مطعم يو بك الاحساء من اجمل محلات الايس كريم في الأحساء طازج ولذيذ، النكهات مختلفة ومتنوعة، والاسعار ممتازه انصح الجميع بتجربته لن تندمون 👌😋😍😍
وسط المدينة، وسط المدينة الهفوف والمبرز, الهفوف والمبرز 36341، المملكة العربية السعودية
+966 56 775 8303
لذيذ، لكن نوعًا ما،، صار الميني بانكيك متوفر في كل مكان وتقريبا نفس الطعم كل مكان ونفس الشي مع الآيس رولز. أتمنى يصدرون مينيو جديد وتشكيلة جديدة
جدا مانصح فيه طلبت بستاشيو وصلني لوتس ومافيه سكين والصوص مره قليل ماطلب منه سيئ
اهم شي ايس كريم الصاج الي بالتوت لذيذ جداًً ومنعش الي يحب الحامض ياخذ بنكهة عمار بس مو مسؤول اذا تقرح لسانه وجاته حموضة في بطنه ( معظم الي يطلبونه البنات 🤐🤢😷) ،
في ناس تحب الميني بان كيك مكس صوص بالنسبة لي احسهم ثقال . المحل حيل نظيف وانيق طبعا بسبب الزحمة الطلب يتاخر لذلك كلمهم تلفون اسرع لك
يو_بك إذا دخلتوه خلكم مثلي و أبتكرو النكهه بنفسكم ، ويمكن كثير يعتمد ع المنيو و مايعرف أن الخدمة ذي متاحة عندهم
مثلاً أنا مرة بتغطياتي أبتكرت نكهة فيها اللواكر و رافيلو و فيريرو روشيه مع الشوكولاتة البلجيكية وطلعت شيئ خورافي لدرجة جاتني أستجابات كثيرة عليها ، وهذا الفكرة أنك تبتكر نكهة من الأنواع اللي تحبها
والحاجة الثانية لمدمنين #نكهة_عمار أبشركم رجعوها بس أنصحكم تطلبونها مع مكس توت
والحاجة الثالثة شوفو البوكس الفخم من البوب وافل وشكله الأنيق اللي ينفع للتقديمات و المناسبات وتقدرون تطلبونه بالصوصات اللي تحبونها
وهذي المرة جايينكم بـ #بان_برجر يحبه قلبكم
ثلاث طبقات بانكيك بالطريقة الأمريكية الأصلية وكل طبقة محشية بالنكهة اللي تحبونها و تقدرون تختارون الموز أو الفراولة معها
طبعاً الجهاز اللي يسويها يعتبر جديد و أول من دخل فيه بالسعوديه هم و للأمانة العجينة بطلة و الفكرة بعد جامده و لو تاكلها بدون حشوة برضو حلوة ،
بس أشتهيتها مع جبن 🤣
جربوها جد راح تعجبكم 👌
بشرو حرقتكم الرطوبة والشموس ولا باقي 😂
هذا الله يسلمكم جديد #كريزي_وافل ، الهبة الجديدة عند #يو_بك ويازينها من هبة ، أنشهد أنها بالمخ 😂
يعني مثل مايقولون ثنين في واحد ،، تستمتع في آيسكريم يوبك مع وافل يوبك ،، المهم أني هذرت واجد خلاص جربوه ودعولي 😂
بوكس المناسبات من #يو_بك
عندكم مناسبة وتبون شي دلع أطلبو البوكس ذا ولا تترددون ، تبونها من فخامة ولا من لذة
البوكس يجي فيه تقريباً 55 حبة ميني بانكيك ،
وفيه منه خيارات بالنكهات اللي تبونها أو مكس مثل اللي بالصورة
وللأمانة شكله فخم ويجمل حتى للتقديم ، وسعره حلو ويفرق السعر بين النكهات
سامحوني بس باللنسبة لي اللي مايحب الآيسكريم حق #يو_بك ماعنده سالفه 😂
قسم بالله النكهات عندهم جامدة ولها ثقلها ، والجديد أنهم برمضان نزلو لكم نكهة جديدة وهي وردة الزعفران ،
نصييييحه اللي يحبون الزعفران لاتفوتكم وربي بطططلة
ورجعو لكم نكهة الفيمتو الكلاسيك القديمة ،
وفي نكهة فيمتو جديدة مع مكس توت رهيييبة للي يحبون النكهه القريبة من نكهة عمار
والبوكس الفخم اللي بالنص
، ذا بوكس المناسبات أسميه أنا ، فخم ومرتب ويجمل ولذيذ ، وفي منه ثلاث أنواع ، نوع بسعر 69 ريال ، ونوع بسعر 79 ريال ، ونوع بسعر 99 ريال
والعرض الرمضاني من يوبك ، اذا شريت أي نوعين آيسكريم تاخذ الثالث مجاناً ، واذا خذت أي نوعين وافل تاخذ الثالث مجاناً
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
