كافية سورت قهوة مختصة جدة كافيه غني عن التعريف لذلك تقييمي راح يركز على المشروبات والحلا وبشكل عام الخدمة ممتازة والقهوة مضبوطة. في موسيقى مافي بارتشن مسموح دخول الاطفال ممنوع التدخين جلسات داخلية وخارجية دورين ودور صغير فالنص افراد وعائلات
الموقع مميز و الجو العام في الكافيه رايق و مريح . جربنا القهوة كورتادو و فلايت وايت مع الكرواسان بالجبنة الحلومي و بصراحة كان الطلب مرضي جداً القهوة ممتازة و الكرواسان تذوب في الفم. المكان يستحق الزيارة مرة أخرى
منيو كافية سورت قهوة مختصة
فاق لكل التوقعات لذيذ بشكل خيالي الدونات بالنوتيلا والزعتر ب 14 ريال خرافيه والفرنش توست ب27 ريال لذيذ وجربت قهوه سودا ب 13 ريال طعمه مره مره والفلات وايت ب14 ريال لذيذ والاسعار معقوله جدا افضل بكثير من كافيهات ثانيه من ناحيه الجوده والطعم والاسعار والموظفين خلوقين شكرا لكم مو اخر تجربه
اراء المتابعين
التقرير الأول
لطيف موقع المكان وفي منطقة مفتوحة جدًا ونظيفة. مشهورين كثير بالدونات اللي بالزعتر لكن انا شخصيًا ما اتحمست للفكرة. القهوة ممتازة والجلسة مريحة (الخارجي افضل من الداخلي بصراحة لكن في الجو الحلو بس). اللي ما عجبني عندهم كيف حاطين الحلا وعارضينه بطريقة مقصف المدرسة. شكله ما يشجع تطلبه بصراحة
التقرير الثاني
من افضل المقاهي بالنسبة لي من ناحيه جوده البن القهوه بجميع انواعها لذيذ وسعرها ممتاز والحلويات كل شي عندهم لذيذ المره ذي اخذت سان سبستيان مره لذيذ وكيكة زعفران وقهوهv60بن مكسيكي مره حلوه وطعمها موزون ومناسب وقهوه فلات وايت حليب قليل دسم مره حلوه انصح الكل يجرب المقهى جلساته جميله والستاف جميل ومتعاون
التقرير الثالث
المكان جميل ومرتب وجلساته صغيرة ومتقاربة اطلالته فقط جلستين عليها والاطلاله غير موفقه كثير.. قهوتهم لذيذة جدا وخدمتهم سريعه الطلب والاستلام من الكاشير وتروح للجلسات اسعارهم في متناول الجميع
التقرير الرابع
المكان حلو مرره ورايق فيه دورين وجلسات خارجية قهوتهم جدا لذيذ والتيراميسيو وكيمه العسسسسل لذيذه جدا وحلاها موزون والكريمه خفيفه واللي يبغى صراحة يبعد عن الازعاج وبيروق ضروري يزوره
التقرير الخامس
الطلبات: ايس بستاشيو ٩/١٠ لذيذ ومو حالي بزيادة. فلات وايت ٩.٥/١٠ ممتاز ومضبوط مرة. ايس سكاي لاتيه ٨/١٠ لذيذ وغريب النكهة مو واضح نكهة ايش لكن فيها كوتن كاندي. دونات زعتولا ١٠/١٠ غريبة لكن على عكس التوقع طلعت تجنن المكس متوازن والدونات نفسها قطنة ومو شاربة زيت. كيكة زعفران ٨/١٠ طرية ومليانة صوص، حلاها خفيف اخف من المعتاد
التقرير السادس
جميل جدا هدوووء والجلسات مريحه نظافة واهتمام عالي تعامل جدااا لطيف مع الزبائن القهوة كورتادو.. الفلات وايت والقهوة الخاصة فيهم جدا رائعه الدونات مميزه الكيندر و السولتد كراميل ممتازه طعمه والايس كريم ام علي اسعارهم مناسبه جوده وكميه وطعم
التقرير السابع
مكان مريح قهوة ممتازة الحلى كنت اتمنى القى طلبي لان جيت مرتين ومالقيته متوفر كذا صنف واللي طلبته التيراميسيو لابأس به عموما المكان والقهوة والخدمة ممتازة. الحلى عموما عندهم جيد اتمنى يوجد نوع قهوة تركي ولمحبي الشاي يوفرو جوهم وقت المباريات
التقرير الثامن
مكان مميز وجميل وخيارات الجلسات كثيره داخليه دورين ونص وخارجيه .. قهوتهم حلوه والحلى عندهم جييييد .. والهوت شوكليت عندهم مميز جداً .. المكان نظيف ومرتب واحياناً يحتاج انتظار وقت الزحمه .. لكن مكان مميز وجميل .. جربت فطورهم ممتاز
التقرير التاسع
من لمن فتح الكافيه الين دحين يمكن رحتلو والله فوق ال ١٥ مرة من كثر ما انو عاجبني ، القهوة راااااااااائعة وطلبي من عندهم فلات وايت ممتاز و ب ١٤ ريال ، جربت البارد عندهم اتوقع اسمو ريشيو لاتيه لكن ما اعجبني و برضو الايس تي اللي بالتوت و الرمان و كان سيء ف أفضل حاجة الفلات وايت ، اما الدونات ف حكاية ثانية ، اللي يبغى يلحق عليها يجي بدري من ٤ العصر يجيبوها و مرات مايجي المغرب الا وهيا مخلصة ماشاءالله دونات الفيريروشيه تجنننن و الكندر برضو و البستاشيو اوف اوف كل وحدة احلى من الثانية و كلها محشييييية بذمة وضمير والله صدق ماقد اكلت دونات حلوة زي كدا و ب ١٣ ريال بس ، نجي للكوكيز جربت الميني يجي ٦ حبات منوعة مابين شوكليت بالزعتر و شوكليت اتوقع بالفول السوداني ومرة يمي ، و كيكة الحليب بالفستق تجننن يعني كل حاجة صراحة هنا طعمة و تجننن المكان بالغالب زحمة و بالعافية تلاقوا مكان و مكون من ٣ ادوار الدور الارضي غثيث الناس بس تصور فيلو لكن الدور الثالث رايق وحلو و اتمنى اتمنى يعملوا بطاقة ولاء عشان الناس اللي تحبهم زيي يلاقوا مكافئات على الزيارات الكثيرة لهم
التقرير العاشر
مره حلو المكان موجود في مجمع فيه مجموعة كافيهات بعد الروز وود على طريق الكورنيش . جلسات خارجيه وعندهم جلسات داخليه حتى في الدور الاول لاتفوتو زيارة المكان في هادي الاجواء واكيد في الصباح بيكون المكان اجمل بس الجلسات قريبه جدا من بعض . الأسعار مناسبه بالنسبه للطعم والجوده ماشاءالله طلباتنا كانت عباره عن كابتشينو ولاتيه وقهوه سوده ودونات النوتيلا والزعتر ، كيكة شوكلاته ، فرنش توست . بعيد التجربه ان شاءالله بسبب الجوده في كل شي بخصوص ديكور الكريسمس ماحبيتو وصورتو عشان التقييم احنا عمرنا ماشفنا لاتلج ولابرد
