هيله كافيه جدة
زيارة جميلة لكافيه هيلة
من الكافيهات الجديدة بمركز الخياط في شارع الأمير سلطان
الكافيه رايق في النهار
طلباتنا كانت :
لاتيه كان لذيذ والتقديم يفتح النفس
أمريكانو لابأس بها
وبالنسبة للحلى طلبنا:
– كيكة الهيل شكلها كان مغري بس طعمها عادي
وتقريبًا ماميزت أي نكهة فيها أتوقع يعدلون عليها بما إنو افتتاحهم تجريبي
– عيش السرايا رشحه لنا واحد من الستاف أقل من عادي يعني ماأفكر أطلبه ثاني
بشكل عام المقهى جيد والويترز ممتازين
الديكور جميل بس لسه مافتحوا الدور الثاني
وأسعارهم مقبولة
يستاهل الزيارة وإن شاء الله نكررها بعد الإفتتاح الرسمي لهم
دورت بجدة على مقهى يبيع قهوة الورد و لقيت هذا بالبحث و جيته
عشان قهوة الورد مشتهيته … و انا من ناحيتي جدااا عجبني و حبيته
و مش شرط اذا عجبني معناته يعجب الاخرين .. لانه هي اذواق …. و
كنت كمان نفسي اذوق قهوة لافندر .. اتريهم موفرينه و اشتريته باليوم
اللي بعده … عجبتني قهوة اللافندر و ريحتها زاكية … و زيما قلت لكم
انا اتكلم من وجهة نظري و ذوقي … و عقبال قهوة الكادي هههههه .
.. و ربي يبارك لكم برزقكم و استمروا لارضاء اذواق الزباين المتنوعة هههههه
طلبنا:
– فطور عربي ٦٤ ريال – مقلقل لحم ٤٨ ريال – كوب كرك ١٤ ريال – قهوة تركية بالحليب ٢٤ ريال
. الفطور العربي ولا غلطة جدًا ناسبني.. هو يتقدم لشخصين بس كنا ٣ وكفانا بالراحه.. .
المقلقل كمان ممتاز و فيه سلطة تجي مع الفطور العربي جربوها مع المقلقل والله يمممم 👌🏽.. .
المشروبات كمان كانت لذيذة.. . اللي ما حبيته هو الأسعار المرتفعة! و أتمنى يعدلونها لأنه مكانهم
و تعاملهم و أكلهم ممتاز حرام يخربونها بالأسعار!
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
