مقهي أوتار ريالتو القطيف ( الاسعار + المنيو+ الموقع )

زرت المكان نظراً للمدح اللي سمعته عنه .
المكان نفسه مريح و ألوانه باستيل هاديه و تروق الاعصاب و الأثاث جميل ،
انما نوعية الاثاث تصلح لجلسات كوفي اكثر من مطعم لأنها غير عمليه نوعا ً ما .

نجي للأكل :
١- سلطة السالمون المدخن : نوعية السالمون المستخدمه بالتأكيد ليست الافضل و مالحه جدا ً ، خربت طعم السلطه شوي لولا وجود الاناناس اللي يعطي نكهه لطيفه توازن الملوحة.
٢- شوربة المشروم : لذيذه جداً و على اصولها .
٣- برياني لحم : بصراحه كان كبسه اكثر منه برياني، الزبيب كثير رغم اني احبه ، لكنه لذيذ .
٤- اللزانيا : لذيذه و متقنه و نكهه اصيله ، صوص طماطم معمول باحترافيه بسيطه و لذيذه .
٥- سوشي تاور : التقديم جدا ً جميل و مغري و مشهي ، فكره جميله لتقديم نكهات السوشي.
الطعم دسم كان محتاج الى صويا صوص عشان توازن الدسم و كذلك الى مخلل الفجل اللي كان بيعطي بعد آخر للطعم .
تظل فكره جميله.
٦- كيكة العسل : امممم كانت جيده و لكن ما تعطي احساس ال fresh ، كان ممكن تصير الذ من كذا .

بشكل عام انصح بالزياره …
المكان مليء بالراحه مع موسيقى لطيفة، تشجع على الكلام و الثرثره ، بالاضافه للخدمه الجيده و السرعه .