مطعم برجر هنش بريدة ( الاسعار + المنيو + الموقع )

  • نشر في: 19 مارس، 2023
  • بواسطة:
كافيهات و مطاعم السعودية
مطعم برجر هنش بريدة ( الاسعار + المنيو + الموقع )

مطعم برجر هنش بريدة مطعم جميل ومتجدد ومتطور اخذت منهم برجر دجاج كرسبي ، ولحم نيويورك ، بطاطسهم جميل وصوص السبايسي حلو مره اسعارهم من المتوسط للعالي

  • الاسم: مطعم برجر هنش بريدة
  • التصنيف : عائلات – افراد
  • النوع : مطعم
  • الأسعار: متوسطة
  • الأطفال : مناسب
  • الموسيقى: لا يوجد
  • مواعيد العمل :١٢:٠٠م–٢:٣٠ص
  • الموقع على خرائط جوجل : للوصول للمطعم عبر خرائط جوجل اضغط هنا

عنوان مطعم برجر هنش بريدة

حي النهضة، مخطط الرواف طريق عثمان بن عفان،، بريدة

رقم مطعم برجر هنش بريدة

966163823334+
مطعم برجر هنش بريدة
جربت السموكي اول ما نزلوه كانت لذيذة واخذته هالمرة للاسف مذاقه عادي جداً اعطيه 10/6 واخذت تشيلي تشيز طعمه كان لذيذ وسبايسي اعطيه 10/9 والصوص للاسف موب زي صوصهم اللي تعودنا عليه وبالنسبة للسعر اشوفه غالي مقارنة بغيره – البرجر بدون وجبة ب20 !! الله يبارك لهم واتمنى يرجعون زي قبل

أفضل اطباق المطعم 

منيو مطعم برجر هنش بريدة
منيو مطعم برجر هنش

تقارير المتابعين للمطعم:

التقرير الأول:

انا دايم اخذ برقر دجاج وازينه بالبيت جداً رهيب السموكي دجاج رهيب جداً لحاله يشبعك نيويورك صراحه ثقيله ودسمه جداً وماتصلح ابد ماعجبتني جلست يوم ماكلت شيء بعدها  البطاطس كالعاده ممتاز

جميل جدآ وهادب جربت وجبة كرسبي دجاج مررره لذيذة وبرضو برقر لحم جدآ لذيذ

مطعم جميل ومتجدد ومتطور اخذت منهم برجر دجاج كرسبي ، ولحم نيويورك ، بطاطسهم جميل وصوص السبايسي حلو مره اسعارهم من المتوسط للعالي

لذيذ لكن دسومي شوي سموكي لحم 8/10 نيويورك لحم 7/10 الحاشي 5/10 البطاطس سبق وجربته احيان يضبطون احيان لا لكن اليوم حلو

التقرير الثاني:

البرجر لذيذ جداً و كذلك الهوت دوق، فيه لمسات جميله بالتحضير و عنايه و مميز. الي ماعجبني حشوة بريوش اللحم قليله جداً.. الجلسات بحاجة إلى تحسينات ووضع طاولات متحركه بدل من طاولات الحافلات

أعتبره من المطاعم اللي تقدم برجر لذيذ. بس ستيك اللحم بريوش ما تضبط ابداً لازم الواحد يطلب بالمحل ويحرصهم عليها عشان تكون مضبوطة ولا غيره مو كويسه ابد. أكثر من مره طلبتها من تطبيقات التوصيل.

التقرير الثالث:

جربت المطعم وصدمني البرقر اللحم متواضع جداً كأنه مجمداً ولا فيه اي نكهة وسعره غالي شوي على البرقر طلبت نيويورك سيئه لابعد درجة وطلبت جرافتي عادية جربت برجر سموك باختصار (كأنه برجر مجمد) مافيه اي نكهة او طعم جربت كرسبي جيده حاشي برجر عادية تم تعديل التعليق وزيادة النجمتين لانه صراحة مستوى النظافة تغير للافضل شكراً

برجر لذيذ ومميز ! وسعر الوجبة ٣٨ ريال طلبت سموكي بيف صراحة ممتاز بس غير مقرمش وهش، نيويوركر افضل.. انصح بتوفير مغسلة بحكم ان البرجر يوكل باليد او توفير مناديل مبللة مع الطلب يعطيكم العافيه

التقرير الرابع

تقيمي هذا مبني على تخصصي كمدقق جودة في مجال الأغذية ( يبقى رأي شخصي )
مطعم برجر هاوس او برجر هنش حاليًا
من المطاعم العريقة في البرجر المشوي
المطعم من المطاعم المفضلة عندي اذا بغيت كلاسيك برجر
مريتهم بعد انقطاع عنهم
واخذت كلاسيك برجر دجاج
واخذت اصناف ثانيه قلت بجرب
اخذت هوت دوج نيويورك
وتشيلي تشيز فرايز
من ناحية الكلاسيك برجر حقيقة نزل مستواها بشكل كبير عن قبل ماعرف هل هو جودة اللحم تغيرت او الصوص المستخدم بالسابق ، وانا اكل عضيت غضروف داخل البرجر مع الاسف
نجي للهوت دوج ، حقيقة لو رحت للبقاله واخذت لي خبز واكلته بيكون افضل قطعة هوت دوج كلاسيكيه صغيره جدًا على اليمين وكاتشب وجبن مافيه اي ابتكار والطعم كان عادي جدًا جدًا جدًا
نجي الان لزبدة الموضوع والشيء الي حقيقة استفزني جدًا التشيلي فرايز مثل ماتشوفون بالصور المرفقه مليان زيت بشكل مهووول ، هذا لو تاكله كامل غرفتك بالمستشفى بتكون جاهزه! يمدي اغير زيت المكينة من البطاطس

طبعًا بيجي احد بيقول طبيعي بطاطس مقلي بيكون فيه زيت ! الجواب ياعزيزي مثل ماتشوف بالصور البطاطس عليه طبقه زيتيه متحجره تلمع ، هذا يبين لك شيء من أثنين ان العامل حط البطاطس بالزيت وهو ماوصل لدرجة الحرارة المطلوبه وبكذا بدا البطاطس يتشرب الزيت
او ان البطاطس كان خارج التجميد لفترة طويلة ونزلت حرارته بفك التجميد ثمن حطه بالقلاية..
على العموم كلامي هذا وملاحظاتي حبًا لهذا البراند العريق اتمنى ملاحظاتي تؤخذ بشكل جاد لانه حقيقة على الي شفته استحاله ارجع اطلب من المطعم

مطعم برجر هنش