مطعم هووك في جدة من أفضل المطاعم عندي .. المطعم مميز و الخدمه فيه رائعه و تعامل الموظفين جداً راقي خصوصاً( supervisor Ramy ) .. أحب أطلب من عندهم أستكوزا بالكريمة و شرمب الكيجن و كل شي عندهم لذيذ الصراحة .. و أسعارهم جداً مناسبة ..
طريق الامير سلطان، الزهراء، جدة
966126344440+
الطلبات كالآتي:
كيس جمبري بصوص الكيجن 6/10
كيس قمبري بصوص الكريمة 9/10
بطاطس مقلية بالبهارات 6/10
رز ابيض
طاقم التقديم بشوش
الصراحة ي جماعة المطعم حاجة من الآخرر .. نصحني فيه صديقي ورحت جربته وكان يستاهل كل الكلام االي انقال عليه ..
طلبنا كان
روبيان بالكاجن ( كيس) وكان افضل طبق عندهم 10\10
روبيان مقلي وكان ثاني افضل طبق 8 ونص /10
ديناميت روبيان وهذا ماعجبني الصاحة لان الصوص مليان مايونيز
الرز جيد نوعا ما اعطيه 8/10
البطاطس9/10
من ناحية الطعم والمذاق والنكهه ونوع السمك والجمبري والاستاكوزا، أرى انهم مبدعين وأنصح بتجربته.
حبذا عندهم ركن للشوي.
جلسات الكنب في الدور العلوي تحتاج رفع عالاقل 10سم لتتناسب مع الطاوله وكراسي الحديد، حتى يكون المتقابلين في ارتفاع متساوي.
اولاً المفروض اني صورت الاكل بس ماشاء الله من الحماس مامداني وتذكرت بعد ما بدات بس متاكد اني بزورهم مره ثانية فأحسن اني ماصورت لان الاكل يستاهل تروح تشوف وتاكل وتجرب الاستقبال اللطيف والشباب اللي روحهم تعطيك تطلب وانت مرتاح ان الخدمة ماشاء الله متكامله والكامل وجه الله
صراحة بالنسبة لي هو افضل مطعم يقدم هذا النوع من الاكل في جدة ، حيث تتميز تجربتي دائمًا معهم بالمتعة والجودة العالية. على الرغم من أنني واجهت كذا مرة تحديًا في تجربتي حيث كان طلب الكراب ليس على المستوى المطلوب، إلا أن الفريق استجاب بسرعة وتم تغييره بنجاح. يستحق المطعم الاحترام الكامل، ولكن الأمر الصعب هو الحفاظ على مستواهم. كما يمكن تحسين الخدمة بتغيير علبة الصابون المكسورة في حمامات الرجال
المكان جميل والاكل طعم
طلبنا بطاطس مقليه عادية وجابوها بالكيجن وبعذرهم عشان الزحمه
وكيس بالكيجن كان لذيذ
كيس بالكريمة طعم
وتميز درجة استواء الجمبري ممتازه جدا
بكل صراحه انا من عشاق السي فود وهالمطعم مرتب وياخذ والله العقل واكلهم لذيذ والجمبري فرش طغى على باقي مطاعم اكياس الجمبري بجدة وبالاسبوع ازوره مره او مرتين على الاقل جميل والجوده توب وطاقم العمل والاخص وليد ( فرع الامير سلطان ) ولد سعودي مهذب وخدوم جداً الي بيجرب يجرب اكياس الجمبري الكيجن والكريمه
التقرير الخامس
مطعم جميل لبعض الأذواق ☺️ رحتو مع عائلتي مننا ١٢ شخص الخدمة كانت جداً حلوة ولطيفين رغم انو كان جمعة ومررا زحمة الطاولات تتعبى اول باول ماشاءالله الله يباركلهم طلباتنا كانت – جمبري مقلي بهاراتو لزيزة وقرمشتو عالية مع صوص الدايناميت هذا كان ألز شي بالنسبالنا بس للأمانة الجمبري مو بحري فمافي طعم الجمبري الاصيل – دجاج
ستربس حلو – سلة الجمبري بالكريمة اعطيه ٧ من ١٠ حرارتو حلوة للي يحبو الحار – سلة الجمبري بالكيجن انا مو من محبين بهارات الكيجن والثوم عشان كذا مرا ماحبيتها بس ذقتو بمكان ثاني نفس الشي محبين الكيجن حتحبوه عندهم * ملاحظاتي ( الجمبري نفسه
ماله اي طعم لازم يحسنو جودتو بماانهم مطعم ماكولات بحرية واسعارهم زي اسعار الماكولات البحرية بس خلطاتهم وصوصاتهم والبهارات مرا حلوة ) بالنسبالي ماحكرر التجربة ماحبيت الفوضى والجونتيات تطيح ومااقدر اصلح حجابي اعرف كثير يحبو المطعم وكثير لا فالموضوع اختلاف اذواق بس يستحق التجربة
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
