مطعم روكا في الرياض يتميز روكا الرياض بتصميمه الحضاري الفريد، باستخدام طاولات من الخشب الطبيعي، وورق جدران من أوراق الأرز الياباني، وتراس بمناظر طبيعية كواحة جميلة بوسط مدينة الرياض. الاجواء العامه جداً جميله ، تعامل الموظفين والويتريه جداً راقي ، أسعار المطعم مقارنه بالمطاعم الفخمه اللي على الشارع جداً رخيصه
الأسم : مطعم روكا- ROKA
التصنيف : عوائل – أفراد
النوع : مطعم
الاسعار : مرتفعة
الاطفال : مسموح
بارتشن: يوجد
الموسيقى : يوجد
أوقات العمل : 1PM–12:30AM
خرائط جوجل: للدخول الى المطعم عبر خرائط جوجل اضغط هنا
مطعم ياباني جلساته جميله وواسعه واستقبالهم اكثر من رائع وجميع اللي يشتغلون فيه رائعين. الاكل برضو لذيذ طلبنا سوشي نوعين كل نوع خمس حبات طعمه ممتاز. وواقيو كان جدا جدا رائع يمكن يكون الذ واقيو ذقته للحين وبطاطس مشوي بقشره ينوكل مع الواقيو يعطيه طعم ولا اروع وبعد طلبنا وقيوزا لحم طعمها كويس بعد والمره الجايه بجرب بالجمبري أن شاء الله اللي ماكان لذيذ الرز مع الفطر اقل من المتوقع عادة في المطاعم اليابانيه يكون جدا طعم . واخيرا الحلا شوكولاته نباتيه وهي عباره عن كيكة شوكولاتة مع ايسكريم وباشن فروت وكانت ممتازه اعجبتني كثير . المشروبات يوزويوكي ماذقته بس يقولون لذيذ انا طلبت جينجر نينجا وكان مره لذيذ . طبعاً الاسعار كما في المطاعم ذا النوع غالية.
مطعم ياباني .. حبيت المكان والخدمة ممتازة وجلساته مريحه الاكل لذيذ جداً طلبت تمبورا البطاطا الحلوه وكان لذيذ جداً كانكوكو فو كوهيتسوجي ( شرائح لحم بالسمسم )لذيذ جداً وياكيتوري نيجيما ياكي ( اسياخ دجاج ) عاديه جداً سوشي الواغيو عادي رز بالفطر الياباني كوكتيل جنجر نينجا كان لذيذ ارجع له وبقوه اذا وجهتي اكل ياباني بس اتمنى يطورون من السوشي
اراء المتابعين
التقرير الأول
المطعم ياباني يكثر فيه قائمه السوشي المتنوعه المطعم كديكور لابأس به والخدمه ممتازه من الاستقبال لين التوديع لكن استغربت منهم كان معي علبه ماء اشرب منها صغيره رفضت دخولها قالت لابد تشربها قبل تدخل ماادري وش المعنى منها . تقييم الاكل لذيذ خاصه الاطباق اللي طلبتها فيليه سلمون وبيبي تشكن وسلطه الخس لكن الطبق قليل مقارنه بسعره يعني مايقبل المشاركه . السعر غالي جدا طبعا يوجد موسيقى
التقرير الثاني
مطعم هاي كلاس ، و الفايبز حقته اشتريها بفلوس من كثر ماهي جميلة و رهيبة. الأكل طبعًا بعض الاطباق جديدة علي كطعم. جربنا الادمامي الحارة وكانت مقبولة. لكن البلاك كود كان خطير جدًا ولذييذ بمعنى الكلمة. الدجاج كان جيد برضو. اسعاره مرتفعه
التقرير الثالث
من المطاعم المميزة والغنيه بالطعم اللذيذ لفت نظري تنوع النكهات وبساطتها ، كل طبق مختلف عن الاخر واجواء المطعم تحسسك انك مسافر طلباتنا كانت : سلطة الخس مع البصل المكرمل لذيذه وغريبه مكس النكهات سوشي طلبنا ٤ انواع كانت بنصيحه من الويتر يقول هي افضل الانواع وكانت فعلاً مميزة ورهيبه شوربه ميسو مو جوي ماعجبتني دمبلنق لذيذ جدا جدا ومميز ستيك واقيو رهيب ومقطع رفيع جداً بطاطس السقنتشر تبعهم مع خلطتهم المميزة طلبنا كمان ربيان على شكل اعواد مقرمشه ولذيذه المشروبات كانت موهيتو بيريز موهيتو باشن فروت مشروب في ماتشا مشروب زهرة اللوتس جميعها لذيذه ومنعشه الخدمة سريعه جددداً السعر مرتفع بصراحه يتطلب حجز مسبق
التقرير الرابع
مطعم جميل ورائع ، الطعم اللذيذ والأطباق المتنوعة سعدت باقامة اجتماع وحفلة بسيطة وأشكر الشاب العربي نسيت اسمه ما قصر في الخدمة والضيافة وكذلك جميع الطاقم بشوشين ورائعين الأسعار متوسطة ومناسبة ، حجم الأطباق متوسط ولطيف جميل اذا جتيهم تحجز بدري وتنسق طلبك معهم وما راح يقصرون معاك بشيء
التقرير الخامس
روكا الرياض يقع في مشروع ميدتاون الفاخر، حيث يقدم المطبخ الياباني المعاصر بأسلوبه المميز على طريقة الروباتاياكي. يتميز روكا الرياض بتصميمه الحضاري الفريد، باستخدام طاولات من الخشب الطبيعي، وورق جدران من أوراق الأرز الياباني، وتراس بمناظر طبيعية كواحة جميلة بوسط مدينة الرياض. الاجواء العامه جداً جميله ، تعامل الموظفين والويتريه جداً راقي ، أسعار المطعم مقارنه بالمطاعم الفخمه اللي على الشارع جداً رخيصه ، المطعم عنده ڤالي باركينق
