوف المحل هل يناسبهم ولا لا تقولو معليش تدفع وتدخل تشوف يعني اعتقد انو الواحد من حقه يعرف اذا المكان حيناسبو بالذات انو فكرة جديدة وغير مالوفه
الأصناف المتوفره بالذات للصغار.. مو معقوله تخيروهم بين كب كبك أو موهيتو.. المفترض فيه خيارات أكثر صحة للصغار بالذات ان السعر يعني مو رخيص كمبلغ مدفوع
المكان مخصص للعب الأطفال مع القطط.. كيف كل مالمسو قطه لا.. لا تلمسها.. هذي لاتلعب معاها.. هذي حامل.. رتبو وضع القطط وخلو القطط اللي ينفع الأطفال يلعبوها بأريحية قدامهم اتمنى من كل قلبي من إدارة المحل الالتفات وتنظيم آلية أفضل للمكان والاهتمام ب منيو الكوفي للكبار والاصناف ووضع قائمة أكثر ملائمة للصغار وتقبلو تحياتي…
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
