مطعم طنجرة جدة ( الاسعار + المنيو + الموقع )

منيو مطعم طنجرة

تقارير المتابعين للمطعم:

التقرير الأول:

المحل ذا طحت عليه بالصدفه وانصدمت من جمال ورب العنب والمسخن وزرته مره ثانيه وتعرفت ع صاحبه الاكلات الحلوه اسمها آيه كانت جداً ذوق وكريمه وخدومه وذوقتني المحاشي وفته ورق العنب الشهاده لله شغل مرتب ونظيف ولذيذ قبل كل شي
تمنيت اني من سكان جده بس عشان اكل منه دايم

اتحدا احد يزبط الكوسا باللبن شيخ المخشي زيهم وكمان المنسف. هذا المطعم السر فيه اي طبخ فيه لبن مافي احد يضبطوا زيهم.الله يوفقكم واكيد بكرر الزيارة

التقرير الثاني:

مشالله تبارك الرحمن اذا احد حاب يتحداهم في المسخن يجرب
اكل بيت ونظييييف جدا والطعم موزون وممتاز

المنسف نفس الكلام شغل بيت واللحمة نظيفه مشالله والجميد ممتاز
البشاميل شغل بيت كمان مو التوب لكن جدا لذيذة واللحم المفروم مبهرة

ملاحظة انا رحت الساعه 5 الفجر ياجماعة والاكل كان فرش

لازم ارجع اجرب ورق العنب والبامية والمسخن طبعا

بشكل عام الاكل مره طيب والنفَس نفَس بيوت مشالله
والتعامل ممتاز تحس انك بتطلب من اهل بيت مو مطعم

وشي مهم جد الاسعاااااار مقابل الجودة والكميه ولاغلطة
بس التطبيقات مره رافعه اسعارهم اتمنى يحلو المشكله
واتمنى مايشطحو مستقبلا … والله يوفقهم

التقرير الثالث:

الاكل لذيذ و الخدمة ممتازة
شكرا للاخت اللي تقف في المساء بعد العشاء
انسانة جدا محترمة و متعاونة و خدومة
شكلها صاحبة المطعم …و المطعم شكله مشروع عائلي هي و زوجها ….الله يوفقهم و يرزقهم و يوسع عليهم .
تم طلب :
١- منسف : جيد جدا …اللحم طاااااازج و جدا طري .
٢- مسخن رولز دجاج : عاااااالمي ….جدا لذيذ لازم تجربوه.
٣- فتة ورق عنب : لذيذة و السماق اللي فيها طعم .
٤- مكرونة بشاميل: ما شاء الله مخدومة في الكمية و المكونات …كما يجب ان تكون المكرونة البشاميل.

التقرير الرابع:

الاكل وصل ساخن
الطعم بشكل عام ٨ / ١٠
المحشي المشكل لذيذ و ممتاز و فيه مرقه لذيذه ١٠ / ١٠
ورق العنب حامض زيادة بالنسبالي و حار ٨ / ١٠
الكرنب او الملفوف ٣ / ١٠ ( الحشوة واضح انها مفرزنه و فيها نكهة غريبة – الرز معجون كانه عجينة و طعم الحشوة حقيقي غريب ) الكرنب نفسه قاسي

ما أتوقع أكرر التجربة الا مع الحاشي المشكلة
و يا ريت يرسلوا مع المحاشي المشكلة ( رز – خبز أسمر ) و يكون اختياري مع نفس مبلغ الطلب ٦٠ ريال الطلب

التقرير الخامس:

مطعم فوق رائع يتميز بالنظافه والرقي ع المستوى العالي عندهم منسف وكبسه جداا ممتازه ايضا جميع الاطباق بالمستوى ذاته
بالتوفيق

اقسم بالله الذ مطعم تاكلو منو من نظافه و طعم و ريحة تفتح النفس كانو اكل بيت انا و صاحباتي شبه يومياً نطلب منو و اليوم رحتلهم الفرع اش تعامل مع الزبون و ذوق خلوني احب المطعم اكثر الله يسعدهم يارب و يبارك لهم في رزقهم

م شاء الله تبارك الرحمن الله يبارك لها برزقها يارب نفسها في الاكل يفتح النفس وكل طبق اطعم من التاني يكفي انها هي الي واقفة على الطبخ والتقديم حرفيا مطعم لو تاكل منه كل يوم ما تمل

طلبنا : منسف ٧/١٠ مسخن ١٠/١٠ افضل مسخن ذقته في جدة فتة ورق عنب ٧/١٠ حامض بزياده، مع اني طلبته بدون دبس رمان كوسه محشيه باللبن ٩/١٠،، إبداع ماشاء الله لا قوة إلا بالله المشكلة في موظف الاستقبال، لحاله في المحل، يستقبل الطلبات، ويحاسب، ويحضر الطلب