مطعم كيمس الطايف مبروك الافتتاح في الطايف الفرع هنا يفتح النفس .. مرتب والديكور جميل في جلسات خارجية حلوة في الجو الحلو لكن شوية بطيئين .. طلبي كان كورتادو .. ممتاز وماربل كيك .. جيد .. المكان فعلًا جميل ومرتب وفيه دور تاني كمان .. أخيرًا إضافة ممتازة لعالم القهوة في الطائف
قريش، السداد، الطائف
966544074366+
من زمان كنت انتظر يفتحون بالطايف الموقع ممتاز جدا والديكور والجلسات اكثر روقان بالنسبة للطلبات قد جربت من عندهم اكثر من نوع قهوة سواء حار او بارد بالنسبة لي اشوف كيمس مميز من ناحية المشروبات الحارة : جربت فلات وايت ، كورتادو ، لاتيه وكلها كانت مميزة . المشروبات الباردة جربت سبانش لاتيه لكن ماجازلي الحلى اصناف واشكاال كثير واغلبها لذيذة كروسون الجبنة لذيذ لذيذ لاتتجاوزونه ابد . الخدمة ممتازة وان شاءالله نشوف لهم فرع ثاني كمان موفقين ي رب .
القهوه عندهم عجيبه والسويت كذالك جميل ولذيذ ، عندهم الطابق الارضي والسطح العلوى هذا مفتوح سوا شباب او عوائل ومخصصين الدور الأول فقط عوائل وهذا شي طيب يشكرون عليه ، يوجد دفايات بالقعدات الارضيه الخارجيه والسطح يوجد لديهم ريوق صباحي مميز
الموقع جميل للكوفي يحتوي على جلسات خارجيه وداخليه بالدور الارضي والدور العلوي جلسات عائليه اطلالاتها جميله يتوفر مصعد لكيار السن من المواقف السفليه حتى اخر دور الخدمه جميله من الموظفين يتوفر دورات مياه يوجد موسيقى القهوه طعم جميل ويتوفر لديهم العديد من المشروبات والاطباق الاسعار مناسبه عدا اطباق الحلى مرتفعه قليلاً او نوعاً ما رائع يستحق الزياره
نجمه واحده للموقع والثانيه ل اللاتيه ،، بصراحه الموقع جمممميل لكن الجلسات مره غير مريحه والطاولات ضيقه والخدمه ماتليق ابداً يعني واحد يجلس في الطاوله والثاني يصف سرا عشان يطلب !! يعني مافي احد يجي ياخذ الطلب من الطاوله !!! والموظف اللي عند الباب مايفهمنا النظام يعاملك معاملة اللي المفروض انت فاهم النظام !! غير عن ان المصعد عطلان مدري وش سالفته ننتظر عنده مايفتح !! طلبت كيكة عسل للاسف اني اقول انها سيئه ناااشفه وماتستحق السعر بالمره لكن اللي يبغا كيكة عسل لذيذه يروح لاروزيه وبس
دورين وسطح المكان رايق والديكور جميل طلبت ايس بستاشيو ولم يرق لي ب٢٤ ريال الكوب كبير جدا والماء ب٦ريال لازم اوقف طابور عشان اطلب لانه لا يوجد احد يأخذ الطلب ! ولكنهم يجلبون الطلب الى الطاوله اليك وينادونك باسمك باعلى صوت بدلا من رقم الطلب ! ” كانت طريقه غير بروفشينال ” كميه الشباب هائله مقارنه بالبنات والذي جعلنا نتردد في دخوله
جميع الحقوق محفوظة لموقع كافيهات و مطاعم السعودية © 2024 - Privacy Policy - اعلن معنا
